چینی انفلوئنسر نے لاکھوں ڈالر خرچ کرکے جعلی 8 پیک ایبز بنوالیے
اشاعت کی تاریخ: 13th, November 2025 GMT
چین (ویب ڈیسک) محنت سے جی چرانے اور قدرتی طور پر ایبز نہ بنا پانے والے ایک چینی سوشل میڈیا انفلوئنسر نے ہائیلورونک ایسڈ کے سیکڑوں انجیکشنز کے ذریعے جعلی 8 پیک ایبز بنوالیے، اس پورے عمل پر 5 لاکھ 60 ہزار امریکی ڈالرزخرچ ہوئے۔
غیر ملکی میڈیا کے مطابق فیشن اور بیوٹی سے متعلق چینی سوشل میڈیا کنٹینٹ کری ایٹر اینڈی ہاؤ تیانان نے انکشاف کیا ہے کہ ان کے جسم کا 20 فیصد حصہ ہائیلورونک ایسڈ پر مشتمل ہے۔
انہوں نے بتایا ہے کہ انہوں نے اپنے کندھوں، کالر بونز، سینے اور پیٹ میں 40 انجیکشنز لگوائے ہیں تاکہ جسم کو مصنوعی طور پر پرفیکٹ بنایا جا سکے۔
اینڈی ہاؤ تیانان نے دعویٰ کیا ہے کہ میں بزدل نہیں ہوں، اب میرے ایبز اسٹیل جیسے ہیں، میں نے اتنے انجکشن لگوائے ہیں کہ اب بزدل نہیں رہا، اگر 3 سال تک میرے ایبز برقرار رہے تو میں گنیز ورلڈ ریکارڈ کے لیے اپلائی کروں گا کہ دنیا کے سب سے زیادہ دیرپا مصنوعی ایبز میرے ہیں، تب میں لائیو اسٹریم پر ان ایبز سے اخروٹ توڑ کر دکھاؤں گا۔
لوگ کہتے ہیں کہ ہائیلورونک ایسڈ چند ماہ میں گھل جاتا ہے یا جم کر ایک جگہ جمع ہو جاتا ہے، مگر میرے کیس میں یہ وقت کے ساتھ مزید قدرتی لگتا ہے، یہاں تک کہ ایبز کی لکیریں بھی واضح ہیں اور آپس میں ملی نہیں ہیں۔
دوسری جانب طبی ماہرین نے خبردار کیا ہے کہ ہاؤ تیانان کی یہ ایبز پروجیکٹ والی دیوانگی مستقبل میں سنگین نقصانات کا باعث بن سکتی ہے اور یہ ہڈیوں کے کمزور ہونے، خون کی نالیوں کے مردہ ہو جانے، پٹھوں کی کمزوری اور ایسڈ کے جسم میں ادھر اُدھر ہو جانے جیسی مشکلات کا شکار ہو سکتے ہیں۔
.
ذریعہ
ذریعہ: Daily Mumtaz
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ