عمرہ پیکج اور ہوٹل کرایوں میں اضافہ، رمضان میں سفر مزید مہنگا
اشاعت کی تاریخ: 28th, January 2025 GMT
سعید احمد: رمضان المبارک کے آغاز کے ساتھ ہی عمرہ پیکجز میں اضافہ دیکھنے کو مل رہا ہے، جس کی وجہ سے ائیرلائنز کے ٹکٹوں اور ہوٹلز کے کرایوں میں بھی اضافہ ہو چکا ہے جبکہ فائیو سٹار عمرہ پیکج سرکاری حج پیکج سے بھی مہنگا ہو گیا ہے۔
یکم رمضان سے ایئرلائنز کی ٹکٹوں کی ایڈوانس بکنگ میں بھی اضافہ ہو گیا ہے۔ ائیر بلیو کا لاہور سے جدہ دوطرفہ کرایہ 1 لاکھ 62 ہزار روپے تک پہنچ گیا ہے، جبکہ پی آئی اے کا لاہور سے جدہ دوطرفہ کرایہ 1 لاکھ 87 ہزار روپے تک ہو گیا ہے۔ سعودی ائیرلائنز کے اکانومی کلاس کے ٹکٹ کا کرایہ 2 لاکھ 66 ہزار روپے تک پہنچ چکا ہے۔
وزیر اعظم کے زیرصدارت اجلاس، ریلوے کو نجی شعبے کے تعاون سے کاروبار کیلئے استعمال کرنے کی ہدایت
مکہ اور مدینہ کے ہوٹلز نے بھی یکم رمضان سے عید الفطر تک اپنے کرایوں میں اضافہ کر دیا ہے۔ مکہ میں اکانومی کلاس ہوٹل کا کم از کم کرایہ 350 ریال سے بڑھ کر آخری عشرے میں 600 ریال تک پہنچ گیا ہے۔ فائیو سٹار ہوٹلز میں ایک دن کا کرایہ 2500 ریال تک جا پہنچا ہے، جبکہ افطاری کے ساتھ فائیو سٹار ہوٹل کا کرایہ 3000 ریال تک بڑھ گیا ہے۔
مدینہ میں بھی فائیو سٹار ہوٹل کا ایک دن کا کرایہ 2500 سے 3000 ریال تک پہنچ چکا ہے۔ فور سٹار ہوٹلز کا کم از کم کرایہ بھی 1500 سے 2000 ریال تک ہو چکا ہے۔
گیس کی قیمتوں میں اضافے کا نوٹیفکیشن جاری
اس کے علاوہ شٹل بس اور تھری سٹار عمرہ پیکج کی قیمت 4 لاکھ روپے سے زیادہ ہو گئی ہے۔ رمضان کے مہینے میں عمرہ کرنے والوں کے لیے سفر کے اخراجات میں یہ اضافہ ایک اہم مسئلہ بن چکا ہے۔
ذریعہ: City 42
کلیدی لفظ: عمرہ پیکج کا کرایہ تک پہنچ گیا ہے
پڑھیں:
اسپیکر قومی اسمبلی کی پارلیمانی وفد کے ہمراہ عمرہ کی ادائیگی
مکہ مکرمہ( نیوز ڈیسک)اسپیکر قومی اسمبلی سردار ایاز صادق نے پارلیمانی وفد کے ہمراہ مکہ مکرمہ میں عمرہ کی سعادت حاصل کی۔ یہ روحانی سفر ان ایام میں انجام پایا جب لاکھوں مسلمان دنیا بھر سے حرمین شریفین میں حاضر ہو رہے ہیں۔
عمرہ کی ادائیگی کے دوران اسپیکر قومی اسمبلی نے وطنِ عزیز پاکستان کی ترقی، استحکام اور خوشحالی کے لیے خصوصی دعا کی۔ انہوں نے عالمِ اسلام کے اتحاد، یکجہتی، اور مظلوم اقوام خصوصاً کشمیر اور فلسطین کے مظلوم عوام کے لیے بھی دعا کی۔
اس باسعادت موقع پر قومی اسمبلی کے دیگر اراکین بھی موجود تھے، جو اجتماعی طور پر عبادات میں شریک رہے اور روحانی تجربے کو بھرپور انداز میں محسوس کیا۔
ذرائع کے مطابق، اسپیکر ایاز صادق کا یہ دورہ نجی اور روحانی نوعیت کا تھا، تاہم اسے پاکستان اور اسلامی دنیا کے مابین محبت، احترام اور روحانی وابستگی کے ایک مثبت پیغام کے طور پر بھی دیکھا جا رہا ہے۔
Post Views: 2
یونیفارم کی تضحیک کے الزام میں پولیس نے ٹک ٹاکر کاشف ضمیر کو گرفتار کر لیا