شہود علوی کے گھر پھر سے شہنائیاں بجنے لگیں
اشاعت کی تاریخ: 30th, January 2025 GMT
پاکستانی اداکار شہود علوی کی بیٹی اریجہ علوی کی ڈھولکی کی تصاویر اور ویڈیوز سوشل میڈیا پر وائرل ہوگئیں۔
51 سالہ شہود علوی پاکستانی ٹی وی اداکار، ہدایت کار اور پروڈیوسر ہیں، سینئر اداکار 1994 سے پاکستانی ٹیلی ویژن ڈراموں میں کام کر رہے ہیں۔ انہوں نے ٹی وی انڈسٹری میں ساؤنڈ مکسر کے معاون کے طور پر کام کرنا شروع کیا تھا۔
ڈراما ‘بول میری مچھلی’ ، ‘ خوشی ایک روگ’ ، ‘ڈنگ’ ، ‘ مجھے پیار ہوا تھا’ اور ‘کیسی تیری خودغرضی’ میں بہترین اداکاری کے جوہر دکھانے والے شہود علوی کا شمار ان اداکاروں میں ہوتا ہے جو زیادہ توجہ اپنے کام پر مرکوز رکھتے ہیں اور سوشل میڈیا کی چکا چوند سے دور رہتے ہیں۔
شہود علوی نے بچپن کی محبت سائمہ سے شادی کی تھی جن سے انکی تین بیٹیاں عریبہ، اریجہ اور سجل پیدا ہوئیں۔
شہود علوی ان دونوں اپنی بیٹی اریجہ کی شادی کی تقریبات میں مصروف ہیں جس کی تصاویر اور ویڈیوز سوشل میڈیا پر زیرِ گردش ہیں۔
View this post on InstagramA post shared by Irfanistan ???? (@irfanistan)
وائرل تصاویر اریجہ علوی کی ڈھولکی کی ہیں جن میں وہ کریمی لانگ شرٹ کے ساتھ جامنی شرارہ پہنی نظر آرہی ہیں جبکہ انکے دلہا زرار سیاہ شلوار قمیص پہنے ہوئے ہیں۔
اس تقریب میں جہاں شہود علوی کے چہرے پر خوشی اور اطیمنان دیکھا جاسکتا ہے وہیں انکی خوشی میں شوبز انڈسٹری سے سائمہ قریشی اور عدنان شاہ ٹیپو بھی شامل نظر آئے۔
یاد رہے کہ اریج سے قبل 2022ء میں پاکستان شوبز انڈسٹری کی اُبھرتی ہوئی اداکارہ اور سینئر اداکار شہود علوی کی بیٹی اریبہ علوی کی شادی ہوئی تھی۔
شہود علوی پاکستانی ٹی وی اداکار، ہدایت کار اور پروڈیوسر ہیں، سینئر اداکار 1994 سے پاکستانی ٹیلی ویژن ڈراموں میں کام کر رہے ہیں۔
انہوں نے ٹی وی انڈسٹری میں ساؤنڈ مکسر کے معاون کے طور پر کام کرنا شروع کیا تھا۔
شہود علی کے مشہور ڈراموں میں ڈنک ، آزمائش، تیری بے رخی ، گھسی پٹی محبت، تم ہو وجہ، میرے خدایا و دیگر شامل ہیں۔
ایک انٹرویو میں اپنی شوبز میں انٹری سے متعلق شہود علوی کا کہنا تھا کہ شوبز کی دنیا میں قدم رکھنے کے دو طریقے ہیں یا تو آپ پروڈکشن ہاؤسز کے چکر لگاتے رہیں یا پھر آپ کی پرچی ہو۔
اداکار نے کہا کہ میں بھی شوبز میں پرچی کے ذریعے داخل ہوا تھا۔ میرے انکل پروڈیوسر اقبال انصاری مجھے اداکاری کے شعبے میں لائے۔ مجھے یہ تسلیم کرنے میں کوئی عار نہیں کہ شوبز میں میرا داخلہ پرچی کے ذریعے ہوا تھا۔ مجھے شوبز میں کام کرتے ہوئے 30 برس ہوگئے ہیں۔
شہود علوی کا مزید کہنا تھا کہ یہ بھی حقیقت ہے کہ پرچی آپ کو شوبز میں داخلہ تو دلوا سکتی ہے لیکن یہ آپ کا ٹیلنٹ اور لوگوں کی محبت ہوتی ہے جس کی وجہ سے آپ مسلسل اتنے برسوں تک کام کرنے اوراپنی جگہ برقرار قابل ہوتے ہو۔
.ذریعہ: Daily Mumtaz
کلیدی لفظ: پاکستانی ٹی شہود علوی علوی کی
پڑھیں:
ارطغرل غازی کے مرکزی کردار نے دورہ پاکستان میں پیش آنیوالے دلچسپ واقعات بتا دیے
پاکستان میں ترک ڈرامہ سیریز ارطغرل غازی سے مشہور ہونے والے اداکار آنگین آلتان نے اپنے دورہ پاکستان کو دلچسپ قرار دیا ہے۔آنگین آلتان دزیاتن ایک معروف ترک فلم اور ٹی وی اداکار ہیں جنہوں نے اپنی مشہور تاریخی سیریز اطغرل غازی کے باعث پاکستان میں نام کمایا جسے 2020 میں اردو ڈبنگ میں ریلیز کیا گیا تھا۔ترک اداکار کو پاکستان میں بہت پسند کیا گیا، یہی وجہ ہے کہ اپنے مداحوں کی محبت کی خاطر کورونا وبا کے دوران انہوں نے پاکستان کا دورہ بھی کیا تھا۔حالیہ انٹرویو میں آنگین آلتان نے پاکستان کے دورے کو یاد کرتے ہوئے دورہ پاکستان کو دلچسپ قرار دیا۔انہوں نے کراچی میں اپنے دورے کو یاد کرتے ہوئے بتایا کہ میرا پاکستان کا دورہ واقعی حیرت انگیز تھا، پاکستانی لوگ ارطغرل سیریز کو پسند کرتے ہیں، میں ایک بار کوویڈ کے دوران کراچی گیا تھا، دلچسپ بات یہ ہے کہ پاکستان میں کوئی بھی اس وائرس پر یقین نہیں کرتا تھا، وہ کہتے رہے کہ یہ جھوٹ ہے اور اس سے کوئی نہیں مرتا اور حیرت کی بات ہے کہ وہاں کوئی مر بھی نہیں رہا تھا۔اداکار نے ایک قصہ سناتے ہوئے کہا کہ میں ابھی پاکستان پہنچا تھا اور اپنے کمرے میں اپنا سامان کھول رہا تھا کہ اچانک 20کے قریب لوگ کمرے میں داخل ہوگئے، میں نے کہا یہ میرا کمرہ ہے لیکن انہوں نے جواب دیا کہ ہاں، آؤ ہم یہاں تصاویر کے لیے آئے ہیں۔ایک اور قصہ سناتے ہوئے انہوں نے کہا کہ میں کراچی کی ایک مشہور مسجد میں گیا اور امام سے ملاقات کر رہا تھا کہ اچانک مسجد لوگوں سے بھر گئی، تقریباً 4ہزار کے قریب لوگ امڈ آئے، وہاں کوئی سکیورٹی نہیں تھی اور ہجوم اتنا زیادہ ہو گیا کہ نیشنل گارڈز کو اندر آ کر مجھے بچانا پڑا، میں حیران تھا لیکن سچ پوچھیں تو یہ ایک حیرت انگیز تجربہ تھا۔
’من مست ملنگ‘ کے رومانوی مناظر پر ناظرین کی شدید تنقید، فوری پابندی کا مطالبہ