بھارتی ہتھکنڈے ناکام، سری لنکن کرکٹ ٹیم کا دورہ پاکستان جاری رکھنے کا فیصلہ
اشاعت کی تاریخ: 13th, November 2025 GMT
لاہور+اسلام آباد(سپورٹس رپورٹر)بھارتی ہتھکنڈے ناکا م ہوگئے ‘پاکستان کرکٹ بورڈ کی یقین دہانی کے بعد سری لنکن کرکٹ ٹیم نے دورہ پاکستان جاری رکھنے کا فیصلہ کیا ہے۔سری لنکن کرکٹ ٹیم کے منیجرکا بیان سامنے آیا تھا کہ کہ سری لنکن کرکٹ ٹیم کے کھلاڑی دورہ پاکستان ادھورا چھوڑ کر واپس جانا چاہتے ہیں۔ذرائع کے مطابق پی سی بی کی جانب سے ون ڈے سیریز اور ٹرائی سیریز کو بچانے کیلئے ہر ممکن کوشش کی گئی۔ پاکستان کرکٹ بورڈ نے سری لنکن ٹیم کی سکیورٹی بڑھانے کی یقین دہانی کروائی۔پی سی بی کی یقین دہانی کے بعد سری لنکن کرکٹ ٹیم نے دورہ پاکستان جاری رکھنے کا فیصلہ کیا ہے۔سری لنکن کرکٹ بورڈ کا کہنا ہے کہ اگر کوئی کھلاڑی یا سپورٹنگ سٹاف دورہ جاری نہیں رکھنا چاہتا تو متبادل کا انتظام کیا جائیگا تاکہ دورہ بغیر کسی رکاوٹ کے جاری رہے۔سری لنکن کرکٹ بورڈ کے مطابق سری لنکن کھلاڑیوں کو چیئرمین پی سی بی محسن نقوی نے کھلاڑیوں سے ون آن ون ملاقات کی اور انہیں سکیورٹی انتظامات کی یقین دہانی کروائی۔انہوںنے کہا کہ ٹیم اور عملے کی حفاظت ہماری اولین ترجیح ہے۔ چیئرمین پی سی بی محسن نقوی نے ایکس پر جاری پیغامِ میں کہا کہ سری لنکا ٹیم کا دورہ جاری رکھنے پر انکا شکر گزار ہوں۔ دوسرا ون ڈے میچ ری شیڈول کر دیا گیاہے۔ پاکستان اور سری لنکا کے درمیان دوسرا ون ڈے میچ 14نومبر کو ہوگاپاکستان‘ سری لنکا ون ڈے سیریز کا شیڈول تبدیل کیا گیا ہے ۔آج ہونے والا میچ اب کل جمعہ کو ہو گا۔تیسرا ون ڈے میچ 16نومبر کو راولپنڈی کرکٹ سٹیڈیم میں ہو گا۔پاکستان میں سیریز رکوانے کے بھارتی ہتھکنڈ ے ناکام ہوگئے ۔ بھارت نے افغان پراکسیز کے ذریعے پاکستان میں خود کش حملہ کرایا تاکہ سیریز ختم ہواور پاکستان میں انٹر نیشنل کرکٹ جاری نہ رہ سکے ۔ سری لنکن ٹیم منیجر نے کہا کہ کوئی کھلاڑی وطن واپس نہیںجارہا ‘تمام کھلاڑی سیریز کھیلیں گے ۔ وفاقی وزیر اطلاعات عطاء تارڑ ‘وزیر دفاع خواجہ آصف اور وزیر مملکت داخلہ طلال چوہدری نے بھی سری لنکن کرکٹ ٹیم کے دورہ پاکستان جاری رکھنے پر شکریہ کا اظہار کیا ہے ۔
.
ذریعہ
ذریعہ: Nawaiwaqt
کلیدی لفظ: پاکستان جاری رکھنے سری لنکن کرکٹ ٹیم کی یقین دہانی دورہ پاکستان کرکٹ بورڈ پی سی بی
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی