امریکی ویزا پابندیاں، پاکستانی طلبا کس طرح اس سے بچ سکتے ہیں؟
اشاعت کی تاریخ: 1st, June 2025 GMT
واشنگٹن(نیوز ڈیسک)امریکا میں زیر تعلیم پاکستانی اور غیرملکی طلبا کو نئی ویزا پابندیوں کے بعد مشکلات کا سامنا ہے، سفارتخانہ طلبا کو ویزا اپوائنٹمنٹ نہیں دے رہا۔
نجی ٹی وی سے گفتگو کرتے ہوئے ہیومن رائٹس وکیل نورزادے راجہ نے بتایا کہ ٹرمپ حکومت نے آفیشل میمورینڈم جاری کیا ہے اس میں دنیا بھر میں موجود امریکی کونسلیٹ اور ایمبیسی کو ہدایت کی گئی ہے جی جتنی بھی ویزا اپوائنٹمنٹ ابھی تک شیڈول نہیں ہوئیں انھیں کلینڈز سے ہٹادیا جائے۔
ہیومن رائٹس وکیل نورزادے راجہ نے کہا کہ اس کا ملطب یہ ہے کہ ایسے پاکستانی طلبا جو اس وقت امریکن اسٹوڈنٹ ویزا کےلیے اپلائی کرنا چاہتے ہیں وہ ابھی اپوائنٹمنٹ شیڈول نہیں کرسکتے۔
انھوں نے کہا کہ وہ طلبا جنھوں نے اس اعلان سے پہلے اپنی اسٹوڈنٹ ویزا اپوائنٹمنٹ شیڈول کرلی تھی انھیں کوئی فرق نہیں پڑے گا، ان کی اپوائنٹمنٹ جاری رہے گے۔
اس وقت ایسے پاکستانی طلبا ہیں جنھیں ایکسپٹینس مل چکی ہے تاہم انھیں وہ ڈاکیومنٹیشن نہیں ملی جن کے تحت وہ اپنی امریکی ویزا اپلیکشین شروع کرسکیں، ایسے طلبا کی پوزیشن یہ ہے کہ وہ اس وقت امریکن اپوائنٹمنٹ شیڈول نہیں کرسکتے۔
اسکالرشپس لینے والے طلبا کے حوالے سے نورزادے راجہ نے بتایا کہ جن طلبا کو پوری طرح سے اسکالرشپس ملی ہوئی ہیں ان کےلیے صورتحال اس وقت زیادہ گمبھیر ہے۔
انھوں نے کہا کہ ایسے طلبا کو مشورہ ہے کہ وہ اپنی یونیورسٹی کے ساتھ مسلسل رابطے میں رہیں اور انھیں اس صورتحال سے آگاہ کریں کہ اس وقت امریکی ایمبیسی پاکستان میں صورتحال کو کس طرح سے ہینڈل کررہی ہیں۔
جتنی بھی آپ کے پاس سپورٹنگ ڈاکیومنٹیشن ہے جیسے کہ آپ نے اپوائنٹمنٹ حاصل کرنے کی کوشش کی اور وہ آپ کو نہیں ملی، ان تمام چیزوں کا طلبا اپنے پاس ریکارڈ رکھیں۔
نورزادے راجہ نے کہا کہ میرے خیال میں امریکا کی یونیورسٹیاں پاکستانی اور دنیا بھر کے طلبا کو یہ سہولت دیں کہ وہ اپنے ایڈمیشن کو اگلے سال یا اگلے سیمسٹر تک موخر کرسکیں۔
مزیدپڑھیں:’نئے آئی فون 17 میں پرانی چِپ‘، لاکھوں ضائع کرنے سے پہلے لیک رپورٹ پڑھ لیں
ذریعہ: Daily Ausaf
پڑھیں:
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
سپریم کورٹ کے جج جسٹس حسن اظہر رضوی نے سپر ٹیکس سے متعلق کیس کی سماعت کے دوران ریمارکس دیے ہیں کہ جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، ابھی فنڈ پر 100 روپے ٹیکس لگتا ہے، 25 سال بعد یہ سو روپے بڑھتے بڑھتے 550 روپے ہو جائیں گے، مطلب کہ ریٹائرمنٹ کے بعد جو فوائد ملتے ہیں وہ نہیں ملیں گے۔
سپریم کورٹ میں سپر ٹیکس سے متعلق درخواستوں پر سماعت ہوئی، جسٹس امین الدین خان کی سربراہی میں 5 رکنی آئینی بینچ نے سماعت کی۔
وکیل عاصمہ حامد نے مؤقف اپنایا کہ مقننہ نے پروویڈنٹ فنڈ والوں کو سپر ٹیکس میں کسی حد تک چھوٹ دی ہے، جسٹس محمد علی مظہر نے کہا کہ سیکشن 53 ٹیکس میں چھوٹ سے متعلق ہے، فنڈ کسی کی ذاتی جاگیر تو نہیں ہوتا ٹرسٹ اتھارٹیز سے گزارش کرتا ہے اور پھر ٹیکس متعلقہ کو دیا جاتا ہے۔
جسٹس امین الدین خان نے کہا کہ سپر ٹیکس کی ادائیگی کی ذمہ داری تو شیڈول میں دی گئی ہے۔
جسٹس حسن اظہر رضوی نے ریمارکس دیے کہ جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، ایک مثال لے لیں کہ ابھی فنڈ پر 100 روپےٹیکس لگتا ہے، 25 سال بعد یہ سو روپے بڑھتے بڑھتے 550 روپے ہو جائیں گے، مطلب یہ کہ ریٹائرمنٹ کے بعد جو فوائد ملتے ہیں وہ نہیں ملیں گے۔
ایڈیشنل اٹارنی جنرل نے کہا کہ سیکنڈ شیڈول میں پروویڈنٹ فنڈ پر سپر ٹیکس سمیت ہر ٹیکس ہر چھوٹ ہوتی ہے۔
جسٹس جمال خان نے ایڈیشنل اٹارنی جزل سے مکالمہ کیا کہ یہ تو آپ محترمہ کو راستہ دکھا رہے ہیں، عاصمہ حامد نے مؤقف اپنایا کہ مقننہ حکومت کے لیے انتہائی اہم سیکٹر ہے، ٹیکس پئیرز اسلام آباد ہائیکورٹ کے فیصلے کا ایک حصہ اور سیکشن فور سی کو اکھٹا کرکے پڑھ رہے ہیں، شوکاز نوٹس اور دونوں کو اکھٹا کر کے پڑھ کر وہ کہہ رہے ہیں کہ وہ سپر ٹیکس دینے کے پابند نہیں ہیں۔
عاصمہ حامد نے دلیل دی کہ جس بھی سال میں اضافی ٹیکس کی ضرورت ہو گی وہ ٹیکس ڈیپارٹمنٹ بتائے گا، ایک مخصوص کیپ کے بعد انکم اور سپر ٹیکس کم ہوتا ہے ختم نہیں ہوتا۔
جسٹس حسن اظہر رضوی نے ریمارکس دیے کہ آج کل تو ہر ٹیکس پیئر کو نوٹس آ رہے ہیں کہ ایڈوانس ٹیکس ادا کریں، جسٹس محمد علی مظہر نے کہا کہ سپر ٹیکس ایڈوانس میں کیسے ہو سکتا ہے، ایڈوانس ٹیکس کے لیے کیلکولیشن کیسے کریں گے۔
عاصمہ حامد نے کہا کہ مالی سال کا پروفیٹ موجود ہوتا ہے اس سے کیلکولیشن کی جا سکتی ہے۔
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم