EOBIکے سابق DG محمد اشرف ندیم کی رحلت
اشاعت کی تاریخ: 20th, January 2025 GMT
(دوسرا اور آخری حصہ)
محمد اشرف ندیم ملازمت سے ریٹائرمنٹ کے بعد مستقل طور پر لاہور منتقل ہوگئے تھے۔ ہمیں اکثر و بیشتر ان کی یاد ستاتی تھی اور کافی عرصہ سے خواہش رہی کہ کبھی محترم محمد اشرف ندیم سے ملاقات کی کوئی سبیل پیدا ہو جائے اور بالآخر ہماری یہ آرزو اتوار 20 جنوری 2018 کو اس وقت پوری ہوگئی جب لاہور کے مختصر دورہ کے موقع پر ہمیں محمد اشرف ندیم کا دیدار حاصل ہوگیا۔ معلوم ہوا کہ ندیم لاہور میں کچھ وقت کے لیے اپنے ایک نزدیکی عزیز کی انگریزی ادویات کی معروف دکان ڈاکٹر واٹسن پر تشریف رکھتے ہیں۔ ہم نے انہیں فون کیا اور وہ کچھ ہی دیر میں وہاں پہنچ گئے۔انہیں دیکھ کر ہم نے سلام عرض کیا اور اپنا تعارف کرانے کی کوشش کی۔ لیکن ہمیں شدید حیرت کا سامنا کرنا پڑا کہ 20 برس کا طویل عرصہ گزرنے کے باوجود آپ نے پہلی نظر میں ہی ہمیں پہچان لیا۔ پھر بڑی گرمجوشی سے مصافحہ اور معانقہ کیا اور ہمارا ہاتھ تھامے اپنے کمرے میں لے گئے اور خیر و عافیت معلوم کرنے کے بعد تواضع کا پوچھا۔ ہم نے تکلف سے کام لینے کی کوشش کی تو بولے ایوبی صاحب! یہ کیا بات ہوئی آپ لاہور آئیں اور ہمیں خدمت کا موقعہ نہ دیں یہ کیسے ہوسکتا ہے پھر انہوں نے اصرار کرکے گرما گرم چائے اور خوش ذائقہ بسکٹ سے تواضع کی جس کے دوران گفتگو کا سلسلہ شروع ہوا اور ان کے ساتھ ہیڈ آفس کراچی کے دور ملازمت کی پرانی یادیں تازہ ہوئیں۔ اس موقع پر انہوں نے کراچی کے ایک ایک ساتھی کا نام لے کر اس کے متعلق پوچھا اور خیریت دریافت کی۔الحمد للہ 80 برس کی عمر کو پہنچنے کے باوجود ندیم صاحب پوری طرح چاق و چوبند محسوس ہوئے۔ آپ نے اس ملاقات کے دوران گفتگو بارہا اپنی اس دیرینہ خواہش کا اظہار کیا کہ ان کا دل چاہتا ہے کہ کچھ ایسا انتظام ہو جائے کہ ایک بار معہ بیگم صاحبہ کے کراچی چلا جاؤں اور اپنے پرانے ساتھیوں سے ملاقات کروں لیکن افسوس ان کی یہ خواہش پوری نہ ہوسکی۔
یہ امر قابل ذکر ہے کہ EOBI میں ایک طویل عرصہ تک انتہائی کلیدی ہونے پر فائز رہنے کے باوجود دیگر بدعنوان افسران کے برعکس محمد اشرف ندیم کا دامن ہر قسم کی آلائشوں سے پاک رہا۔ محمد اشرف ندیم کی محنت کشوں کی پنشن کے فلاحی ادارہ EOBI کی ترقی و ترویج کے لیے غیر معمولی اور گرانقدر خدمات کو ایک طویل عرصہ تک یاد رکھا جائے گا۔ آپ کے سانحہ ارتحال پر تعزیت کا سلسلہ جاری ہے۔
ذریعہ: Jasarat News
پڑھیں:
یکجہتی، قربانی اور ایثار کے جذبے کو اپنانا ہو گا، شہباز شریف کا عید پر قوم کے نام پیغام
وزیر اعظم شہباز شریف نے عید الاضحی 1446ھ کے موقع پر قوم کے نام پیغام میں عید کی مبارکباد دیتے ہوئے کہا پاکستان ترقی کی راہ پر گامزن ہے، تو اس موقع پر ہمیں یکجہتی، قربانی اور ایثار کے جذبے کو اپنانا ہو گا،پاکستان کی ترقی اور خوشحالی کا خواب اسی وقت حقیقت بنے گا جب ہم ذاتی مفادات سے بالا تر ہو کر قومی مفاد کو ترجیح دیں گے۔
وزیر اعظم نے اپنے پیغام میں کہا میں عید الاضحی اور عظیم الشان اسلامی عبادت حج کے بابرکت موقع پر پوری پاکستانی قوم اور عالم اسلام کو دل کی گہرائیوں سے مبارکباد پیش کرتا ہوں۔ یہ با برکت ایام ہمیں حضرت ابراہیم علیہ السلام اور حضرت اسماعیل علیہ السلام کی بے مثال اطاعت، ایثار اور قربانی کی یاد دلاتے ہیں۔ ان عظیم ہستیوں کی اطاعت و قربانی کو رب ذوالجلال نے اس قدر پسند فرمایا کہ اسے تا قیامت امت محمدی ﷺ کے لیے عبادت کا درجہ عطا فرما دیا۔ اللہ رب العزت سے دعا ہے کہ وہ پاکستانی قوم اور پوری امت مسلمہ کی عبادات اور قربانیوں کو اپنی بارگاہ میں شرف قبولیت عطا فرمائے، اور ہماری زندگیوں میں یہ برکتیں بار بار نازل فرمائے۔
ٹک ٹاکر ثنا کا قاتل نفسیاتی مریض تھا؟
شہباز شریف نے کہا عید الاضحی کا پیغام صرف جانور کی قربانی تک محدود نہیں، بلکہ یہ اپنے نفس، خواہشات اور مفادات کو اعلیٰ مقاصد کے لیے قربان کرنے کا درس دیتا ہے۔ قربانی کا یہی جذبہ انسان کو صبر، حوصلے، ایثار اور قربانی جیسے اوصاف سے مزین کرتا ہے، جو کسی بھی قوم کی ترقی کی بنیاد ہوتے ہیں۔ آج جب ہمارا پیارا وطن پاکستان ترقی کی راہ پر گامزن ہے، تو اس موقع پر ہمیں اپنی یکجہتی، قربانی اور ایثار کے جذبے کو اپنانا ہو گا۔ عید الاضحی کا یہ بابرکت موقع ہمیں اس بات کی یاد دلاتا ہے کہ قربانی کا راستہ ہمیشہ کامیابی کی طرف جاتا ہے۔جیسے حالیہ بھارتی حملے میں پوری قوم نے یک جان اور متحد ہو کر دشمن کو واضح پیغام دیا کہ پاکستانی قوم اپنے دفاع اور وقار کے لیے کسی بھی قربانی سے دریغ نہیں کرے گی، اسی طرح ہمیں اپنی داخلی مشکلات سے نمٹنے کے لیے مسلسل اتحاد اور عزم کا مظاہرہ کرنا ہو گا۔ ہمیں اپنی اقتصادی اور سماجی ذمہ داریوں کو سمجھتے ہوئے اپنے تمام وسائل کو یکجا کرنا ہو گا تا کہ ہم اپنے ملک کو مضبوط، خوشحال اور خود کفیل بنا سکیں۔
شہری کو اغوا کرنے والے پانچ پولیس اہلکار پکڑےگئے
ان کا مزید کہنا تھا کہ یہ عید ہمیں نہ صرف جان و مال کی قربانی کی اہمیت سکھاتی ہے، بلکہ یہ بھی بتاتی ہے کہ قومیں اس وقت عظمت کی منزل تک پہنچتی ہیں جب وہ فرد کی ترقی کے ساتھ ساتھ اجتماعی بھلائی و ایثار کے لیے کام کرتی ہیں۔ہمیں آج کے دن خاص طور پر اپنے فلسطینی بھائیوں اور بہنوں کو بھی یاد رکھنا چاہئےجو ایک بے رحم اور غیر انسانی مظالم اور بھوک کا شکار ہیں۔اسی طرح، ہم بھارت کے غیر قانونی طور پر زیر تسلط مقبوضہ جموں و کشمیر کے بہادر عوام کے ساتھ اپنی غیر متزلزل یکجہتی کا اعادہ کرتے ہیں، جن کی اپنے حق خودارادیت کے لیے عشروں سے منصفانہ اور بہادرانہ جدوجہد جاری ہے۔ ہم ہمیشہ ان کی آواز بنیں گے اور ان کی عظیم جدوجہد میں ان کا ساتھ دیں گے۔
سابق وفاقی وزیر اچانک طبعیت بگڑنے پر ہسپتال منتقل
وزیر اعظم نے کہا آج، ہمیں اپنی نسلوں کے لیے ایک ایسے پاکستان کا عہد کرنا ہو گا جہاں محبت، بھائی چارہ، اور اتحاد کی فضا ہو، ہمیں اس عزم کے ساتھ آگے بڑھنا ہو گاتاکہ پاکستان کو عالمی سطح پر ایک طاقتور اور کامیاب ملک کے طور پر اُبھرے۔ پاکستان کی ترقی اور خوشحالی کا خواب اسی وقت حقیقت بنے گا جب ہم ذاتی مفادات سے بالا تر ہو کر قومی مفاد کو ترجیح دیں گے۔
عید الاضحی کا یہ پیغام ہمیں اس بات کی ترغیب دیتا ہے کہ ہم اپنی ذاتی خواہشات اور مفادات سے بلند ہو کر صرف اور صرف اپنے وطن کی فلاح و بہبود کے لیے سوچیں اور عمل کریں۔یقیناً یہی جذبہ اور اتحاد پاکستان کی تقدیر بدل سکتا ہے۔ میری اللہ تعالی سے میری دُعا ہے کہ وہ ہمیں عید الاضحی کی حقیقی خوشیوں سے بہرہ مند فرمائے، اور ہمیں ایثار و قربانی کی اصل روح کے مطابق عمل کرنے کی توفیق عطا فرمائے۔آمین
بوبی ٹریپ کی زد میں آ کر چار اسرائیلی فوجی مارے گئے
شیئر کریں:
بلوچستان میں تمام دہشت گرد تنظیموں کو فتنہ الہندوستان کا نام دیدیا گیا،وزارت داخلہ نے نوٹیفکیشن جاری کر دیا