چیئرمین سینٹ یوسف رضا گیلانی کی آسٹریا کی فیڈرل کونسل کی صدر سے ملاقات، مختلف اُمور پر تبادلہ خیال
اشاعت کی تاریخ: 30th, January 2025 GMT
چیئرمین سینیٹ نے پائیدار ترقی کے لئے پاکستان کے عزم کو اجاگر کیا اور کہا کہ موسمیاتی تبدیلی، قابل تجدید توانائی جیسے شعبوں پر مشترکہ کوششوں کی ضرورت ہے، انہوں نے خصوصی سرمایہ کاری کی سہولت کونسل کے کردار کو بھی سرمایہ کاری کو فروغ دینے کے لئے ایک کلیدی اقدام کے طور پر اجاگر کیا۔ اسلام ٹائمز۔ چیئرمین سینیٹ سید یوسف رضا گیلانی نے آسٹریا کی فیڈرل کونسل کی صدر مس اینڈریا ایڈر گٹشتلر سے ملاقات کی، جس میں دونوں ممالک کے پارلیمانی تعلقات کو مستحکم کرنے سمیت اہم شعبوں میں تعاون کو فروغ دینے اور دوطرفہ تعلقات کو بڑھانے کے عزم کو دہرایا گیا۔ دونوں رہنماوں نے پاکستان آسٹریا کے تعلقات میں مستحکم پیشرفت کی تعریف کی اور پاکستان آسٹریا پارلیمانی دوستی گروپ کے ذریعہ بین الپارلیمانی تعاون کو بڑھانے پر بھی تبادلہ خیال کیا۔ چیئرمین سینیٹ نے پاکستان کے پارلیمانی بجٹ آفس کے قیام میں آسٹریا کی حمایت کو سراہا اور تکنیکی مدد اور علم کے تبادلے پر زور دیا۔ انہوں نے اعلی تعلیم میں آسٹریا کی شراکت پر بھی روشنی ڈالی، خاص طور پر ہری پور میں قائم پاکستان آسٹریا فاکھو چول انسٹی ٹیوٹ آف اپلائیڈ سائنسز اینڈ ٹکنالوجی کے ذریعہ تعلیمی اور تحقیقی تعاون کو بڑھانے کے مواقع پر تبادلہ خیال کیا۔ انھوں نے کہا کہ قابل تجدید توانائی، ترقی اور پن بجلی کے منصوبوں پر بھی زور دیا۔
چیئرمین سینیٹ نے پائیدار ترقی کے لئے پاکستان کے عزم کو اجاگر کیا اور کہا کہ موسمیاتی تبدیلی، قابل تجدید توانائی جیسے شعبوں پر مشترکہ کوششوں کی ضرورت ہے۔ انہوں نے خصوصی سرمایہ کاری کی سہولت کونسل کے کردار کو بھی سرمایہ کاری کو فروغ دینے کے لئے ایک کلیدی اقدام کے طور پر اجاگر کیا، پاکستان اور آسٹریا کے مابین معاشی تعاون کو فروغ دینے کے لیے مزید رابطہ کاری پر زور دیا، چیئرمین سینیٹ نے پاکستان کی جامع علاقائی ترقی کے عزم کا اعادہ کیا اور اس سلسلے میں آسٹریا کے تعاون کا خیرمقدم کیا۔ ثقافتی سطح اور عوامی رابطوں کو دوطرفہ تعلقات کو مستحکم کرنے کے اہم پہلووں کا ذکر کرتے ہوئے چیئرمین سینیٹ نے سیاحت، ثقافتی سفارت کاری، اور تعلیمی شراکت داری کے امکانات پر زور دیا۔
ملاقات میں چیئرمین سینیٹ نے اینڈریا ایڈر گٹشتلر کو پاکستان کا دورہ کرنے کی دعوت بھی دی اور کہا کہ پاکستان کی خواہش ہے کہ پارلیمانی تعاون کو مزید بہتر بنائیں اور آسٹریا کے ساتھ مضبوط شراکت کو فروغ دیں۔
ذریعہ: Islam Times
پڑھیں:
گورنر پنجاب کی کسانوں سے ملاقات، سیلاب سے متاثرہ فصلوں اور مالی مشکلات پر تبادلہ خیال
سٹی42: گورنر پنجاب سردار سلیم حیدر خان نے پنجاب کسان بورڈ کے دفتر کا دورہ کیا جہاں چیئرمین کسان بورڈ پنجاب میاں محمد اجمل نے ان کا پرتپاک استقبال کیا۔ گورنر پنجاب نے کسانوں کے وفد سے ملاقات کی اور ان کے مسائل پر بھی تفصیلی تبادلہ خیال کیا۔
اس موقع پر گورنر پنجاب نے کہا کہ پیپلز پارٹی کے دورِ حکومت میں کسانوں کو گندم کی پوری قیمت ادا کی گئی تھی۔ موجودہ سیلابی صورتحال نے کسانوں کی فصلوں کو شدید نقصان پہنچایا ہے، جس کے باعث وہ مالی مشکلات کا شکار ہیں، لہٰذا حکومت کو کسانوں کا ساتھ دینا چاہئے۔
لاہور :ڈمپر نے موٹر سائیکل کو کچل دیا، 3 افراد جاں بحق
سردار سلیم حیدر خان کا کہنا تھا کہ کسان اپنا خون پسینہ بہا کر ہمیں گندم مہیا کرتے ہیں، اس لیے اُن کی فلاح اولین ترجیح ہونی چاہئے۔ زراعت میں جدید مشینری کا استعمال وقت کی اہم ضرورت ہے، تاکہ پیداوار میں اضافہ اور نقصانات میں کمی لائی جا سکے۔
انہوں نے مزید کہا کہ حکومت کی اولین ترجیح ملک میں معاشی استحکام لانا ہے اور کسان اس ہدف کے حصول میں بنیادی کردار ادا کرتے ہیں۔
کسان وفد نے ملاقات میں مطالبہ کیا کہ حکومت گندم اور آٹے کی ترسیل پر پابندی ختم کرے تاکہ منڈیوں میں رسائی آسان ہو۔ کسانوں نے بتایا کہ سیلابی ریلوں میں ان کی جمع پونجی، مال مویشی اور گندم بہہ گئی ہے جبکہ دور دراز کے علاقوں کے کسان شہروں تک پہنچنے سے قاصر ہیں۔
موٹرسائیکل فلائی اوور سے نیچے گر گئی،سوارموقع پر جاں بحق
کسانوں نے حکومت سے مطالبہ کیا کہ انہیں گندم کی پوری قیمت ادا کی جائے تاکہ ان کی محنت ضائع نہ ہو۔
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام