ڈاکٹر ز کی غفلت سے جاں بحق نوجوان کے ورثا ء کا احتجاج
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد کے سول اسپتال میں ڈاکٹروں کی مبینہ غفلت کے باعث ڈینگی سے جاں بحق ہونے والے نوجوان کے ورثاء نے محکمہ صحت اور ہیلتھ کیئر کمیشن کی زیر نگرانی ہونے والی تحقیقات پر عدم اعتماد کا اظہار کیا ہے۔ حیدرآباد میں 19 روز قبل ڈینگی سے جاں بحق ہونے والے نوجوان حسنین امیر زرداری کے ورثاء نے محکمہ صحت حیدرآباد وقار میمن کی زیر نگرانی ہونے والی تحقیقات کو مسترد کردیا ہے۔ وکلا برادری نے مقتول نوجوان حسنین امیر کے جی پی ایڈووکیٹ امیر زرداری کی قیادت میں حیدرآباد پریس کلب کے سامنے احتجاجی مظاہرہ کیا اور شدید نعرے بازی کی۔ اس موقع پر جاں بحق نوجوان کے جی پی حسنین امیر زرداری نے کہا کہ ہم محکمہ صحت کی نگرانی میں ہونے والی تحقیقات کو مسترد کرتے ہیں۔ مجھے آج تک میرے بیٹے کی موت کی تحقیقات میں طلب نہیں کیا گیا اور میرے بیٹے کی میڈیکل فائل ہیلتھ کیئر کمیشن کو بھیج دی گئی ہے۔ انہوں نے بتایا کہ بیٹے کی موت کی تحقیقاتی کمیٹی میں وارڈ 2 کے ڈاکٹر سنتوش کمار شامل ہیں جنہوں نے 18 تاریخ کو میرے بیٹے کو صحت مند قرار دے کر گھر بھیج دیا جب کہ 19 تاریخ کو ان کے بیٹے حسنین کی طبیعت خراب ہونے پر دوبارہ سول اسپتال میں داخل کرایا گیا جس کے بعد بیٹے نے آخری سانس لی۔ ایسے ڈاکٹر کی تحقیقات پر کیسے اعتماد کیا جا سکتا ہے جس پر خود غفلت کا الزام ہے۔ انہوں نے کہا کہ سول ہسپتال کے ایم ایس کی تبدیلی میرے بیٹے کی میڈیکل فائل میں ردوبدل ہے جسے میں مسترد کرتا ہوں۔ انہوں نے کہا کہ دوسری تحقیقات ہیلتھ کیئر کمیشن کر رہی ہے جس نے میرا جسمانی معائنہ کرنے اور میری سماعت کرنے کے علاوہ کٹہرے میں میرا بیان طلب کیا ہے جس سے ظاہر ہوتا ہے کہ ہیلتھ کیئر کمیشن میرے بیٹے سے تفتیش میں سنجیدہ نہیں ہے۔ انہوں نے کہا کہ میری میڈیکل فائل آج تک ایڈیشنل جج کو نہیں دی گئی، حالانکہ وہ کئی بار تحقیقاتی کمیٹی سے فائل کی درخواست کر چکے ہیں۔ انہوں نے کہا کہ انہیں تحقیقات پر یقین نہیں ہے۔ لیاقت میڈیکل یونیورسٹی کے وائس چانسلر سمیت تمام ڈاکٹرز جو میرے بیٹے کی موت کے ذمہ دار ہیں اور ایف آئی آر میں نامزدہیں ان کو معطل کرکے کسی ایماندار افسر سے تحقیقات کرائی جائے بصورت دیگر احتجاج کا دائرہ بھی وسیع کیا جائے گا۔
ذریعہ: Jasarat News
کلیدی لفظ: ہیلتھ کیئر کمیشن انہوں نے کہا کہ میرے بیٹے کی
پڑھیں:
حکمران عوام کے بجائے کرسی سے محبت کرتے ہیں ، سندھ ترقی پسند پارٹی
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سندھ ترقی پسند پارٹی کے چیئرمین ڈاکٹر قادر مگسی نے ملاکاتیار میں استقبالیہ تقریب سے خطاب کرتے ہوئے کہا ہے کہ ملک کے حکمران عوام کے بجائے صرف کرسی سے محبت کرتے ہیں، جن کے نزدیک اقتدار ہی سب کچھ ہے، جبکہ عوام بھوک، بدحالی، مہنگائی اور بدامنی کی آگ میں جل رہے ہیں۔ انہوں نے کہا کہ موجودہ حکمرانوں کی نااہلی اور خود غرضی نے ملک کو سیاسی، معاشی اور سماجی بحرانوں میں جکڑ دیا ہے۔ڈاکٹر قادر مگسی نے کہا کہ جب تک ملک میں شامل تمام صوبوں کو برابری کی بنیاد پر حقوق نہیں دیے جاتے، تب تک یہ ملک استحکام حاصل نہیں کر سکے گا اور مختلف بحران جنم لیتے رہیں گے۔ انہوں نے زور دیا کہ وفاق کے استحکام کے لیے ضروری ہے کہ ہر صوبے کو اس کے وسائل، حقوق اور شناخت پر مکمل اختیار دیا جائے۔انہوں نے مزید کہا کہ سندھ کے تمام مسائل کا حل صرف اس وقت ممکن ہے جب سندھ کا عوام جاگیردارانہ، وڈیرانہ اور پرانے سیاسی نظام سے نجات حاصل کرے۔ ڈاکٹر مگسی نے کہا کہ سندھ کے محنت کش طبقے کو اب متحد ہوکر اپنے ہی طبقے کے لوگوں کو اقتدار میں لانا ہوگا، کیونکہ وڈیروں اور جاگیرداروں نے ہمیشہ سندھ سے دھوکا کیا ہے اور اس کے وسائل کو ذاتی مفاد کے لیے استعمال کیا ہے۔ایس ٹی پی کے چیئرمین نے کہا کہ سندھ ترقی پسند پارٹی عوامی حقوق، برابری اور خودمختاری کی جدوجہد جاری رکھے گی اور کسی صورت میں سندھ کے وسائل، شناخت اور خودمختاری پر سمجھوتہ نہیں کرے گی۔اس موقع پر ایس ٹی پی کے وائس چیئرمین نثار کیریو، ڈاکٹر احمد نوناری، اقبال حاجانو، جلال شاہ، اکبر بھٹو اور دیگر رہنماں نے بھی خطاب کیا۔ انہوں نے کہا کہ سندھ ترقی پسند پارٹی ہی وہ سیاسی قوت ہے جو بغیر کسی لالچ اور ذاتی مفاد کے، سندھ کے حقوق کی جنگ لڑ رہی ہے۔ملاکاتیار پہنچنے پر ڈاکٹر قادر مگسی اور دیگر رہنماں کا شاندار استقبال کیا گیا، پھولوں کے ہار پہنائے گئے اور نعرے لگائے گئے۔ تقریب میں کارکنوں اور شہریوں کی بڑی تعداد نے شرکت کی۔
خواتین کو بااختیار بنانا انصاف کا تقاضا ہے: آصفہ بھٹو