اسلام آباد پولیس کی کارروائی، شہری کے قاتل کو گرفتار کرلیا
اشاعت کی تاریخ: 28th, January 2025 GMT
اسلام آباد پولیس نے شہری کو بے دردی سے قتل کرکے اس کی نعش ویرانے میں پھینکنے والے قاتل کو گرفتار کرلیا ہے۔
ترجمان اسلام آباد پولیس کے مطابق گزشتہ رات شہری کو قتل کرکے اس کی مسخ شدہ لاش کو ویرانے میں پھینکنے والے قاتل کو گرفتار کرلیا گیا ہے، وفاقی پولیس کے تحقیقاروں نے ہیومن انٹیلیجنس کے ذریعے خطرناک ملزم کو گرفتار کیا، ملزم کو 6 گھنٹے کے قلیل وقت میں گرفتار کیا گیا۔
یہ بھی پڑھیں: اسلام آباد پولیس کی کارروائی، 24 گھنٹوں میں سینکڑوں ملزمان گرفتار
پولیس کے مطابق ملزم نے شواہد نہیں چھوڑے تھے لیکن پولیس نے جدید ٹیکنالوجی کی مدد سے ملزم کو ٹریس کیا اور اسلام آباد سے فرار ہوتے گرفتار کرلیا، ملزم نے شہری کو بے دردی سے قتل کیا اور نعش مسخ کرکے ویرانے میں پھینک دی تھی، گرفتار ملزم کی شناخت تنویر حسین کے نام سے ہوئی ہے۔
پریس کانفرنس/ ایس پی رورل اسلام آباد
گزشتہ رات مسخ شدہ نعش برآمدگی کا معاملہ۔ قاتل کو چھ گھنٹے میں گرفتار کرلیا گیا۔
وفاقی پولیس کے تحقیق کاروں نے ہیومن انٹیلیجنس کے ذریعے خطرناک ملزم کو گرفتار کیا۔ ملزم نے شواہد نہیں چھوڑے تھے لیکن پولیس نے جدید ٹیکنالوجی کی مدد سے ملزم کو… pic.
— Islamabad Police (@ICT_Police) January 28, 2025
ایس پی رورل زون کاظم نقوی کا کہنا ہے کہ قتل کی واردات میں ملوث دیگر ملزمان کو جلد گرفتار کرلیا جائے گا، ملزم سے واردات میں استعمال ہونے والا موٹر سائیکل بھی برآمد کر لیا گیا ہے۔
یہ بھی پڑھیں: شہریوں کے لیے بڑا ریلیف، اسلام آباد پولیس کی مصالحتی کمیٹیاں ازسرنو فعال
کاظم نقوی نے ملزم کی قلیل وقت میں گرفتاری پر پولیس ٹیم کو خراج تحسین پیش کرتے ہوئے کہا ہے کہ جرائم، تشدد اور قتل کے واقعات کے انسداد کے لیے اسلام آباد پولیس بلا تفریق کارروائیاں عمل میں لارہی ہے۔
انہوں نے اس عزم کا اعادہ کیا ہے کہ ملزمان کے خلاف سخت قانونی کارروائی عمل میں لاتے ہوئے قرار واقعی سزا دلوانے کے لیے کیفر کردار تک پہنچایا جائے گا، گرفتار ملزم کو ٹھوس شواہد کی روشنی میں چالان کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد پولیس تنویر حسین ٹیکنالوجی قتل ملزم گرفتارذریعہ: WE News
کلیدی لفظ: اسلام ا باد پولیس تنویر حسین ٹیکنالوجی قتل ملزم گرفتار اسلام ا باد پولیس گرفتار کرلیا کو گرفتار پولیس کے قاتل کو ملزم کو کے لیے
پڑھیں:
لاہور: شہریوں کو اغوا کرکے تاوان لینے والے پولیس اہلکاروں کو گرفتار کرلیا گیا
فائل فوٹولاہور میں خود کو کرائم کنٹرول ڈپارٹمنٹ (سی سی ڈی) کے اہلکار ظاہر کرنے والے 3 پولیس اہلکاروں کو گرفتار کرکے ان کے خلاف مقدمہ درج کرلیا گیا۔
پولیس کا کہنا ہے کہ رائیونڈ تھانے میں تعینات تین اہلکار گرفتار کرلیے گئے، اہلکاروں کے خلاف مقدمہ بھی درج کرلیا گیا، تینوں پولیس اہلکاروں نے شہریوں کو حبس بےجا میں رکھا، پولیس ملازمین نے خود کو سی سی ڈی کا اہلکار ظاہر کیا تھا۔
ایف آئی آر کے مطابق 2 شہریوں کو اغوا کرکے 25 لاکھ روپے تاوان کا مطالبہ کیا گیا، ملزمان نے مغوی افراد سے منشیات فروشی کا اعتراف کرنے کی ویڈیوز بنوائیں، متاثرہ افراد کے اہل خانہ نے 6 لاکھ 75 ہزار روپے دیکر نوجوانوں کو بازیاب کروایا۔
پولیس کا کہنا ہے کہ تینوں گرفتار پولیس ملازمین سے مزید تفتیش جاری ہے، گرفتار اہلکاروں کے موبائل فون قبضے میں لے کر ویڈیوز کا جائزہ لیا جا رہا ہے۔
سعودی عرب کا بڑا اعلان: غیر ملکی اب ریاض اور جدہ میں جائیداد خرید سکیں گے