مسٹر بیسٹ نے کرپٹو کرنسی ’میم کوائن‘ لانچ پر خاموشی توڑ دی
اشاعت کی تاریخ: 20th, January 2025 GMT
مشہور یوٹیوبر مسٹر بیسٹ نے حالیہ افواہوں پر وضاحت دیتے ہوئے کہا کہ وہ کسی میم کوائن کو لانچ کرنے کا ارادہ نہیں رکھتے۔
یہ افواہیں اس وقت زور پکڑیں جب سولانا فاؤنڈیشن کے آفیشل ٹوئٹر اکاؤنٹ نے مسٹر بیسٹ کو فالو کیا اور کچھ کرپٹو پیجز نے دعویٰ کیا کہ وہ جلد میم کوائن لانچ کرنے والے ہیں۔
مسٹر بیسٹ نے 19 جنوری کو ٹویٹر پر اپنی رائے کا اظہار کرتے ہوئے لکھا: "میں میم کوائن لانچ کر کے کروڑوں ڈالر کما سکتا ہوں، مگر نہیں۔ یہ عجیب لگتا ہے، اس لیے میں یہ کام نہیں کروں گا۔"
مسٹر بیسٹ کے اس فیصلے پر ان کے مداحوں کا ملا جلا ردعمل سامنے آیا۔ کچھ نے ان کے فیصلے کی تعریف کی، مگر کچھ نے ان پر "لالچی" ہونے کا الزام لگایا۔
ایک مداح نے طنز کرتے ہوئے کہا: "آپ اپنی برانڈ سے پیسہ کما رہے ہیں، مگر میم کوائن کیوں نہیں بنا رہے؟"
مسٹر بیسٹ نے ان الزامات پر مزاحیہ انداز میں جواب دیتے ہوئے کہا: "میں نے کبھی نہیں سوچا تھا کہ میم کوائن نہ بنانے پر مجھے ’لالچی‘ کہا جائے گا، مگر زندگی عجیب ہے۔"
مسٹر بیسٹ کے اس بیان نے ایک نیا تنازع کھڑا کر دیا ہے۔ جہاں کچھ لوگ ان کی کرپٹو کرنسی ہائپ سے دوری کی تعریف کر رہے ہیں، وہیں کچھ ان کے دیگر کاروباری فیصلوں پر سوال اٹھا رہے ہیں۔
.
ذریعہ: Express News
کلیدی لفظ: میم کوائن
پڑھیں:
منیب بٹ نے صابری قوال کے قتل پر خاموشی کے خلاف آواز اٹھا دی، ویڈیو وائرل
پاکستان شوبز کے اداکار منیب بٹ نے گزشتہ دنوں صابری قوالوں کے لرزہ خیز قتل پر گہرے دکھ اور افسوس کا اظہار کرتے ہوئے انسانی حقوق کے کارکنوں اور سماجی رہنماؤں کی خاموشی پر شدید تنقید کی ہے۔
منیب بٹ نے سوشل میڈیا پر ویڈیوبیان میں کہا کہ جس بے دردی سے صابری خاندان کے افراد کو نشانہ بنایا گیا، وہ نہ صرف ناقابلِ برداشت ہے بلکہ انسانیت کے خلاف ظلم کی بدترین مثال بھی ہے۔ انہوں نے سوال اٹھایا کہ ایسے سانحات پر وہ تمام آوازیں وہ انسانی حقوق کی تنظیمیں اور سماجی کارکنان کہاں ہیں جو دہشتگردوں کو مارنے پر بھی شور مچاتے ہیں؟
اداکار کا کہنا تھا کہ مظلوموں کے حق میں آواز اٹھانا صرف مخصوص حالات یا مقاصد کے لیے نہیں ہونا چاہیے، بلکہ ہر اس موقع پر بولا جانا چاہیے جب انسانی جانوں کی حرمت پامال ہو۔
A post common by VeryFilmi (@veryfilmi)
منیب بٹ نے کہا کہ صابری قوال فیملی کے تین لوگوں کو قتل کردیا گیا ان کے گھر والوں کا کیا حال ہوگا وہ بھی ہماری طرح کراچی سے تعلق رکھنے والے فنکار تھے جو محبت بانٹنے پرفارم کرنے جارہے تھے۔
انہوں نے مطالبہ کیا کہ اس واقعے کی شفاف تحقیقات ہونی چاہیئے اور مجرموں کو سخت سے سخت سزا دی جانی چاہیئے تاکہ آئندہ کوئی بھی فنکار یا عام شہری اس قسم کے ظلم کا شکار نہ ہو۔
سوشل میڈیا منیب بٹ کا یہ ویڈیو بیان تیزی سے وائرل ہورہا ہے اور صارفین کی بڑی تعداد نے منیب کے مطالبات کی حمایت بھی کی ہے۔
TagsShowbiz News Urdu
برازیل حکومت سابق صدر کو چھوڑ دے یا 50 فیصد ٹیکس دے: ٹرمپ کی بلیک میلنگ