چینی سرمایہ کاروں کی پولیس کے خلاف درخواست پر صوبائی وزیر داخلہ کا نوٹس
اشاعت کی تاریخ: 25th, January 2025 GMT
کراچی:
چینی سرمایہ کاروں کی جانب سے کراچی پولیس پر بھتہ خوری اور ہراسانی کے الزامات پر عدالت سے رجوع کرنے کے معاملے وزیر داخلہ سندھ ضیا الحسن لنجار نے نوٹس لیتے ہوئے انسپکٹر جنرل (آئی جی) سے انکوائری کی ہدایت کردی ہے۔
محکمہ داخلہ سے جاری بیان کے مطابق وزیرداخلہ ضیا الحسن لنجار نے چینی سرمایہ کاروں کی جانب سے عدالت سے رجوع کرنے کے معاملے پر نوٹس لیا ہے اور آئی جی سندھ کو انکوائری اور سنیئر پولیس افسر کو انکوائری افسر نامزد کرنے کے احکامات دیے ہیں۔
ضیاالحسن لنجار نے کہا کہ حکوتم سندھ ایس او پی پر اس کی روح اور ترجیحات کے عین مطابق چینی شہریوں کی سیکیورٹی کی پابند ہے اور ہدایت کی کہ چینی شہریوں کی "فول پروف سیکیورٹی" یقینی بنائی جائے۔
یہ بھی پڑھیں: چینی سرمایہ کاروں کے پولیس پر بھتہ خوری اور ہراسانی کے الزامات، سندھ ہائیکورٹ میں درخواست دائر
انہوں نے کہا کہ حکومت سندھ اور سندھ پولیس کا مقصد چینی سرمایہ کاروں کو باہم روابط کے تحت سہولت اور سیکیورٹی فراہم کرنا ہے، نان سی پیک منصوبوں سے وابستہ چینی شہریوں کو سیکیورٹی فراہم کرنا سندھ پولیس اور مقامی اسپانسرز کی ذمہ داری ہے۔
وزیر داخلہ سندھ کا کہنا تھا کہ ایس اوپی پر عمل درآمد کے لیے اسپانسرز کو وقتاً فوقتاً آگاہ اور ایس پی یو کے افسران کی جانب سے چیک بھی کیا جانا ضروری ہے، چینی شہریوں کی سیکیورٹی اقدامات میں کمی یا خامی اور گیپس کوچیک کیا جانا وقت کا تقاضہ ہے۔
انہوں نے کہا کہ سیکیورٹی خلا ختم کرنے کے لیے قانون اورایس او پی کے تحت اقدامات کیے جائیں، چینی باشندوں کو سیکیورٹی شکایات پیش آنے کی صورت میں فوری طور پر سینئر افسران چیک کریں اور مسئلے کا حل یقینی بنائیں۔
وزیر داخلہ سندھ کا کہنا تھا کہ چینی شہری سیکیورٹی انتظامات کے پیش نظر درپیش مسائل کے لیے سندھ پولیس سے رجوع کرتے ہیں، چینی سرمایہ کاروں کو ایس او پی کے تحت محفوظ ماحول فراہم کیا جائے۔
.ذریعہ: Express News
کلیدی لفظ: چینی سرمایہ کاروں چینی شہریوں وزیر داخلہ کرنے کے
پڑھیں:
وزیراعظم آزاد کشمیر مکمل طورپر ناکام ہوچکے ہیں، صوبائی وزیرداخلہ
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)آزاد کشمیر کا وزیراعظم ناکام ہوچکا ہے پی پی رکن قومی اسمبلی ذوالفقار علی بہن کے گھر پر ڈکیتی میں ملوث مجرموں کو جلد قانون کے شکنجے میں لایا جائے گا، صوبائی وزیرِ داخلہ سندھ ضیاء الحسن لنجار نے نوشہروفیروز کے وکلا سے ملاقات کے بعد میڈیاسے گفتگو کرتے ہوئے کہا کہ جلد ا?زاد کشمیر اسمبلی کے اراکین کے وٹوں سے نیا وزیر اعظم منتخب ہوجائے گا، ماضی کے مقابلے میں سندھ میں امن و امان کی صورتحال بہتر ہے اور اغوا برائے تاوان کی وارداتیں ختم ہو چکی ہیں ، سندھ حکومت جرائم ،منشیات کے خاتمے اور شہریوں کے تحفظ کیلئے موثر اقدامات کر رہی ہے،کراچی پولیس کی حراست میں نوجوان کی ہلاکت پر جوڈیشنل انکوائری مقرر کر دی گئی ہے،ضیاء الحسن لنجار نے مزید کہا کہ وکلا نے ہمیشہ جمہوریت، عدلیہ، انسانی حقوق کے تحفظ میں اہم کردار ادا کیا ہے اور حکومت وکلا کے مسائل کے حل کیلئے پرعزم ہے۔
اسٹیٹ بینک کا مسلسل چوتھی بار شرح سود 11 فیصد پر برقرار رکھنے کا فیصلہ