ایپل کا پہلا فولڈ ایبل آئی فون 2026 میں متعارف کرائے جانیکا امکان
اشاعت کی تاریخ: 18th, November 2025 GMT
data-id="863a0a8" data-element_type="widget" data-widget_type="theme-post-content.default">
ایپل اپنے روایتی طریقہ کار میں تبدیلی لانے کی تیاری کر رہی ہے اور آئندہ برسوں میں آئی فون کے اجراء کا شیڈول معمول سے ہٹ کر ترتیب دینے کا منصوبہ رکھتی ہے۔
بلومبرگ کی ایک تازہ رپورٹ کے مطابق کمپنی 2026 میں روایتی ’’اسٹینڈرڈ آئی فون 18‘‘ پیش نہیں کرے گی۔ اسے بعد میں متعارف کرانے کا مقصد ملازمین پر دباؤ کم کرنا اور مجموعی آمدنی کو بہتر بنانا ہے۔ رپورٹ میں بتایا گیا ہے کہ 2026 میں ایپل صرف آئی فون 18 پرو اور پرو میکس ماڈلز لانچ کرنے کا ارادہ رکھتی ہے۔
اسی سال کمپنی اپنا پہلا فولڈ ایبل آئی فون بھی متعارف کرائے گی، جو ایپل کی حالیہ تاریخ میں ایک بڑی پیش رفت تصور کیا جا رہا ہے۔ فولڈ ایبل ماڈل کے بارے میں بتایا گیا ہے کہ یہ بک اسٹائل ڈیزائن رکھے گا اور کیمرا ڈسپلے کے اندر نصب ہوگا۔ بیٹری کارکردگی کو بھی نمایاں طور پر بہتر کیا جائے گا، تاہم یہ خصوصیات قیمت میں اضافے کا سبب بنیں گی۔
اگلے مرحلے میں آئی فون 18 سیریز کے باقی ماڈلز — آئی فون 18، آئی فون 18 ایئر اور آئی فون 18 ای — مارچ سے مئی 2027 کے درمیان کسی بھی وقت مارکیٹ میں لائے جائیں گے۔
ایپل عام طور پر ہر سال ستمبر میں آئی فون کا بڑا ایونٹ منعقد کرتی ہے جبکہ SE یا E ماڈلز کو سال کے ابتدائی مہینوں میں پیش کیا جاتا ہے۔
قیمت کے حوالے سے ابھی کوئی حتمی معلومات نہیں، لیکن گزشتہ رپورٹس کے مطابق فولڈ ایبل آئی فون کی قیمت 2100 سے 2500 ڈالر کے درمیان ہونے کا امکان ہے۔
ذریعہ
ذریعہ: Jasarat News
کلیدی لفظ: فولڈ ایبل آئی فون 18
پڑھیں:
مون سون کا طاقتور سپیل جاری، مختلف علاقوں میں آج بھی بارشوں کی پیشگوئی
صوبائی دارالحکومت سمیت پنجاب کے مختلف اضلاع میں مون سون کا طاقتور سپیل جاری ہے، جبکہ محکمہ موسمیات نے آج بھی وقفے وقفے سے بارش کی پیش گوئی کردی، مون سون بارشوں کے باعث حبس اور گرمی کی شدت میں نمایاں کمی آ گئی ہے۔محکمہ موسمیات کے مطابق آئندہ 24 گھنٹوں کے دوران کم سے کم درجہ حرارت 27 اور زیادہ سے زیادہ 32 ڈگری سینٹی گریڈ رہنے کا امکان ہے، شہر کا موجودہ درجہ حرارت 28 ڈگری سینٹی گریڈ ریکارڈ کیا گیا، جبکہ ہوا کی رفتار 11 کلومیٹر فی گھنٹہ اور ہوا میں نمی کا تناسب 83 فیصد رہا۔محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے، اس کے باعث بالائی اور وسطی علاقوں میں بارشوں کا امکان برقرار رہے گا۔پیشگوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے، خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے، سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع