وزیراعظم محمد شہباز شریف کی زیر صدارت پاکستان ریلویز کے حوالے سے اجلاس
اشاعت کی تاریخ: 27th, January 2025 GMT
اسلام آباد(نیوز ڈیسک) وزیراعظم محمد شہباز شریف کی زیر صدارت پاکستان ریلویز کے حوالے سے اہم اجلاس منعقد ہوا جس میں ادارے کی بحالی، ترقی اور تجارتی صلاحیت بڑھانے پر تبادلہ خیال کیا گیا۔ وزیراعظم نے پاکستان ریلویز کی زمین کو نجی شعبے کے تعاون سے کاروباری سرگرمیوں کے لیے استعمال کرنے کی ہدایت دی تاکہ ادارے کو مالی طور پر مستحکم بنایا جا سکے۔
وزیراعظم نے ریلویز کو وسطی ایشیائی ممالک کے ساتھ تجارت بڑھانے کے لیے مؤثر حکمت عملی تشکیل دینے پر زور دیا۔ انہوں نے مسافروں کو بہتر سفری خدمات فراہم کرنے اور ادارے کو مسابقتی بنانے کے لیے پبلک پرائیویٹ پارٹنرشپ کے مواقع بڑھانے کی اہمیت پر زور دیا۔
اجلاس میں وزیراعظم کو ریلویز کے پرانے نظام کو جدید ٹیکنالوجی سے تبدیل کرنے، مال برادری کو منافع بخش بنانے، اور پیشہ ورانہ و باصلاحیت افرادی قوت کے استعمال کے اقدامات سے آگاہ کیا گیا۔
بریفنگ کے دوران بتایا گیا کہ 2022 کے تباہ کن سیلابوں کے باعث پاکستان ریلویز کو 10 ارب روپے کا نقصان ہوا، اور 35 دن تک پٹریاں زیر آب رہیں۔ سیلاب کے بعد مال برداری کے شعبے میں مؤثر حکمت عملی اپنانے سے ابتدائی لاگت کے برابر منافع حاصل کیا جا چکا ہے۔
مزید بتایا گیا کہ مال برداری کی مارکیٹ میں پاکستان ریلویز کا حصہ 8 فیصد ہے جبکہ رائٹ سائزنگ کے عمل کے ذریعے 18 فیصد غیر ضروری عملہ فارغ کیا جا چکا ہے۔ تھر کول کے مواصلاتی منصوبے پر کام تیزی سے جاری ہے۔
اجلاس میں وفاقی وزراء ڈاکٹر احسن اقبال، محمد علیم خان، خواجہ محمد آصف، جام کمال خان، احد خان چیمہ، سردار اویس لغاری اور دیگر اعلیٰ حکام شریک تھے۔ وزیراعظم نے ہدایت کی کہ پاکستان ریلویز کی کارکردگی کو بہتر بنانے کے لیے مزید مؤثر اقدامات کیے جائیں۔
.ذریعہ: Daily Mumtaz
کلیدی لفظ: کے لیے
پڑھیں:
وزیراعظم شہباز شریف لندن پہنچ گئے
سٹی 42 : وزیراعظم شہباز شریف لندن پہنچ گئے، وہ وہاں 3 روزہ قیام کریں گے۔
پاکستان ہائی کمشنر ڈاکٹر محمد فیصل اور دیگر عملے نے وزیراعظم شہباز شریف کے وفد کا استقبال کیا ۔ نائب وزیراعظم وزیر خارجہ محمد اسحاق ڈار ، سمیت وفاقی وزراء عطاء تارڑ ، محمد عون چوہدری ، خواجہ محمد آصف سمیت اہم شخصیات وزیراعظم شہباز شریف کے ہمراہ موجود ہیں۔
وزیراعظم لندن میں تین روز قیام کریں گے ۔ وزیراعظم شہباز شریف دورۂ لندن کے دوران اوورسیز پاکستانیوں کے کنونشن سے بھی خطاب کریں گے۔
شئیرز کی قیمتوں کو پر لگ گئے
کراچی میں موسلا دھار بارش سے اربن فلڈنگ، گھروں میں پانی داخل، تعلیمی ادارے بند