چیئرمین پی سی بی نے سری لنکن ٹیم کو مکمل سیکیورٹی کی یقین دہانی کرادی
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان کرکٹ بورڈ (پی سی بی) کے چیئرمین محسن نقوی نے سری لنکن کرکٹ ٹیم کو پاکستان میں دورہ جاری رکھنے کے دوران مکمل سیکیورٹی فراہم کرنے کی یقین دہانی کرائی۔
سماجی رابطے کی ویب سائٹ ایکس (سابقہ ٹوئٹر) پر پی سی بی چیئرمین پیغام جاری کرتے ہوئے کہا کہ سری لنکن کرکٹ ٹیم کے پاکستان میں کھیلنے کے فیصلے پر وہ شکر گزار ہیں اور یہ کھیل کے اصل جذبے اور بین الاقوامی یکجہتی کی روشن مثال ہے۔
پی سی بی کے مطابق پاک سری لنکا ون ڈے میچز 14 اور 16 نومبر کو راولپنڈی اسٹیڈیم میں کھیلے جائیں گے، کھلاڑیوں کی حفاظت کے لیے ہر ممکن انتظامات کیے گئے ہیں، جن میں سیکیورٹی فورسز کی خصوصی تعیناتی، اسٹیڈیم کے گرد حفاظتی اقدامات، اور ٹیم بس اور ہوٹل سیکورٹی شامل ہیں۔
محسن نقوی نے کہا کہ سری لنکا کا یہ دورہ پاکستان کرکٹ کے لیے اہم ہے کیونکہ اس سے نہ صرف دونوں ٹیموں کے درمیان کھیل کا معیار بلند ہوگا بلکہ عالمی کرکٹ میں پاکستان کی سیکیورٹی اور کھیل کے ماحول کے حوالے سے اعتماد بھی بڑھے گا، پی سی بی اور پاکستانی حکام مل کر تمام انتظامات کر رہے ہیں تاکہ کھلاڑی اور آفیشلز بلاخوف اپنے میچز کھیل سکیں۔
ذرائع کے مطابق، راولپنڈی اسٹیڈیم میں انتظامات کے دوران ہنگامی صورتحال کے لیے ایمبولینسز، میڈیکل ٹیمیں اور ایمرجنسی پروٹوکولز بھی تیار رکھے گئے ہیں۔ پاکستان کرکٹ بورڈ نے اس بات پر زور دیا کہ کھیل کے دوران کوئی بھی غیر متوقع صورتحال پیش آنے کی صورت میں فوری طور پر اقدامات کیے جائیں گے۔
یہ دورہ پاکستان کرکٹ کے لیے ایک مثبت قدم سمجھا جا رہا ہے کیونکہ گزشتہ برسوں میں سیکیورٹی خدشات کی وجہ سے بین الاقوامی ٹیمیں پاکستان میں کھیلنے سے گریز کرتی رہی ہیں۔ اس دورے سے امید ہے کہ دیگر عالمی کرکٹ ٹیمیں بھی پاکستان کے دوروں پر غور کریں گی اور ملکی کرکٹ کو عالمی سطح پر فروغ حاصل ہوگا۔
ذریعہ
ذریعہ: Jasarat News
کلیدی لفظ: پاکستان کرکٹ پی سی بی کے لیے
پڑھیں:
آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد جہنم واصل
سیکیورٹی فورسز نے آپریشن العزم کے تحت مستونگ میں کامیاب کارروائی کرتے ہوئے 4 دہشت گرد جہنم واصل کردیے۔
ذرائع کے مطابق سیکیورٹی فورسز کی آپریشن العزم کے تحت بلوچستان میں دہشت گردی کیخلاف بھرپور اور مؤثر انٹیلی جنس بیسڈ کارروائیاں جاری ہیں۔ اس سلسلے میں بلوچستان میں مستونگ کےعلاقے کھڈ کوچہ میں کامیاب کارروائی کے دوران فتنۃ الہندوستان کے 4 دہشت گرد جہنم واصل کردیے گئے۔
کامیاب آپریشن کے دوران ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔ سیکیورٹی فورسز نے دہشت گردوں کے زیرِ استعمال موٹر سائیکلوں کو بھی ضبط کر لیا۔
بلوچستان آپریشن العزم: مستونگ میں بڑی کامیابی سیکیورٹی فورسز کی کارروائی میں 4 دہشت گرد ہلاکسیکیورٹی فورسز کی مؤثر کارروائی میں فتنۃ الہندوستان کے متعدد دہشت گردوں کے زخمی ہونے کی بھی مصدقہ اطلاعات ہیں جب کہ سیکیورٹی فورسز کی کارروائی کے دوران دہشتگردوں کی سہولت کاری میں ملوث متعدد مشتبہ افراد کو گرفتار بھی کیا گیا ہے۔
آپریشن کے دوران علاقے میں سرچ اور کلیئرنس کارروائیاں جاری ہیں جب کہ سیکیورٹی فورسز کی جانب سے مکمل نگرانی بھی برقرار ہے۔ حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کارروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سیکیورٹی ذرائع کا کہنا ہے کہ دہشت گردی کے خاتمے اور خطے میں امن و امان کے قیام تک سیکیورٹی فورسز کی کاروائیاں مسلسل جاری رہیں گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم