پاکستان کی سیکیورٹی فورسز کی کامیاب کارروائی: خیبر میں 5 دہشت گرد مارے گئے
اشاعت کی تاریخ: 17th, January 2025 GMT
راولپنڈی: ضلع خیبر کے علاقے تیراہ میں سیکیورٹی فورسز کے ایک اہم آپریشن کے دوران 5 دہشت گرد ہلاک ہو گئے، جبکہ ایک دہشت گرد کو گرفتار کر لیا گیا۔ یہ کارروائی علاقے میں امن قائم کرنے اور دہشت گردوں کے نیٹ ورک کو ختم کرنے کے لیے کی گئی۔
آئی ایس پی آر کے مطابق، یہ آپریشن خفیہ اطلاعات کی بنیاد پر کیا گیا تھا، جس میں فورسز کو اہم کامیابیاں حاصل ہوئیں۔ ہلاک ہونے والے دہشت گرد سیکیورٹی فورسز کے خلاف متعدد حملوں میں ملوث تھے۔
آئی ایس پی آر نے مزید بتایا کہ سیکیورٹی فورسز کا عزم ہے کہ وہ علاقے میں مکمل امن کی بحالی تک اپنی کارروائیاں جاری رکھیں گے۔ فورسز نے دہشت گردوں کیخلاف اس قسم کے آپریشنز کا تسلسل برقرار رکھنے کا عہد کیا ہے۔
یہ آپریشن علاقے میں پائیدار امن کو یقینی بنانے اور دہشت گردوں کی سرگرمیوں کو روکنے کے لیے ایک اہم قدم ہے۔
.ذریعہ: Nai Baat
کلیدی لفظ: سیکیورٹی فورسز
پڑھیں:
بلوچستان: فورسز کے آپریشن میں 5 بھارتی اسپانسرڈ دہشتگرد ہلاک، حملوں میں پولیس اور لیویز کے 2 اہلکار شہید
بلوچستان کے ضلع خضدار میں سیکیورٹی فورسز کے آپریشن میں فتنۃ الہندوستان کے 5 دہشت گرد ہلاک ہوگئے جبکہ ضلع شیرانی کے پولیس اور لیویز کے تھانوں پر دہشت گردوں کے حملوں میں 2 اہلکار شہید ہوگئے۔
آئی ایس پی آر کے مطابق سیکورٹی فورسز کی خضدار میں 14 اور 15 ستمبر کی درمیانی شب بھارتی پراکسی دہشت گرد تنظیم ’فتنہ الہندستان‘ کے کارندوں کی موجودگی کی اطلاع پر آپریشن کیا، اس دوران دہشت گردوں کے ٹھکانے کو مؤثر انداز میں نشانہ بنایا گیا۔
آئی ایس پی آر کے مطابق آپریشن کے دوران شدید فائرنگ کے تبادلے کے بعد 5 بھارتی سرپرست دہشت گرد واصل جہنم کیے گئے، دہشت گردوں کے قبضے سے اسلحہ، گولہ بارود اور بارودی مواد بھی برآمد ہوا، مارے گئے دہشت گرد علاقے میں متعدد دہشت گردانہ کارروائیوں میں ملوث تھے۔
آئی ایس پی آر کے مطابق علاقے میں کلیئرنس اور سرچ آپریشن جاری ہے تاکہ کسی بھی باقی ماندہ دہشت گرد کو ختم کیا جا سکے۔
آئی ایس پی آر کے مطابق پاک فوج نے ملک سے بھارتی سرپرست دہشت گردی کے مکمل خاتمے کے عزم کا اعادہ کیا،دہشت گردوں کو انصاف کے کٹہرے میں لانے تک کارروائیاں جاری رہیں گی۔
علاوہ ازیں، بلوچستان کے ضلع شیرانی میں پولیس اور لیویز کے تھانوں پر دہشت گردوں کے حملوں میں پولیس اور لیویز کا ایک، ایک اہلکار شہید ہوگیا۔
ڈپٹی کمشنر شیرانی کا کہنا تھا کہ دہشت گردوں کے حملے میں تھانوں کے کمیونی کیشن سسٹم کو بھی نقصان پہنچا ہے۔
حملوں میں 6 اہلکاروں کے زخمی ہونے کی بھی اطلاعات ہیں، واقعے کے بعد سول ہسپتال ژوب میں ایمرجنسی نافذ کردی گئی۔
Post Views: 3
سونے کی قیمت نئی بلند ترین سطح پر پہنچ گئی