حج آپریشن میں خدمت کرنے والوں کیلئے اہم خبر
اشاعت کی تاریخ: 28th, January 2025 GMT
اسلام آباد(نیوز ڈیسک)حج آپریشن کے دوران خدمات انجام دینے والے ملازمین کے لئے ایس او پی جاری کردی گئی ہے، ایئرپورٹ اتھارٹی کی تیاریاں جاری ہیں۔
تفصیلات کے مطابق پاکستان ایئرپورٹ اتھارٹی کی جانب سے حج آپریشن 2025 کے سلسلے میں تیاریاں جاری ہیں، حج آپریشن میں خدمات انجام دینے والے ملازمین کس طرح اپنی ڈیوٹی سرانجام دیں گے اس سلسلے میں اسٹینڈرڈ آپریٹنگ پروسیجر جاری کردیا گیا ہے۔
ایس جی گروپ ایک تا 11 کے ملازمین حج ڈیوٹی کیلئے اہل ہوں گے، ملازمین کی کم از کم مدت ملازمت 5 سال ہوگی اور ان کا فٹ ہونا لازم ہوگا۔
حج آپریشن کے دوران خدمات انجام دینے والے ملازمین کے حوالے سے 4 فروری کو ہیڈ کوارٹرز میں قرعہ اندازی کی جائےگی۔
خیال رہے کہ سرکاری حج پر جانے والے عازمین کو گزشتہ سال کی نسبت کم خرچ پر زیادہ سہولیات ملیں گی، ذرائع نے بتایا کہ سرکاری اسکیم کے تحت حج اخراجات کا حتمی تخمینہ تیار کرلیا گیا ہے۔
ذرائع کا کہنا تھا کہ 40 روز کے سرکاری حج پیکیج کی قیمت اس بار ساڑھے 10 لاکھ روپے مقرر کی گئی ہے، ابتدائی طور پر 10لاکھ 75 ہزار سے 11 لاکھ 75 ہزار کا تخمینہ لگایا گیا تھا۔
مزیدپڑھیں:شائقین کیلیے خوشخبری! ڈی ویلیئرز کی ریٹائرمنٹ کے بعد کرکٹ میں واپسی
ذریعہ: Daily Ausaf
پڑھیں:
ڈرائیونگ لائسنس بنوانے والوں کیلئے اہم خبر
ویب ڈیسک : ڈرائیونگ لائسنس بنوانے والوں کی بڑی مشکل آسان ہوگئی ، شہری اب شہر کے مختلف ناکوں پر ہی لرنر پرمٹ حاصل کر سکیں گے۔
اسلام آباد ٹریفک پولیس نے ڈرائیونگ لائسنس مہم کے دوسرے مرحلے کا آغاز کر دیا ہے، جس کے تحت شہری اب شہر کے مختلف ناکوں پر ہی لرنر پرمٹ حاصل کر سکیں گے۔
یہ اقدام انسپکٹر جنرل اسلام آباد پولیس کی ہدایت پر کیا گیا، اس حوالے سے چیف ٹریفک آفیسر (سی ٹی او) حمزہ ہمایوں نے بتایا کہ خصوصی فیسلیٹیشن وینز زیرو پوائنٹ، فیض آباد، جی-14 اور دفترِ خارجہ کے ناکوں پر تعینات کی گئی ہیں، جہاں شہری موقع پر ہی لرنر پرمٹ حاصل کر سکتے ہیں۔
آئی سی سی سہ ماہی اجلاس کا آغاز آج سے دبئی میں ہو گا
سی ٹی او کا کہنا تھا کہ کہ ناکوں پر موجود پولیس اہلکار لائسنس نہ رکھنے والے افراد کے خلاف کارروائی کر رہے ہیں، تاہم انہیں موقع پر ہی لرنر پرمٹ حاصل کرنے کی سہولت دی جا رہی ہے۔
انھوں نے کہا کہ اسلام آباد ٹریفک پولیس عوام کو سہولت فراہم کرنے اور شفاف خدمات یقینی بنانے کے لیے پرعزم ہے، مہم کا مقصد شہریوں میں ذمہ دارانہ ڈرائیونگ کے رجحان کو فروغ دینا اور ٹریفک قوانین پر عمل درآمد کو یقینی بنانا ہے۔
سال 2025 کا روشن ترین سپر مون کل رات آسمان پر نمودار ہوگا
اس سے قبل اسلام آباد ٹریفک پولیس نے فیض آباد ٹریفک آفس اور ہیڈکوارٹرز میں 15 نئی سروس ڈیسک بھی قائم کی تھیں، تاکہ شہریوں کو تیز تر اور مؤثر لائسنسنگ سہولیات فراہم کی جا سکیں۔
ترجمان کے مطابق نئی ڈیسک شام 6 بجے کے بعد بھی فعال رہیں گی، تاکہ شہری آسانی سے اپنی ضروری خدمات حاصل کر سکیں۔
سی ٹی او نے مزید کہا کہ ٹریفک پولیس جدید سہولیات کے قیام اور عوامی خدمات کو بہتر بنانے کے لیے مسلسل اقدامات کر رہی ہے۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف