’نئے آئی فون 17 میں پرانی چِپ‘، لاکھوں ضائع کرنے سے پہلے لیک رپورٹ پڑھ لیں
اشاعت کی تاریخ: 1st, June 2025 GMT
لاس اینجلس (نیوز ڈیسک)ایپل کا آنے والا آئی فون 17 لائن اپ پہلے کی پیش گوئیوں کے برعکس کافی غیر متوقع ثابت ہو سکتا ہے۔ معروف ٹیک تجزیہ کار جیف پو نے اپنی تازہ رپورٹ میں پہلے کی پیشگوئیوں سے ہٹ کر کئی اہم تفصیلات پیش کی ہیں، جن میں چپ سیٹ کی نئی تقسیم، ریم میں اضافہ اور فرنٹ ڈیزائن میں جدت شامل ہے۔
رپورٹ کے مطابق پہلے یہ توقع کی جا رہی تھی کہ آئی فون 17 سیریز کے تمام ماڈلز میں آئندہ جنریشن کی A19 چپ شامل ہو گی، لیکن جیف پو کے مطابق اب ایپل صرف iPhone 17 Air، Pro اور Pro Max ماڈلز میں A19 (N3P ورژن) چپ شامل کرے گا، جب کہ معیاری آئی فون سترہ میں موجودہ A18 چپ استعمال کی جائے گی، جو اس وقت آئی فون 16 میں موجود ہے۔
یہ تبدیلی جیف پو کے پہلے مؤقف سے ہٹ کر ہے، جس میں کہا گیا تھا کہ تمام ماڈلز A19 چپ پر ہوں گے اور صرف ریم میں فرق ہو گا۔
جیف پو کے مطابق آئی فون 17 ائیر میں اب 12 جی بی ریم (12GB Ram) دی جائے گی، جو اسے پرو ماڈلز کے برابر لے آتی ہے، جب کہ معیاری آئی فون 17 کو (6GB) سے بڑھا کر 8 جی بی ریم (8GB) دی جائے گی۔
اس کے ساتھ آئی فون 17 ائیر ایک درمیانے درجے کا ماڈل ہونے کے باوجود بہترین سطح کی کارکردگی پیش کرے گا، لیکن قیمت شاید پرو میکس سے کم ہوگی۔
ٹیک تجزیہ کار جیف پو کی رپورٹ کا سب سے دلچسپ حصہ میٹلینز (metalens) ٹیکنالوجی کا ذکر ہے، جو ایپل ممکنہ طور پر تمام آئی فون 17 ماڈلزمیں متعارف کرانے والا ہے۔ یہ ٹیکنالوجی فیس آئی ڈی کے پروکسیمیٹی سینسر کے لیے استعمال ہو گی، اور اس سے سینسر سسٹم کا سائز نمایاں طور پر کم کیا جا سکے گا۔
اس کا مطلب ہے کہ تمام آئی فون 17 ماڈلز میں Dynamic Island کا سائز بھی چھوٹا ہو سکتا ہے، جس سے فون کا فرنٹ ڈیزائن زیادہ سلم، نفیس اور جدید محسوس ہوگا۔
یہ پیش گوئی پو کی اپنی پرانی رائے سے مختلف ہے، جس میں کہا گیا تھا کہ یہ اپ گریڈ صرف Pro Max ماڈل تک محدود ہو گا۔ البتہ، معروف تجزیہ کار مِنگ چی کوؤ نے جنوری میں کہا تھا کہ ڈائنیمک آئی لینڈ کا ڈیزائن زیادہ تر غیر تبدیل شدہ ہی رہے گا۔
مزیدپڑھیں:کراچی میں گرمی کی شدت برقرار، درجہ حرارت 39 ڈگری تک جانے کا امکان
ذریعہ: Daily Ausaf
کلیدی لفظ: آئی فون 17 جیف پو
پڑھیں:
مینار پاکستان کے سبزہ زار میں خیموں کا شہر آباد ہونے لگا‘لاکھوں شرکا کی3 روز تک رہائش کے انتظامات مکمل
data-id="863a0a8" data-element_type="widget" data-widget_type="theme-post-content.default">
251117-01-20
لاہور (نمائندہ جسارت) جماعت اسلامی کے کل پاکستان اجتماع عام میں شرکت کے لیے ملک بھر سے لاکھوں لوگ3 دن لاہور میں گزاریں گے۔21 تا23 نومبر کو ہونے والے اجتماع عام کی مینارِ پاکستان میں فل ڈریس ریہرسل کا انعقاد کیا گیا، جس میں ناظم اجتماع عام لیاقت بلوچ کی سربراہی میں تمام شعبہ جات اور کمیٹیوں نے شرکت کی۔ ریہرسل میں شرکا کے قیام و طعام، نمازوں کی ادائیگی اور دیگر مشاغل کے حوالے سے انتظامات کا مکمل جائزہ لیا گیا۔ پروگرام میں سیکرٹری جنرل جماعت اسلامی پاکستان امیر العظیم، نائب امیر ڈاکٹر اسامہ رضی، میاں محمد اسلم، ڈپٹی سیکرٹری جنرل اظہراقبال حسن، سید وقاص انجم جعفری شیخ عثمان فاروق، ممتاز حسین سہتو، وسطی پنجاب کے امیر محمد جاوید قصوری، امیر صوبہ کے پی وسطی عبدالواسع، سیکرٹری اطلاعات شکیل احمد ترابی، حلقہ لاہور کے امیر ضیالدین انصاری، مسلم پرویز، اسلام آباد کے امیر نصراللہ رندھاوا، نائب امیر صوبہ وسطی پنجاب ذکراللہ مجاہد، انجینئر اخلاق احمد، ناظم مالیات نذیر احمد جنجوعہ، احمد سلمان بلوچ، حلقہ خواتین جماعت اسلامی پاکستان کی ڈپٹی سیکرٹری جنرل ثمینہ سعید، راشدہ شاہین و دیگر خواتین رہنماؤں نے شرکت کی۔ لیاقت بلوچ کے ہمراہ شرکا اجلاس نے مینار پاکستان سبزہ زار کا دورہ کیا اور انتظامات کے حوالے سے اطمینان کا اظہار کیا۔ اس موقع پر گفتگو کرتے ہوئے لیاقت بلوچ نے کہا کہ مرکزی اسٹیج کی تیاری آخری مراحل میں داخل ہو گئی ہے۔ اجتماع عام کے پنڈال کے لیے ٹینٹ لگانے کا عمل شروع ہو گیا ہے، پینے کے صاف پانی، وضو گاہیں تیاری کے آخری مراحل میں ہیں۔ جماعت اسلامی لاہور کے کارکنان اجتماع عام کے میزبان ہیں، انشاء اللہ اجتماع عام میں آنے والے مہمانوں کا دل کی اتھاہ گہرائیوں سے خیر مقدم کریں گے۔ اجتماع عام کے شرکا نماز جمعہ بادشاہی مسجد میں ادا کریں گے۔ نظام بدل دو اجتماع عام قریب آ چکا ہے، تمام کمیٹیوں کے ذمے داران اپنے کارکنان کو بھرپور طریقے سے متحرک کریں، انتظامی امور کی بہترین ادائیگی کے لیے مکمل تربیت فراہم کریں تاکہ اجتماع کے دن شرکا کی خدمت اور رہنمائی میں کوئی رکاوٹ پیش نہ آئے۔ ناظم اجتماع نے کہا کہ تمام ذمے داران انتہائی پرجوش، منظم اور خدمت خلق کے جذبے سے سرشار ہیں اور ہر طرح کی صورتحال میں شرکا کی رہنمائی اور مہمان نوازی کے لیے مکمل تیار ہیں۔
نائب امیر جماعت اسلامی پاکستان و ناظم اجتماع عام لیاقت بلوچ انتظامی کمیٹیوں کے ذمے داران سے خطاب کررہے ہیں
محراب پور، مسلح افراد کا پولیس چوکی پر حملہ، 2 پولیس اہلکار شہید