ہمیں دنیا ساتھ ساتھ آخرت کو بھی بہتر کرنے پر دھیان دیتا ہے،حسین بخشی
اشاعت کی تاریخ: 26th, January 2025 GMT
کراچی (اسٹاف رپورٹر) مولانا طارق جمیل نے آباد ہاؤس کے دورے کے موقع پر تقریب سے خطاب کرتے ہوئے کہا ہے کہ انسان نے جو کچھ سیکھا ہے وہ خود نہیں سیکھا وہ اللہ تعالیٰ نے عطا کیا ہے، انسان کے پاس جو کچھ بھی ہے وہ اللہ کا دیا ہوا ہے، تمام کاروباری معاملات میں دیانتداری، انصاف پسندی اور اسلامی اقدار کو برقرار رکھا جائے۔ اس موقع پر چیئرمین آباد محمد حسن بخشی نے کہا ہے کہ آباد تعمیراتی شعبے کی
واحد نمائندہ جماعت ہے، جس کے 1400 اراکین پورے ملک میں تعمیراتی سرگرمیاں جاری رکھے ہوئے ہیں، ہمیں دنیا کے ساتھ ساتھ آخرت کو بھی بہتر کرنے پر دھیان دینا ہے۔ اس موقع پر آباد کے سینئر وائس چیئرمین سید افضل حمید، وائس چیئرمین طارق عزیز، چیئرمین سدرن ریجن احمد اویس تھانوی، آباد کے سابق چیئرمین جنید اشرف تالو، مولانا طارق جمیل کے صاحبزادے مولانا یوسف جمیل اور آباد ممبران کی بڑی تعداد بھی موجود تھی۔ مولانا طارق جمیل نے کہا کہ تعمیراتی شعبہ ملکی ترقی میں اہم کردار ادا کرتا ہے، آباد کے اراکین انسانی خدمت کے تحت رول ماڈل کا کردار ادا کرتے ہوئے سستی رہائشی منصوبوں پر توجہ مرکوز کریں۔ انسان کے بارے میں قرآن میں لکھا ہے کہ وہ بہت بڑا جاہل اور نادان ہے، انسان کا دماغ صرف 5 فیصد کام کرتا ہے، انسان سو فیصد کام کرے گا تو جنت میں جائے گا۔ انہوں نے کہا کہ ناسا نے آج تک کائنات صرف 3 فیصد کھوجا ہے، باقی97 فیصد ڈارک ہے۔ مولانا طارق جمیل نے آباد کے ارکان سے کہا کہ اسلامی اصولوں کو اپنانے سے کسی بھی کاروبار کی طویل المدتی کامیابی کو یقینی بنایا جا سکتا ہے، آباد کے عہدیداران اور اراکین برکتیں کمانے کے لیے سستی رہائشی منصوبے متعارف کرائیں تاکہ عام آدمی کو بھی سر چھپانے کے لیے چھت مہیا ہوسکے۔ قبل ازیں آبادکے چیئرمین محمد حسن بخشی نے کہا کہ مولانا طارق جمیل کا آباد ہاؤس کا دورہ ہمارے لیے ایک بڑا اعزاز ہے، طارق جمیل کو نہ صرف مسلمان بلکہ غیر مسلم بھی بغور سنتے ہیں، ہمارے لیے یہ اعزاز ہے کہ مولاناطارق جمیل آباد ہاؤس میں تشریف لائے ہیں، ہمیں دنیاوی کامیابی کے ساتھ آخرت میں کامیابی کے لیے بھی اقدام کرنے ہوں گے۔ حسن بخشی نے کہا کہ آخرت میں کامیاب ہونے کے لیے مولانا طارق جمیل جیسی شخصیات کی رہنمائی ضروری ہے، لوگ آپ کی بہت عزت کرتے ہیں، ہماری درخواست ہے کہ مولانا طارق جمیل سال میں ایک مرتبہ آباد ہاؤس ضرور تشریف لائیں۔ قبل ازیں آباد کے سینئر وائس چیئرمین سید افضل حمید اور چیئرمین سدرن ریجن احمد اویس تھانوی نے بھی خطاب کیا۔
ذریعہ
ذریعہ: Jasarat News
کلیدی لفظ: مولانا طارق جمیل ا باد ہاو س نے کہا کہ ا باد کے کے لیے
پڑھیں:
چیئرمین وزیراعظم یوتھ پروگرام رانا مشہود احمد خاں کا امریکہ کی معروف یونیورسٹیوں کا دورہ
سٹی 42: چیئرمین وزیراعظم یوتھ پروگرام رانا مشہود احمد خاں نے امریکہ کی معروف یونیورسٹیوں کا دورہ کیا ۔
یونیورسٹی آف شکاگو کا دورہ
چیئرمین رانا مشہود احمد خاں نے کہا وزیراعظم یوتھ پروگرام نوجوانوں کو تعلیم، ہنر، روزگار اور عالمی مواقع سے جوڑنے کے لیے مؤثر اقدامات کر رہا ہے، ڈیجیٹل مہارتوں، قیادت اور کاروباری صلاحیتوں کے فروغ کے لیے عالمی اداروں کے ساتھ تعاون نوجوانوں کے روشن مستقبل کے لیے ضروری ہے۔ پاکستانی نوجوانوں کے لیے مختصر مدتی تربیتی پروگرام، کیریئر تیاری اور جدید مہارتوں کے مواقع پیدا کیے جا رہے ہیں، عالمی جامعات کے ساتھ شراکت داری پاکستان کے نوجوانوں کو بین الاقوامی معیار کی تعلیم اور مواقع فراہم کرے گی، یونیورسٹی آف شکاگو نے وزیراعظم یوتھ پروگرام کے ساتھ نوجوانوں کی ترقی اور تعلیمی تعاون کو فروغ دینے میں دلچسپی کا اظہار کیا.
آئی جی پنجاب نے27افسران کے تقرروتبادلے کر دیے
یونیورسٹی آف الینوائے شکاگو (UIC) کا دورہ
چیئرمین رانا مشہود احمد خاں نے کہا جدید تحقیق، طبی تعلیم اور ڈیجیٹل ہیلتھ کے شعبوں میں عالمی تعاون نوجوانوں کے لیے نئے راستے کھولے گا، جدید ٹیکنالوجی، تحقیق اور جدت کے شعبوں میں تعاون کے ذریعے پاکستانی نوجوانوں کو مستقبل کے تقاضوں کے مطابق تیار کیا جا سکتا ہے، وزیراعظم یوتھ پروگرام نوجوانوں کو جدید علوم اور عالمی معیار کی مہارتوں سے آراستہ کرنے کے لیے کوشاں ہے، پاکستان اور امریکہ کے درمیان تعلیمی و تحقیقی روابط کو مزید مضبوط بنانا حکومت کی اہم ترجیحات میں شامل ہے، یونیورسٹی آف الینوائے شکاگو (UIC) نے پاکستان کے ساتھ تحقیق، طبی تعلیم اور جدید ٹیکنالوجی کے شعبوں میں تعاون بڑھانے پر اتفاق کیا.
آج شام و رات سے 27 جولائی تک مزید بارشوں کی پیشگوئی
ڈی پال یونیورسٹی کا دورہ
چیئرمین رانا مشہود احمد خاں نے کہا نوجوانوں کو ڈیجیٹل مہارتوں، کاروباری صلاحیتوں اور قائدانہ تربیت سے آراستہ کرنا وقت کی اہم ضرورت ہے،پاکستانی طلبہ کی بڑھتی ہوئی تعداد دونوں ممالک کے مضبوط تعلیمی تعلقات کی عکاس ہے، بیرونِ ملک زیر تعلیم پاکستانی نوجوان ملک کے بہترین سفیر ہیں، وزیراعظم یوتھ پروگرام عالمی تعلیمی اداروں کے تعاون سے نوجوانوں کے لیے مزید مواقع پیدا کرنے کے لیے پرعزم ہے، ڈی پال یونیورسٹی نے پاکستانی نوجوانوں کے لیے تعلیمی مواقع، ڈیجیٹل مہارتوں اور تربیتی پروگراموں میں تعاون کی خواہش کا اظہار کیا.
لیونل میسی کا بین الاقوامی فٹبال سے ریٹائرمنٹ کا فیصلہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم