سندھ میں بے امنی اورکرپشن کا راج ہے ،بشیراحمد میمن
اشاعت کی تاریخ: 27th, January 2025 GMT
قنبرعلی خان(نمائندہ جسارت) پاکستان مسلم لیگ (ن) سندھ کے صدر بشیر احمد میمن نے کہاہے کہ سندھ میں بدامنی، بیروزگاری اور کرپشن کا راج ہے ملازمتیں فروخت کی جارہی ہیں سندھ میں بیروزگاری میں اضافے کے ساتھ عوام کے بنیادی مسائل میں دن بدن اضافہ ہوتا جارہاہے جبکہ سندھ کے حکمران صرف اپنی جیبیں بھرنے میں مصروف ہیں جن کو عوام کے مسائل کی کوئی پرواہ نہیں ہے عوام مفلسی، بدامنی اور بیروزگاری کی چکی میں پس کر خودکشیاں کررہے ہیں۔ یہ بات انہوں نے ضلع قنبر میں تاریخ ساز ورکرز کنونشن سے خطاب کرتے ہوئے کہی، نواز لیگ کے صوبائی صدر بشیر احمد میمن نے کہاکہ میاں نواز شریف جو عوام کے مقبول لیڈر اور قائد ہیں جن کی سربراہی میں مسلم لیگ (ن) کی مقبولیت میں تیزی سے اضافہ ہورہاہے اور عوام دن بدن تیزی سے مسلم لیگ (ن) میں اپنی شمولیت اختیار کررہے ہیں اور عنقریب سندھ کی اہم شخصیات بھی پاکستان مسلم لیگ (ن) میں شمولیت اختیار کریں گی۔ انہوں نے کہاکہ اس وقت ملک کی معیشت سنبھل رہی ہے اور مہنگائی کم ہورہی ہے اور ملک مسائل کے بھنور سے نکلتا ہوا نظر آرہاہے مسلم لیگ (ن) کی قیادت نے اپنی سیاست داؤ پر لگاکر پاکستان کو ڈیفالٹ ہونے سے بچایا جبکہ حالات مزید بہتر ہونگے اور مسلم لیگ (ن) ہر جگہ آپ کو نظر آئے گی۔ انہوں نے کہاکہ ہم ملک کے ذمہ دار فرد ہیں ملک کو نفرت نہیں بلکہ اتحاد، انتشار نہیں بلکہ امن چاہتے ہیں۔ انہوں نے کہاکہ وزیر اعلیٰ پنجاب مریم نواز کی قیادت میں پنجاب میں ترقیاتی منصوبوں کا جال بچھاکر عوام کی امید اور ترقی کا ایک نیا باب کھولنے کے مترادف ہے۔ انہوں نے کہاکہ عوام کے مسائل کا واحد حل مسلم لیگ (ن) کی اولین ترجیح ہے اور وزیر اعلیٰ مریم نواز شریف نے پنجاب میں تعلیم اور صحت کے شعبوں کو اپنی اولین ترجیحات میں شامل کرکے عوام کے دل جیت لئے ہیں۔ورکرز کنونشن سے مسلم لیگ (ن) یوتھ ونگ سندھ کے صدر میر ہمایوں خان مغیری، ایم این اے کیئل داس کوہستانی،لاڑکانہ کے ڈویڑنل صدر احسان سومرو، حمیداللہ تونیو، شاہ جان خان بنگلانی اور ڈویژنل انفارمیشن سیکرٹری نیک محمد سومرو سمیت دیگر رہنماؤں نے بھی خطاب کیا۔
.ذریعہ: Jasarat News
کلیدی لفظ: انہوں نے کہاکہ مسلم لیگ عوام کے ہے اور
پڑھیں:
کراچی کی سڑکوں پر گاڑی چلانے پر عوام کیلئے چالان نہیں انعام ہونا چاہیے، نبیل ظفر
معروف اداکار نبیل ظفر کا کہنا ہے کہ کراچی کی سڑکوں پر گاڑی چلانے پر چالان نہیں بلکہ انعام ہونا چاہیے، یہ عوام کا مطالبہ ہے۔
سوشل میڈیا پر ای چالان سسٹم پر تبصرہ کرتے ہوئے نبیل ظفر نے کہا کہ کراچی جیسے شہر میں اگر کوئی ٹریفک، گڑھوں اور سڑکوں کی حالت کے باوجود اپنی گاڑی کو بحفاظت منزل تک پہنچانے میں کامیاب ہو جاتا ہے تو اسے جرمانہ نہیں بلکہ انعام دیا جانا چاہیے۔
اداکار کا کہنا تھا کہ کراچی کے لوگوں کو روزانہ ٹریفک جام، ٹوٹی پھوٹی سڑکوں اور لاپرواہ ڈرائیورز کا سامنا کرنا پڑتا ہے، اس کے باوجود وہ صبر اور حوصلے کے ساتھ اپنی گاڑیاں چلاتے ہیں جو کہ واقعی قابل تعریف ہے۔
یاد رہے کہ سندھ حکومت نے شہر قائد کی مختلف شاہراہوں پر ای چالان سسٹم کا نفاذ کیا ہے جس کے باعث ہزاروں شہریوں کے گھر چالان پہنچ چکے ہیں۔ عوام سمیت مختلف سیاسی جماعتوں کی جانب سے یہ سسٹم بند کرنے اور پہلے خستہ حال سڑکوں کو بہتر کرنے کا مطالبہ کیا جارہا ہے۔
TagsShowbiz News Urdu
عمران خان سے ملاقات نہ ہونے پر وزیراعلیٰ پختونخوا کا توہین عدالت کی درخواست دینے کا اعلان