بادل برسانے والا سسٹم پاکستان سے نکل گیا، موسم خشک، دھند بڑھنے کا امکان
اشاعت کی تاریخ: 21st, January 2025 GMT
لاہور:
بادل برسانے والا سسٹم پاکستان سے نکل گیا، جس کے نتیجے میں موسم خشک ہونے کی وجہ سے سردی بڑھنے کا امکان ہے۔
محکمہ موسمیات کے مطابق لاہور سمیت پنجاب بھر میں بادل برسانے والا سسٹم پاکستان سے نکل گیا ، جس کے بعد صوبے بھر میں ایک بار پھر خشک موسم کا سلسلہ شروع ہو گیا ہے۔
یہ خبر بھی پڑھیں: پختونخوا؛ بیشتر اضلاع میں بادل اور بارش، پہاڑوں پر برف باری کا امکان
شک موسم کے باعث دوبارہ دھند کی شدت میں اضافے کا امکان ہے اور خشک موسم کے باعث درجہ حرارت بڑھنے کے امکانات بھی ہیں۔
صوبائی دارالحکومت لاہور میں کم سے کم درجہ حرارت 7 ڈگری سینٹی گریڈ ریکارڈ کیا گیا جب کہ زیادہ سے زیادہ 20 ڈگری تک جانے کے امکانات ہیں۔
مزید پڑھیں: کراچی میں سرد ہوائیں تھم گئیں، آئندہ 24گھنٹوں میں موسم کیسا رہے گا؟
دوسری جانب خیبر پختونخوا کے بیشتر اضلاع میں بادل چھائے ہوئے ہیں اور کچھ علاقوں میں بارش ہوئی جب کہ پہاڑوں پر برف باری کا امکان ظاہر کیا گیا ہے۔
.ذریعہ: Express News
کلیدی لفظ: کا امکان
پڑھیں:
پنجاب میں 13 جون تک شدید گرمی اور ہیٹ ویو کا امکان
data-id="863a0a8" data-element_type="widget" data-widget_type="theme-post-content.default">
لاہور:پنجاب میں گرمی کی لہر آئندہ چند روز تک برقرار رہنے کا امکان ہے، محکمہ موسمیات اور پی ڈی ایم اے (صوبائی ڈیزاسٹر مینجمنٹ اتھارٹی) نے عوام کو محتاط رہنے کی ہدایت جاری کردی ہے۔
ترجمان پی ڈی ایم اے کے مطابق 13 جون تک صوبے بھر میں شدید گرمی اور ہیٹ ویو کا سلسلہ جاری رہنے کا امکان ہے، خاص طور پر جنوبی پنجاب کے اضلاع میں درجہ حرارت خطرناک حد تک بڑھ سکتا ہے۔
ترجمان کے مطابق آئندہ دنوں میں درجہ حرارت معمول سے 4 سے 7 ڈگری سینٹی گریڈ زیادہ رہنے کی توقع ہے، جنوبی پنجاب کے اضلاع بہاولپور، رحیم یار خان، ڈیرہ غازی خان اور ملتان میں ہیٹ ویو کی شدت سب سے زیادہ ہو سکتی ہے، جہاں درجہ حرارت انسانی صحت کے لیے خطرناک حد کو چھو سکتا ہے۔
آج صوبے میں سب سے زیادہ درجہ حرارت سرگودھا میں 47 ڈگری سینٹی گریڈ ریکارڈ کیا گیا، جب کہ لاہور، ملتان اور فیصل آباد سمیت دیگر میدانی علاقوں میں درجہ حرارت 45 ڈگری کے قریب پہنچ گیا، ٹوبہ ٹیک سنگھ، ساہیوال، اوکاڑہ، منڈی بہاؤالدین، خانیوال، قصور، لیہ، جھنگ اور حافظ آباد میں بھی گرمی کی شدت برقرار رہی، جہاں 40 سے 42 ڈگری سینٹی گریڈ تک درجہ حرارت ریکارڈ کیا گیا۔
وزیر اعلیٰ پنجاب مریم نواز کی ہدایات پر تمام متعلقہ اداروں کو الرٹ کر دیا گیا ہے۔ ڈی جی پی ڈی ایم اے عرفان علی کاٹھیا کے مطابق چولستان کے اضلاع میں صاف پانی کی فراہمی کو یقینی بنایا جا رہا ہے۔ تمام سرکاری اسپتالوں میں ہیٹ ویو کاؤنٹرز قائم کیے جا چکے ہیں، جہاں ضروری طبی سہولیات اور ادویات فراہم کی جا رہی ہیں۔
ڈی جی پی ڈی ایم اے نے مزید کہا کہ ہیٹ اسٹروک سے بچاؤ کے لیے متعلقہ ادویات کی فراہمی کو یقینی بنایا جا رہا ہے اور عوام سے اپیل کی گئی ہے کہ غیر ضروری طور پر دھوپ میں نکلنے سے گریز کریں، پانی کا زیادہ استعمال کریں اور دھوپ میں کام کرنے والے افراد اپنے سروں کو ڈھانپ کر رکھیں۔
خیبرپختونخوا،سرکاری اسکولز کو فرنیچر فراہم کرنے کا فیصلہ