بیرون ملک شہری کے اغوا اور تشدد میں ملوث 2 انسانی اسمگلر گرفتار
اشاعت کی تاریخ: 29th, January 2025 GMT
اسلام آباد:
ایف آئی اے انسدادِ انسانی اسمگلنگ سرکل ایبٹ آباد نے بڑی کارروائیاں کرتے ہوئے بیرون ملک شہری کے اغوا اور تشدد میں ملوث بدنام زمانہ انسانی اسمگلر سمیت 2 ملزمان کو گرفتار کرلیا۔
گرفتار ملزمان کی شناخت محمد شہزاد اور غلام فاروق کے نام سے ہوئی۔ ملزمان کو ہری پور میں چھاپہ مار کارروائی کے دوران حراست میں لیا گیا۔ ملزم محمد شہزاد انسانی اسمگلروں کی مطلوب فہرست میں شامل تھا اور ترکیہ میں مقیم زاہد خان نامی اسمگلر کا پارٹنر تھا، جو پاکستان سے انسانی اسمگلنگ کا نیٹ ورک چلا رہا تھا۔
ملزم محمد شہزاد نے دیگر ساتھیوں کی مدد سے ایک شہری کو ترکیہ بھیجوا کر یرغمال بنایا اور وہاں موجود ساتھیوں کے ساتھ مل کر اس پر تشدد کیا۔ ملزمان نے ظلم کی انتہا کرتے ہوئے متاثرہ شخص کے ناخن تک نکال دیے اور اس کے اہلِ خانہ سے رہائی کے نام پر تاوان وصول کیا۔
تحقیقات میں انکشاف ہوا کہ ملزمان سادہ لوح شہریوں کو بیرون ملک ملازمت کا جھانسہ دے کر بھجواتے تھے اور بعدازاں یرغمال بنا کر تاوان وصول کرتے تھے۔ ملزم غلام فاروق بغیر لائسنس کے ٹریول ایجنسی چلا رہا تھا اور شہریوں کو غیر قانونی طور پر بیرون ملک بھجوانے کے نام پر لاکھوں روپے ہتھیانے میں ملوث پایا گیا۔
چھاپہ مار کارروائی میں ملزم کے قبضے سے تین پاسپورٹ اور دیگر اہم شواہد برآمد کر لیے گئے۔ گرفتار ملزمان کے خلاف تفتیش کا آغاز کر دیا گیا ہے جبکہ دیگر ملزمان کی گرفتاری کے لیے چھاپے مارے جا رہے ہیں۔
.ذریعہ: Express News
کلیدی لفظ: بیرون ملک
پڑھیں:
مناواں، دیرینہ دشمنی پر فائرنگ، ایک جاں بحق، تین راہ گیر زخمی
لاہور:لاہور کے علاقے مناواں اعوان ڈھائے والا میں دیرینہ دشمنی ایک بار پھر خون میں نہا گئی، جہاں دو فریقین کے درمیان فائرنگ کے نتیجے میں 28 سالہ نوجوان فیاض جاں بحق جبکہ تین راہ گیر زخمی ہو گئے۔
واقعہ کی اطلاع ملتے ہی ایس پی کینٹ قاضی علی رضا بھاری نفری کے ہمراہ موقع پر پہنچے اور علاقے کو گھیرے میں لے کر حالات کا جائزہ لیا۔
زخمی افراد کی شناخت لیاقت، وقاص اور ایک نامعلوم شخص کے طور پر ہوئی ہے، جنہیں فوری طبی امداد کے لیے قریبی اسپتال منتقل کر دیا گیا ہے، جہاں ان کا علاج جاری ہے۔
پولیس نے جاں بحق ہونے والے فیاض کی لاش کو تحویل میں لے کر پوسٹ مارٹم کے لیے ڈیڈ ہاؤس منتقل کر دیا ہے۔
ابتدائی تحقیقات کے مطابق واقعہ دیرینہ دشمنی کا شاخسانہ معلوم ہوتا ہے تاہم پولیس مختلف پہلوؤں سے تفتیش کر رہی ہے۔
ایس پی کینٹ قاضی علی رضا کا کہنا ہے کہ فائرنگ میں ملوث ملزمان کی گرفتاری کے لیے خصوصی ٹیمیں تشکیل دے دی گئی ہیں جو مختلف مقامات پر چھاپے مار رہی ہیں۔
انہوں نے یقین دلایا کہ ملزمان جلد قانون کی گرفت میں ہوں گے اور واقعہ میں ملوث عناصر کے خلاف سخت قانونی کارروائی عمل میں لائی جائے گی۔
سید محمد علی بن سید مرشد علی