شاہین آفریدی نے شائقین کرکٹ سے بڑا مطالبہ کردیا
اشاعت کی تاریخ: 13th, November 2025 GMT
پاکستانی کرکٹ ٹیم کے کپتان اور فاسٹ بولر شاہین آفریدی نے سری لنکن ٹیم کے پاکستان کا دورہ جاری رکھنے پر اظہار تشکر کیا ہے، اسپورٹس مین اسپرٹ کو قابل تعریف قرار دیدیا۔ شاہین آفریدی آفریدی نے شائقین کرکٹ سے اپیل کی کہ 14 اور 16 نومبرکو شائقین زیادہ سے زیادہ گراؤنڈ میں میچ دیکھنے کے لئے پہنچیں۔ شاہین آفریدی کا کہنا تھا کہ پاکستان کرکٹ کو سپورٹ کرنے پر سری لنکا کا شکریہ ادا کرتے ہیں، مشکل وقت میں سری لنکا نے پاکستان کا ساتھ دیا۔ سلمان علی آغا کا کہنا تھا کہ سری لنکن بورڈ اور کھلاڑیوں کے شکر گزار ہیں، مشکل وقت میں سری لنکا نے پاکستان کا ساتھ دیا۔ پوری قوم سے درخواست ہے گراؤنڈ آئیں اور سپورٹ کریں۔ حارث رؤف اور ابرار احمد کا کہنا تھا کہ پاکستان کی تاریخ میں سری لنکا کو ہمیشہ یاد رکھا جائیگا، سری لنکا کے فیصلے سے کرکٹ کی جیت ہوئی اسے سراہتے ہیں۔ دوسری جانب چیئرمین پی سی بی محسن نقوی نے سری لنکن ٹیم کے پاکستان کا دورہ جاری رکھنے پر اظہارتشکر کیا ہے۔ وفاقی وزیر داخللہ محسن نقوی اور پاکستان کرکٹ بورڈ کے چیئرمین محسن نقوی نے آئی لینڈرز کے دورہ پاکستان جاری رکھنے پر کہا کہ سری لنکن ٹیم نے کھیل کے جذبے اور یکجہتی کی بہترین مثال قائم کی ہے۔ محسن نقوی نے کہا کہ سری لنکا کا کھیل، دوستی اور اسپورٹس مین اسپرٹ قابل تعریف ہے، پاکستان اور سری لنکا کے ون ڈے میچز 14 اور 16 نومبر کو راولپنڈی میں ہوں گے۔ پاکستان کرکٹ بورڈ کی جانب سے فول پروف سیکیورٹی کی ضمانت دینے کے بعد سری لنکن کرکٹ بورڈ نے دورہ پاکستان کے حوالے سے باضابطہ اعلان کردیا ہے۔ سری لنکن کرکٹ بورڈ کی جانب سے جاری کردہ اعلامیے کے مطابق کھلاڑیوں کو دورہ پاکستان جاری رکھنے کی ہدایت کی گئی ہے۔ سری لنکن بورڈ کا کہنا ہے کہ جو کھلاڑی وطن واپس آنا چاہتے ہیں انھیں روکا نہیں جائے گا، جو کھلاڑی واپس آئیں گے ان کا متبادل پاکستان بھیج دیا جائے گا۔
.ذریعہ: Nawaiwaqt
کلیدی لفظ: شاہین آفریدی پاکستان کا جاری رکھنے محسن نقوی کرکٹ بورڈ سری لنکا کا کہنا
پڑھیں:
خواجہ آصف اور عطااللہ تارڑ کا دورہ پاکستان جاری رکھنے کے فیصلے پر سری لنکن ٹیم سے اظہار تشکر
وزیر دفاع خواجہ آصف اور وفاقی وزیر اطلاعات عطااللہ تارڑ نے دورہ پاکستان جاری رکھنے کا فیصلہ کرنے پر سری لنکن کرکٹ ٹیم کا شکریہ ادا کیا ہے۔
وزیر دفاع خواجہ آصف نے ’ایکس‘ پر ایک بیان میں کہاکہ پاکستان میں کرکٹ کے فروغ میں سری لنکن ٹیم کا کردار قابل تعریف ہے، ہماری نیک تمنائیں ان کے ساتھ ہیں۔
Our special thanks to the Sri Lankan Cricket Team for their visit and for a good display of cricket. Our best wishes and gratitude #FriendshipNotOut
— Khawaja M. Asif (@KhawajaMAsif) November 12, 2025
وزیر اطلاعات عطااللہ تارڑ نے کہاکہ میں سری لنکن کرکٹ ٹیم کا دل کی گہرائیوں سے شکریہ ادا کرتا ہوں۔
My heartfelt gratitude to the Sri Lankan Cricket Team for their visit to Pakistan and for always supporting the game of cricket. Keep up the sportsman spirit. We are honoured by your presence
????????????????#FriendshipNotOut
— Attaullah Tarar (@TararAttaullah) November 12, 2025
انہوں نے کہاکہ کھیلوں کے اس جذبے کو قائم رکھیں، آپ کی موجودگی ہمارے لیے باعثِ اعزاز ہے۔
واضح رہے کہ سری لنکن کرکٹ ٹیم کے کچھ کھلاڑیوں نے دورہ ادھورا چھوڑ کر وطن واپس جانے کا عندیہ دیا تھا، تاہم چیئرمین پی سی بی محسن نقوی کی کاوشوں کے بعد اب سری لنکن بورڈ نے دورہ جاری رکھنے کا اعلان کردیا ہے۔
سری لنکن بورڈ کے مطابق اگر کوئی کھلاڑی واپس آنا چاہے تو اسے روکا نہیں جائےگا، اور اس کے متبادل کھلاڑی پاکستان بھیجا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار تشکر دورہ پاکستان سری لنکن بورڈ سری لنکن کرکٹ ٹیم وزرا وی نیوز
پیپلز پارٹی آرٹیکل 243 میں ترمیم کی حمایت کرے گی: بلاول بھٹو