آزاد کشمیر: خواتین کی ہراسانی اور بچوں پر تشدد روکنے کے لیے سینٹر کا قیام
اشاعت کی تاریخ: 13th, November 2025 GMT
آزاد جموں و کشمیر میں خواتین کے خلاف ہراسانی اور بچوں پر تشدد کے بڑھتے واقعات کے پیش نظر پولیس کی جانب سے ایک مؤثر اقدام سامنے آیا ہے۔
پہلی بار ویمن اینٹی ہراسمنٹ اور چائلڈ پروٹیکشن سینٹر کا قیام عمل میں لایا گیا ہے جس کا افتتاح انسپکٹر جنرل پولیس (آئی جی) آزاد کشمیر رانا عبدالجبار نے کیا۔
مزید پڑھیں: معذور خواتین اور لڑکیاں آن لائن ہراسانی کا زیادہ نشانہ
افتتاح کے موقع پر آئی جی آزاد کشمیر نے کہاکہ اس سینٹر کے قیام کا مقصد خواتین اور بچوں کو فوری قانونی معاونت فراہم کرنا ہے تاکہ کوئی بھی شخص دوبارہ اس طرح کی زیادتی کرنے کا سوچ بھی نہ سکے۔
ان کا کہنا تھا کہ یہ سینٹر تمام تھانوں سے منسلک ہوگا اور اگر کسی خاتون یا بچے کے ساتھ زیادتی یا ہراسانی کا کیس رپورٹ ہوتا ہے تو کارروائی اسی سینٹر کے تحت کی جائے گی۔
رانا عبدالجبار نے بتایا کہ اگر کسی مرد کو گرفتار کرنا ہو تو متعلقہ پولیس اسٹیشن کے ذریعے کارروائی سے پہلے اس سینٹر سے تصدیق کی جائے گی جبکہ خواتین کی گرفتاری کی صورت میں صرف خاتون پولیس اہلکار ہی شریک ہوں گی۔
ان کا مزید کہنا تھا کہ اکثر معاملات گھریلو نوعیت کے ہوتے ہیں جیسے میاں بیوی کے جھگڑے یا بچوں کی حوالگی کے تنازعات تو ایسے معاملات کو پہلے مرحلے میں یہیں پر حل کرنے کی کوشش کی جائے گی۔ اگر کیس میں سزا یا سنگین نوعیت کا جرم پایا گیا تو پھر قانونی کارروائی عمل میں لائی جائے گی۔
یہ اقدام اس وقت سامنے آیا ہے جب حالیہ برسوں میں آزاد کشمیر میں خواتین کی خودکشیوں اور بچوں پر تشدد کے واقعات میں نمایاں اضافہ دیکھا گیا ہے۔
یہ بھی پڑھیں: بادشاہی مسجد میں خواتین کو ہراساں کرنے والا ملزم کیسے گرفتار کیا گیا؟
صرف گزشتہ 2 برسوں میں 50 سے زیادہ خواتین نے گھریلو تشدد، سماجی دباؤ اور عدم تحفظ کے باعث اپنی جانیں لے لیں۔ اسی پس منظر میں یہ سینٹر قائم کیا گیا ہے تاکہ متاثرہ خواتین اور بچوں کو فوری مدد، قانونی رہنمائی اور تحفظ فراہم کیا جا سکے۔
پولیس حکام کا کہنا ہے کہ یہ سینٹر نہ صرف متاثرین کی داد رسی کے لیے ایک محفوظ پلیٹ فارم فراہم کرےگا بلکہ مستقبل میں خواتین اور بچوں کے خلاف تشدد کے انسداد کے لیے ایک مؤثر ادارہ ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر بچوں پر تشدد خواتین ہراسمنٹ سینٹر کا قیام وی نیوز.
ذریعہ
ذریعہ: WE News
کلیدی لفظ: بچوں پر تشدد خواتین ہراسمنٹ سینٹر کا قیام وی نیوز بچوں پر تشدد میں خواتین خواتین اور اور بچوں جائے گی کے لیے
پڑھیں:
آزاد کشمیر کے ترقیاتی منصوبوں کیلئے 54 ارب روپے سے زائد فنڈز تجویز
اسلام آباد: پی ایس ڈی پی 2026-27 کے تحت وفاقی حکومت نے آزاد جموں و کشمیر میں ترقیاتی، تعلیمی، صحت، توانائی، مواصلات اور بنیادی ڈھانچے کے مختلف منصوبوں کے لیے 54 ارب 17 کروڑ 37 لاکھ روپے سے زائد فنڈز مختص کرنے کی تجویز پیش کر دی ہے۔
بجٹ دستاویزات کے مطابق جاری ترقیاتی منصوبوں کے لیے 43 ارب 10 کروڑ 54 لاکھ روپے جبکہ نئے منصوبوں کے لیے 3 ارب 94 کروڑ 45 لاکھ روپے سے زائد فنڈز رکھنے کی سفارش کی گئی ہے۔ اس کے علاوہ آزاد کشمیر بلاک ایلوکیشن کے لیے 33 ارب روپے اور وزیراعظم کے خصوصی ترقیاتی پیکج کے لیے 5 ارب روپے مختص کرنے کی تجویز دی گئی ہے۔
پی ایس ڈی پی 2026-27 میں تعلیمی شعبے کو خصوصی اہمیت دی گئی ہے۔ آزاد کشمیر کے چار اضلاع میں دانش سکولوں کے قیام اور توسیع کے منصوبوں کے لیے 6 ارب 27 کروڑ روپے سے زائد فنڈز تجویز کیے گئے ہیں۔ ضلع باغ کے ہاڑی گہل میں دانش سکول کے لیے 2 ارب 14 کروڑ روپے، بھمبر میں 60 کروڑ روپے، وادی نیلم کے شاردا میں ایک ارب 55 کروڑ روپے جبکہ حویلی کہوٹہ میں دانش سکول کے قیام کے لیے 2 ارب 9 کروڑ روپے مختص کرنے کی سفارش کی گئی ہے۔
توانائی کے شعبے میں جگراں-II ہائیڈرو پاور منصوبے کے لیے ایک ارب 14 کروڑ 94 لاکھ روپے، شاردا-II منصوبے کے لیے 10 کروڑ روپے اور نگدر ہائیڈرو پاور منصوبے کے لیے 30 کروڑ روپے تجویز کیے گئے ہیں۔ دواریاں ہائیڈرو پاور منصوبہ بھی ترقیاتی پروگرام میں شامل ہے۔
بنیادی ڈھانچے کی بہتری کے لیے آزاد کشمیر قانون ساز اسمبلی کمپلیکس، رٹھوعہ ہریام پل اور نوسیری لیسوا بائی پاس روڈ سمیت متعدد منصوبوں کے لیے فنڈز رکھنے کی سفارش کی گئی ہے۔
صحت کے شعبے میں میرپور، مظفرآباد اور راولاکوٹ کے میڈیکل کالجوں کے انفراسٹرکچر اور سہولیات کی بہتری کے لیے کروڑوں روپے مختص کرنے کی تجویز دی گئی ہے۔ اس کے علاوہ میرپور واٹر سپلائی و سیوریج اسکیم، سالڈ ویسٹ مینجمنٹ اور ایل او سی متاثرین کی بحالی کے منصوبوں کو بھی شامل کیا گیا ہے۔
دستاویزات کے مطابق آزاد کشمیر میں لینڈ ریکارڈ کمپیوٹرائزیشن، آسان خدمت مرکز مظفرآباد، کاؤنٹر ٹیررازم ڈیپارٹمنٹ کی استعداد کار میں اضافے اور گورنمنٹ کالجز آف ٹیکنالوجی کے قیام کے منصوبوں کے لیے بھی فنڈز تجویز کیے گئے ہیں۔
حکومت نے آئندہ مالی سال کے ترقیاتی پروگرام میں تعلیم، صحت، توانائی، سڑکوں کے انفراسٹرکچر اور شہری سہولیات کے منصوبوں کو خصوصی ترجیح دی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ