بھارتی اداکار مہیش بابو کی 50 سال کی عمر میں بھی بہترین فٹنس کا راز کیا ہے؟
اشاعت کی تاریخ: 20th, November 2025 GMT
تیلگو فلم انڈسٹری کے سُپر اسٹار مہیش بابو ناصرف اپنی جاندار اداکاری بلکہ فٹنس اور جوان دکھائی دینے کے سبب بھی خوب جانے جاتے ہیں۔
50 سال کی عمر میں بھی اداکار کی فٹنس برقرار رہنے کا راز اِن کی سخت ڈائٹ اور باقاعدہ ورزش ہے۔
5 سے 6 کھانوں پر مشتمل سادہ ڈائیٹ
بھارتی میڈیا کے مطابق مہیش بابو دن میں 5 سے 6 مرتبہ متوازن غذا لیتے ہیں۔
اِن کے روزمرہ کی غذا میں دو سپلیمنٹ شیکس بھی شامل ہوتے ہیں تاکہ جسم کو مسلسل غذائی توانائی ملتی رہے۔
مہیش بابو کا دن ناشتے سے شروع ہوتا ہے جس میں پروسیسڈ دلیہ (اوٹس)، انڈے، میوہ جات اور پھل شامل ہوتے ہیں، جم کے بعد وہ پروٹین یا نیوٹریشن شیک پیتے ہیں۔
دوپہر کے کھانے میں وہ عام طور پر چکن، لیمب یا فِش کے ساتھ براؤن رائس، کینوآ یا خشخاش کو ترجیح دیتے ہیں۔
رات کے کھانے میں اداکار چکی کے آٹے کی روٹی کے ساتھ انڈے یا چکن لیتے ہیں تاکہ پروٹین اور کارب کا توازن برقرار رہے۔
ہفتے میں 5 دن سخت ورزش
بھارتی میڈیا کے مطابق مہیش بابو کے ٹرینر نے ایک انٹرویو کے دوران انکشاف کیا ہے کہ تیلگو اداکار ہفتے میں 5 دن سخت ورزش کرتے ہیں، اِن کا روزانہ ورزش کا ایک سیشن 60 سے 90 منٹ تک طویل ہوتا ہے۔
مہیش بابو کے ٹرینر کا کہنا ہے کہ اداکار فٹنس کو صرف فلمی کرداروں کے لیے نہیں بلکہ اپنی روزمرہ کی زندگی کا مستقل حصہ سمجھتے ہیں، وہ سال بھر باقاعدگی سے ورزش کرتے ہیں۔
مہیش بابو کے فٹنس ٹرینر نے اداکار کی غیر معمولی متحرک زندگی، سادہ خوراک کو اِن کی جواں جِلد اور تازہ دم طبعیت کی اہم وجوہات قرار دیا ہے۔
.
ذریعہ
ذریعہ: Daily Mumtaz
کلیدی لفظ: مہیش بابو
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا