’2 ماہ کچی آبادی میں رہا جہاں بڑے بڑے چوہے تھے‘، بالی ووڈ اداکار ویویک اوبرائے کا انکشاف
اشاعت کی تاریخ: 20th, November 2025 GMT
بالی ووڈ اداکار ویویک اوبرائے نے انکشاف کیا ہے کہ انہوں نے اپنے فلمی کیریئر کے آغاز میں رام گوپال ورما کی فلم ’کمپنی‘ میں مرکزی کردار حاصل کرنے کے لیے غیرمعمولی محنت کی اور باقاعدہ طور پر کچی آبادی میں رہائش اختیار کی۔
ایک انٹرویو میں ویویک اوبراے نے بتایا کہ وہ تقریباً 2 ماہ کچی آبادی میں رہے جہاں رات کے وقت ’بڑے بڑے چوہے‘ آتے تھے اور انہیں پانی بھرنے کے لیے ڈرم استعمال کرنا پڑتا تھا، جب کہ غسل خانے کے لیے عوامی بیت الخلا کا سہارا لینا پڑتا تھا۔
یہ بھی پڑھیں: بالی ووڈ کی سب سے امیر اداکارہ کون، حیران کن نام سامنے آگیا
ویویک کے مطابق جب انہوں نے پہلی بار رام گوپال ورما سے ملاقات کی تو ہدایتکار نے انہیں اس بنیاد پر مسترد کردیا کہ وہ ایک سخت گیر کردار کے لیے ’بہت پالشڈ‘ دکھائی دیتے ہیں۔ اس کے بعد اداکار نے فیصلہ کیا کہ وہ خود کو کردار کے قریب لانے کے لیے حقیقی حالات کا سامنا کریں گے۔
انہوں نے بتایا کہ ’میں 6 سے 7 ہفتے ایک کچی آبادی میں رہا۔ کرائے پر ایک کھولی لی۔ جس میں رات کو بڑے چوہے آتے تھے۔ پانی ڈرم سے نکالنا پڑتا تھا اور باتھ روم نہ ہونے کے باعث لائن میں کھڑا ہونا پڑتا تھا۔ اسی ماحول میں میں نے سمجھا کہ میرے کردار چندو ناگرے کی زندگی کیسی ہوگی، وہ کیسے بیڑی پیتا ہے، چائے پیتا ہے اور بات کرتا ہے‘۔
یہ بھی پڑھیں: بالی ووڈ کے کپور خاندان پر ڈاکیومنٹری جلد نیٹ فلیکس پر ریلیز کی جائے گی
کچی آبادی میں وقت گزارنے کے بعد ویویک اوبرائے کردار کے مکمل لُک میں رام گوپال ورما کے دفتر پہنچے جہاں ان کا آڈیشن دیکھ کر ہدایتکار نے فوراً انہیں فلم کے لیے منتخب کرلیا۔ ویویک کے مطابق، آر جے وی نے ان کا آڈیشن دیکھ کر کہا ’زبردست آڈیشن ایسا آڈیشن میں نے کبھی نہیں دیکھا‘۔
بعدازاں رام گوپال ورما، ویویک کو لے کر ان کے والد اور سینئر اداکار سریش اوبرائے کے گھر پہنچے اور انہیں بیٹے کے انتخاب سے آگاہ کیا۔ ویویک نے بتایا کہ والد کی آنکھوں میں فخر کے آنسو تھے۔ چونکہ ہدایتکار کے پاس سائننگ اماؤنٹ کے طور پر کوئی رقم موجود نہیں تھی، انہوں نے وہیں سے سریش اوبرائے سے 10 روپے ادھار لے کر ویویک کو بطور علامتی سائننگ اماؤنٹ دے دیے۔
2002 میں ریلیز ہونے والی فلم کمپنی ویویک اوبرائے کے کیریئر کی کامیاب اور غیر روایتی ڈیبیو فلم ثابت ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بالی ووڈ فلمیں ویوک اوبرائے.
ذریعہ
ذریعہ: WE News
کلیدی لفظ: بالی ووڈ بالی ووڈ فلمیں رام گوپال ورما انہوں نے بالی ووڈ پڑتا تھا کے لیے
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ