چینی صدر کی اسپرنگ فیسٹیول کی آمد پر عام شہریوں سے ملاقات
اشاعت کی تاریخ: 24th, January 2025 GMT
بیجنگ () چین کے
صوبہ لیاوننگ کے دورے کے دوران چینی صدر شی جن پھنگ نے دیہی علاقوں، بازاروں، کمیونٹیز اور کاروباری اداروں کا معائنہ کرنے کے لیے ہولوداو، شین یانگ، بین شی اور دیگر مقامات کا دورہ کیا اورنچلی سطح کے کارکنوں کے لئے پارٹی کی مرکزی کمیٹی کی نیک تمناوں کا اظہار کیا۔
شی جن پھنگ نے لیاؤننگ صوبائی پارٹی کمیٹی اور صوبائی حکومت کی ورک رپورٹ سنی ، لیاؤننگ کے مختلف کاموں کی توثیق کی، اور امید ظاہر کی کہ لیاؤننگ نئے دور میں شمال مشرقی چین کی جامع بحالی کو فروغ دینے میں نئی کامیابیوں کے لئے جدوجہد جاری رکھے گا ، اور لیاوننگ میں چینی طرز کی جدیدکاری کا ایک نیا باب رقم کرنے کی کوشش کرے گا۔
شی جن پھنگ نے نشاندہی کی کہ لیاؤننگ کا صنعتی نظام نسبتاً مکمل ہے ، اور روایتی صنعتوں کی تبدیلی اور اپ گریڈیشن اور اسٹریٹجک ابھرتی ہوئی صنعتوں کی ترقی کو مربوط کرنا اور جدید صنعتی نظام کی تعمیر کو تیز کرنا ضروری ہے۔
شی جن پھنگ نے اس بات پر زور دیا کہ شمال مشرقی چین کی جامع بحالی کا انحصار اصلاحات اور کھلے پن پر ہے۔ لیاؤننگ زرعی وسائل سے مالا مال ہے ، اور شہری اور دیہی علاقوں کی مربوط ترقی پر عمل کرنا ، نئی شہرکاری کی تعمیر کو فروغ دینا ، اور دیہی علاقوں کی جامع بحالی کو ٹھوس طور پر فروغ دینا ضروری ہے۔
شی جن پھنگ نے نشاندہی کی کہ ہمیں پارٹی کی قیادت پر سختی سے عمل کرنا چاہئے تاکہ ایک صاف ستھرا اور راست باز سیاسی ماحول تخلیق کیا جا سکے اور برقرار رکھا جائے ، اور ہر سطح کے کارکنوں کی ایمانداری اور نظم و ضبط پر مبنی صلاحیتوں کو پروان چڑھایا جائے۔
ذریعہ: Daily Mumtaz
کلیدی لفظ: شی جن پھنگ نے
پڑھیں:
کراچی میں ورلڈ کلچر فیسٹیول 2025 کا رنگا رنگ آغاز
آرٹس کونسل آف پاکستان کراچی میں ورلڈ کلچر فیسٹیول 2025 کا آغاز ہوگیا۔ افتتاحی تقریب سے قبل مشہور بلوچی رقص لیوا اور سندھ کی روایتی دھنوں نے ماحول کو ثقافتی رنگوں سے بھر دیا۔
تقریب میں معروف فنکار امین گل جی نے دنیا میں جاری جنگوں اور ظلم و ستم پر مبنی کھیل The Game پیش کیا، جسے حاضرین نے بے حد سراہا۔
افتتاحی تقریب میں وزیراعلیٰ سندھ مراد علی شاہ، وزیرِ ثقافت ذوالفقار شاہ، صوبائی وزراء ناصر حسین شاہ اور سعید غنی سمیت دیگر شخصیات نے شرکت کی۔ صدر آرٹس کونسل احمد شاہ نے اس موقع پر کہا کہ عالمی ثقافتی میلہ پاکستان کا مثبت چہرہ دنیا کے سامنے لائے گا۔
افتتاحی تقریب کے بعد بیلجیئم، بنگلہ دیش، فرانس، نیپال، امریکا، کانگو اور شام کے فنکاروں نے اپنے اپنے فن کا شاندار مظاہرہ کیا، جب کہ کلاسیکل دھنوں اور سندھی موسیقی نے شرکا کے دل جیت لیے۔
عالمی ثقافتی میلہ 7 دسمبر تک جاری رہے گا، جس میں تھیٹر، موسیقی، رقص، ویژول آرٹ اور بین الاقوامی فلموں کی اسکریننگ پیش کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹس کونسل صدر آرٹس کونسل احمد شاہ عالمی ثقافتی میلہ مراد علی شاہ ورلڈ کلچر فیسٹیول
عمران خان سے ملاقات نہ ہونے پر وزیراعلیٰ پختونخوا کا توہین عدالت کی درخواست دینے کا اعلان