ملتان میں کھیلے گئے دوسرے ٹیسٹ میچ میں ویسٹ انڈیز نے پاکستان کو120 رنز سے شکست دی جو پاکستان میں اسکی34 سال بعد پہلی کامیابی کامیابی ہے۔اس ٹیسٹ میں ویسٹ انڈیز نے ٹاس جیت کر پہلے بلے بازی کرتے ہوئے41.1 اوور میں163 رنزبنائے تھے۔ پاکستان کے سبھی کھلاڑی اپنی پہلی اننگز میں47 اوور میں154 رنزبناکر آئوٹ ہوئے جس کی وجہ سے ویسٹ انڈیز کو پہلی اننگز کی بنیاد پر نو رنزکی چھوٹی سے سبقت حاصل ہوگئی ۔ ویسٹ انڈیز نے اپنی دوسری اننگز میں66.
1 اوور میں244 رنزبنائے۔ اس اننگز میں کریگ براتھویٹ نے97 منٹ میں74 گیندوں پر چار چوکوں اور دو چھکوں کی مدد سے52 رنزبنائے۔ دوسرے ٹیسٹ کی چوتھی اننگز میں یہ پہلا موقع تھا جب آخری تین بلے بازوں کے علاوہ کوئی دوسرا کھلاڑی ویسٹ انڈیز کی اننگز میں ٹاپ اسکور بنانے میں کامیاب رہا۔ پاکستان کو میچ اور سیریزجیتنے کیلئے254 رنزبنانے تھے مگر اسکے سبھی کھلاڑی44 اوور میں133 رنزبناکر آئوٹ ہوگئے اور ویسٹ انڈیز کو 34 سال بعد پاکستان میں کوئی ٹیسٹ جیتنے کا موقع مل گیا۔سیریز کا پہلا ٹیسٹ بھی اسی میدان پر کھیلاگیا تھا جو پاکستان نے127 رنزسے جیتا تھا ۔ ا س ٹیسٹ میں پاکستان نے ٹاس جیت کر پہلے بلے بازی کرتے ہوئے68.5اوور میں 230 رنز بنائے تھے۔ویسٹ انڈیز کے سبھی کھلاڑی اپنی پہلی اننگز میں25.2 اوور میں137رنزبناکر آئوٹ ہوئے تھے جسکی وجہ سے پاکستان کوپہلی اننگز کی بنیاد پر93 رنزکی سبقت حاصل ہوگئی تھی۔پاکستان کے سبھی کھلاڑی اپنی دوسری اننگز میں 46.4 اوور میں157 رنزبناکر آئوٹ ہوئے تھے اور ویسٹ انڈیز کو251 رنزبنانے کا ہدف ملا تھا۔ ویسٹ انڈیز کے سبھی کھلاڑی دوسری اننگز میں 36.3 اوورمیں 123رنزبناکر آئوٹ ہوئے جس کی وجہ سے اسے اس ٹیسٹ میں127 رنزسے ہار ملی۔ویسٹ انڈیز اور پاکستان کے درمیان جو انیس ٹیسٹ سیریزکھیلی گئی ہیں اس میں سے برابر رہنے والی یہ آٹھویں سیریز ہے۔پاکستان نے چھ سیریزوں میں کامیابی حاصل کی ہے جبکہ ویسٹ انڈیز نے پانچ سیریز جیتی ہیں۔ ویسٹ انڈیز نے پاکستان کے خلاف آخری سیریز2000 میں ویسٹ انڈیز میںجیتی تھی۔ دونوں کے درمیان آخری دو سیریزیں برابر رہی ہیں۔ اس سے پہلے 2021 میں ویسٹ انڈیز میں ہوئی دو ٹیسٹ میچوں کی سریز1-1 سے برابر رہی تھی۔پاکستان میں ویسٹ انڈیز نے آخری کامیابی فیصل آباد میں نومبر1990 میں کھیلے گئے ٹیسٹ میچ میں حاصل کی تھی۔ اس ٹیسٹ میں اس نے سات وکٹ سے کامیابی حاصل کی تھی۔ یہ سیریز1-1 سے برابر رہی تھی۔ٹاس جیت کر پہلے بلے باز کرتے ہوئے پاکستان نے اپنی پہلی اننگز میں54.2 اوور میں170 رنزبنائے تھے۔ ویسٹ انڈیز نے اپنی پہلی اننگز میں56 اوور میں195 رنزبناکر پہلی اننگز کی بنیاد پر5 2 رنزکی سبقت حاصل کرلی تھی۔ دوسری اننگز میں پاکستان نے40.2 اوور میں 154 رنزبنائے تھے۔ ویسٹ انڈیز کو میچ جیتنے کے لیے130 رنزکا ہدف ملا تھا ۔ اس نے29.2 اوور میں تین وکٹ پر یہ رنزبناکر میچ سات وکٹ سے جیتا تھا۔پاکستان اور ویسٹ انڈیز کے درمیان متحدہ عرب امارات میں دو سیریز کھیلی گئی ہیں جن دونوں میں پاکستان نے جیت حاصل کی ہے۔ 2002 میں دو ٹیسٹ میچوں کیسیریز میں پاکستان نے دونوں ٹیسٹ میچ جیتے تھے جبکہ2016 میں اس نے تین ٹیسٹ میچوں کی سیریز میں2-1 سے کامیابی حاصل کی تھی۔پاکستان اور ویسٹ انڈیز کے درمیان اس سیریز کے اختتام تک جو56 ٹیسٹ میچ ہوئے ہیں اس میں پاکستان نے22 ٹیسٹ میچ اور ویسٹ انڈیز نے 19 ٹیسٹ میچ جیتے ہیں۔ دونوں کے درمیان15 ٹیسٹ بغیر کسی فیصلہ کے ختم ہوئے ہیں۔
ذریعہ: Jasarat News
کلیدی لفظ:
اپنی پہلی اننگز
اور ویسٹ انڈیز
میں پاکستان نے
میں ویسٹ انڈیز
کے سبھی کھلاڑی
ویسٹ انڈیز نے
ویسٹ انڈیز کو
ویسٹ انڈیز کے
پاکستان کے
کے درمیان
ٹیسٹ میچ
اوور میں
ٹیسٹ میں
حاصل کی
پڑھیں:
بغیر لائسنس ڈرائیونگ پر 50، لاپرواہی پر 25 ہزار روپے جرمانہ
سندھ حکومت نے ٹریفک خلاف ورزیوں پر بھاری جرمانے اور ڈی میرٹ پوائنٹس سسٹم نافذ کردیا۔
نیا نظام موٹر وہیکلز آرڈیننس 1965 کی شق 121 اے کے تحت بارہویں شیڈول میں ترمیم سے نافذ کیا گیا ۔
صوبائی وزیر شرجیل انعام میمن نے کہا کہ اوور اسپیڈنگ، سنگل توڑنے اور غلط سمت ڈرائیونگ پر سخت کارروائی ہوگی، نئی فہرست میں جرمانے گاڑیوں کی اقسام کے حساب سے مقرر کیے گئے ہیں۔
انہوں نے کہا کہ اوور اسپیڈنگ پر 8 ڈی میرٹ پوائنٹس بھی شامل ہوں گے، بغیر لائسنس ڈرائیونگ پر 50 ہزار جرمانہ اور 6 ڈی میرٹ پوائنٹس لگیں گے، لاپرواہی سے گاڑی چلانے پر 25 ہزار جرمانہ اور 8 پوائنٹس مقرر کیے گئے ہیں۔
پی پی رہنما نے کہا کہ ون وہیلنگ، بغیر ہیلمٹ، غلط لین، دھندلے شیشے اور چھت پر سواریاں بٹھانے پر بھی سزا ہوگی۔
انہوں نے کہا کہ ٹریفک مینجمنٹ کو جدید بنانے کے لیے ڈیجیٹل مانیٹرنگ سسٹم لایا جارہا ہے، ڈی میرٹ پوائنٹس سے بار بار خلاف ورزی کرنے والوں کا ریکارڈ رکھا جاسکے گا۔
شرجیل میمن نے کہا کہ حکومت کا مقصد صرف جرمانے نہیں بلکہ جانوں کا تحفظ ہے، سگنل توڑنا، ون وہیلنگ اور اوور اسپیڈنگ جان لیوا حرکات ہیں، بار بار خلاف ورزی پر لائسنس معطل یا منسوخ کیا جاسکے گا۔
ہر چیز کا علاج بے نظیر انکم سپورٹ پروگرام نہیں، اپنے مشورے اپنے پاس رکھیں، مریم نواز