پاکستان اور سری لنکا کے درمیان ون ڈے سیریز کے بقیہ 2 میچز کا شیڈول تبدیل
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
پاکستان اور سری لنکا کے درمیان تین ون ڈے میچوں پر مشتمل سیریز کے بقیہ دو میچوں کا شیڈول تبدیل کر دیا گیا ہے۔
چیئرمین پاکستان کرکٹ بورڈ (پی سی بی) محسن نقوی نے سوشل میڈیا پر بیان میں بتایا کہ سیریز کے بقیہ میچز اب 14 اور 16 نومبر کو راولپنڈی کرکٹ اسٹیڈیم میں کھیلے جائیں گے۔ انہوں نے کہا کہ سری لنکن ٹیم کے پاکستان میں سیریز جاری رکھنے کے فیصلے پر پی سی بی ان کا شکر گزار ہے۔
قبل ازیں یہ میچز 13 اور 15 نومبر کو شیڈول تھے، تاہم نئی تاریخوں کے مطابق اب ان میں ایک دن کی تاخیر ہوگی۔ پی سی بی کے مطابق 13 اور 15 نومبر کے لیے جاری کیے گئے ٹکٹس نئی تاریخوں یعنی 14 اور 16 نومبر کو بھی قابل استعمال ہوں گے۔
واضح رہے کہ سیریز میں پاکستان کو 0-1 کی برتری حاصل ہے۔
اس سے قبل سری لنکن ٹیم کے مینیجر کی جانب سے کچھ کھلاڑیوں کے وطن واپسی کے ارادے کا عندیہ دیا گیا تھا، جس پر پی سی بی نے فوری طور پر سیکیورٹی انتظامات میں مزید بہتری کی یقین دہانی کرائی۔ اس کے بعد سری لنکن ٹیم نے اپنا دورہ پاکستان جاری رکھنے کا فیصلہ کیا۔
ذریعہ: Jasarat News
کلیدی لفظ: پی سی بی
پڑھیں:
پاکستان اور سری لنکا کے درمیان ون ڈے میچ کہاں سے دیکھیں؟
پاکستانی ٹیم جنوبی افریقہ کے خلاف شاندار ہوم سیریز جیتنے کے بعد آج راولپنڈی کرکٹ اسٹیڈیم میں سری لنکا کے خلاف 3 میچوں کی ون ڈے سیریز کے پہلے میچ میں اترے گی۔
یہ سیریز شاہین شاہ آفریدی کے لیے بھی اہم ہے، جو ون ڈے ٹیم کی کپتانی کے سفر میں ایک اور سنگ میل کے طور پر اسے دیکھ رہے ہیں۔ انہوں نے جنوبی افریقہ کے خلاف 2–1 کی جیت کے ساتھ کپتانی کا مضبوط آغاز کیا تھا اور اب وہ اسی بنیاد پر اپنی قیادت کو مزید مضبوط بنانے کے خواہشمند ہیں۔
یہ بھی پڑھیے: پاکستان سری لنکا ون ڈے سیریز آج سے راولپنڈی میں شروع، شاہین کی قیادت میں فتح کی امید
پاکستانی شائقین یہ میچ پی ٹی وی اسپورٹس، اے اسپورٹس، اور ٹین اسپورٹس پر ملاحظہ کرسکتے ہیں۔
جو شائقین آن لائن اسٹریمنگ کو ترجیح دیتے ہیں، وہ میچ Tapmad اور Tamasha پر براہِ راست دیکھ سکتے ہیں، تاکہ چاہے گھر پر ہوں یا سفر میں، کسی لمحے سے محروم نہ رہیں۔
بین الاقوامی براڈکاسٹ کے تفصیلات:
شمالی امریکا: Willow TV
سری لنکا: Supreme TV اور Dialog TV
بنگلہ دیش: T Sports
سب صحارن افریقہ: SuperSport
مشرق وسطیٰ، شمالی افریقہ اور جنوب مشرقی ایشیا: Cricbuzz
یہ بھی پڑھیے: پاکستان اور سری لنکا ایک روزہ سیریز کے میچ آفیشلز کا اعلان، کون سا میچ کہاں کھیلا جائے گا؟
سیریز کے آغاز میں دونوں ٹیمیں، پاکستان اور سری لنکا، ابتدائی برتری حاصل کرنے کے لیے پرجوش ہیں۔ میچ کا آغاز دوپہر 2:30 بجے ہوگا۔
پاکستان نہ صرف موجودہ فارم کے ساتھ میدان میں اتر رہا ہے بلکہ تاریخی برتری بھی اس کے ساتھ ہے۔ پاکستان اور سری لنکا کے درمیان پاکستان میں کھیلے گئے 30 ون ڈے میچز میں ہوم ٹیم نے 18 جبکہ سری لنکا نے 12 میچز میں کامیابی حاصل کی ہے۔
یہ سری لنکا کی پاکستان میں پہلی باہمی ون ڈے سیریز ہوگی، اس سے قبل وہ 2019–20 کے دورے پر آئے تھے، جسے میزبان ٹیم نے 2–0 سے جیتا تھا۔ مجموعی طور پر پاکستان کی سری لنکا کے خلاف بالواسطہ برتری بھی واضح ہے، جہاں پاکستان 93 میچ جیت چکا ہے جبکہ سری لنکا نے 59 میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سری لنکا کرکٹ
لاہور ہائیکورٹ کا دھواں چھوڑنے والی گاڑیوں کیخلاف سخت کارروائی کا حکم