ٹک ٹاک ون بائٹ چیلنج: لبنانی طالبعلم جان سے ہاتھ دھو بیٹھا
اشاعت کی تاریخ: 19th, January 2025 GMT
بیروت: لبنان میں وڈیو ہوسٹنگ پلیٹ فارم ٹک ٹاک پر وائرل ہونے والے ون بائٹ چیلنج کا حصہ بننے والا جوایلی اسکاف نامی طالبعلم جان سے ہاتھ دھو بیٹھا۔
غیر ملکی میڈیا رپورٹس کے مطابق لبنانی طالبعلم نے ٹک ٹاک پرون بائٹ چیلنج کی وڈیوز کا حصہ بننے کےلیے کرسینٹ برگر نگلنے کی کوشش کی، جس کی وجہ سے طالب علم کا دم گھٹ کر سانس رک گیا، فوری طبی امداد نہ ملنے کے باعث وہ دنیا سے خصت ہوگیا۔
میڈیا رپورٹس کے مطابق طالب علم نے وڈیو بناتے ہوئے جیسے ہی برگر کھایا تو اس کا دم گھٹنا شروع ہوگیا، اسکول انتظامیہ اور دیگر عملے نے فوری طبی امداد دینے کے لیے طالب علم کو قریبی اسپتال منتقل کیا لیکن اسوقت تک طالب علم کی روح پرواز کرچکی تھی۔
اساتذہ نے کہا کہ یہ انتہائی تکلیف دہ، ناقابل تصوراور ناقابل تلافی نقصان ہے جس پر ہم سب افسردہ ہیں، طالبعلم کی ہلاکت پر سوگ میں20 اور 21 جنوری کو اسکول بند رکھنے کا اعلان کیا گیا ہے۔
.ذریعہ: Jasarat News
کلیدی لفظ: طالب علم
پڑھیں:
اسلام آباد ہائیکورٹ کا چیئرمین پی ٹی اے کو ہٹانے کا حکم، فیصلہ چیلنج
اسلام آباد (نوائے وقت رپورٹ+وقائع نگار) اسلام آباد ہائیکورٹ نے پاکستان ٹیلی کمیونیکیشن اتھارٹی (پی ٹی اے) کے چیئرمین کو عہدے سے ہٹانے کا حکم دے دیا۔ عدالت نے درخواست منظور کرتے ہوئے ریمارکس دیے کہ چیئرمین پی ٹی اے کی تعیناتی قانونی طور پر درست نہیں ہوئی لہٰذا چیئرمین پی ٹی اے کو فوری طور پر عہدے سے ہٹایا جائے۔ عدالت نے حکم دیا کہ پی ٹی اے میں سینیئر ممبر کو چیئرمین پی ٹی اے عارضی طور پر تعینات کیا جائے۔ جسٹس بابر ستار نے 99 صفحات پر تحریری فیصلہ جاری کر دیا۔ دریں اثناء چیئرمین پی ٹی اے نے عہدے سے ہٹائے جانے کے اسلام آباد ہائیکورٹ کے فیصلے کو چلینج کردیا۔ درخواست میں کہا گیا ہے کہ چیئرمین پی ٹی اے حفیظ الرحمن قوانین اور ضوابط کے مطابق اپنے کام انجام دے رہے ہیں اور اسلام آباد ہائیکورٹ کے فیصلے کے خلاف اس اپیل کو تقرری قانونی ثابت کرنے کیلئے دائر کیا ہے۔ چیئرمین پی ٹی اے نے عدالت سے اپیل کو فوری سماعت کیلئے مقرر کرنے کی استدعا بھی کی ہے۔
شاہین آفریدی نے کس کھلاڑی کو مشکل ترین قرار دیا؟