شادی کی پیش کش پر ٹرول ہوا، اب راکھی ساونت کی شادی کسی اور سے کراؤں گا، دودی خان
اشاعت کی تاریخ: 31st, January 2025 GMT
پاکستانی اداکار و ماڈل دودی خان نے لوگوں کی تنقید کے بعد بھارتی ادکارہ راکھی ساونت سے شادی کا فیصلہ واپس لیتے ہوئے اداکارہ کی شادی کسی اور پاکستانی لڑکے سے کروانے کے عزم کا اظہار کردیا۔
دودی خان نے چند دن قبل انسٹاگرام پر مختصر ویڈیو پیغام جاری کرتے ہوئے راکھی ساونت کو شادی کی پیش کش کی تھی۔
انہوں نے راکھی ساونت کو عمرے کی ادائیگی کی مبارک باد پیش کرتے ہوئے ان سے اظہار محبت بھی کیا تھا۔
اب انہوں نے نئی ویڈیو جاری کرتے ہوئے انکشاف کیا ہے کہ انہیں راکھی ساونت کو شادی کی پیش کش کرنے پر شدید ٹرولنگ کا نشانہ بنایا گیا۔
دودی خان اور راکھی ساونت نے ایک ہی ویڈیو شیئر کی، جس میں پاکستانی ماڈل و اداکار خود پر کی جانے والی ٹرولنگ پر بات کرتے دکھائی دیے۔
دودی خان کا کہنا تھا کہ راکھی ساونت ان کی بہترین دوست ہیں اور ہمیشہ رہیں گی۔
اداکار نے کہا کہ راکھی ساونت نے اپنے والدین کھوئے، جس شخص سے شادی کی اس نے انہیں دھوکا دیا، اداکارہ نے بہت سارے دکھ دیکھے، اس لیے انہیں اداکارہ سے ہمدردی بھی رہی ہے۔
دودی خان کے مطابق راکھی ساونت مشکلات کے بعد دائرہ اسلام میں داخل ہوئیں، اپنا نام فاطمہ رکھا اور عمرے کی سعادت بھی حاصل کی۔
پاکستانی اداکار و مادل کا کہنا تھا کہ انہوں نے راکھی ساونت کو شادی کی پیش کش کی، جو بہت سارے لوگوں کو پسند نہیں آئی اور انہیں شدید ٹرولنگ کا نشانہ بنایا گیا۔
دودی خان نے کہا کہ راکھی ساونت ان کی دلہن تو نہ بن سکیں لیکن وہ اداکارہ سے وعدہ کرتے ہیں کہ وہ ان کی شادی پاکستانی لڑکے سے کرا کر رہیں گے۔
اداکار کا کہنا تھا کہ وہ راکھی ساونت کی اپنے ہی کسی دوست اور بھائی سے شادی کروائیں گے اور وہ وعدہ کرتے ہیں کہ بھارتی اداکارہ کو پاکستان کی بہو بنائیں گے۔
خیال رہے کہ راکھی ساونت نے بھی دودی خان کی پیش کش کو قبول کیا تھا لیکن اب پاکستانی اداکار کے مکر جانے کے بیان پر اداکارہ نے تاحال کوئی رد عمل نہیں دیا۔
راکھی ساونت اس سے قبل کسی بھی پاکستانی لڑکے سے شادی کی خواہش کا اظہار کر چکی ہیں۔
View this post on InstagramA post shared by Dodi Khan (@dodi_khan)
.ذریعہ: Daily Mumtaz
کلیدی لفظ: شادی کی پیش کش
پڑھیں:
برطانوی اداکار نے جذباتی انداز میں فلسطین کیلئے نظم پڑھی، تقریب کے شرکا رو پڑے
لندن کے ویمبلے ایرینا میں منعقدہ ایک بڑے فنڈریزنگ کنسرٹ ’’ٹوگیدر فار فلسطین‘‘ کے دوران برطانوی اداکار بینڈکٹ کمبربیچ نے معروف فلسطینی شاعر محمود درویش کی نظم پڑھی۔
برطانوی خبر رساں ادارے کے مطابق اس کنسرٹ میں شہریوں نے دل کھول کر عطیات دیئے اور 2 ملین ڈالر اکٹھے ہوئے جو فلسطینی امدادی اور فلاحی تنظیموں کو دی جائیں گی۔
تقریب میں اداکار بینڈکٹ کمبربیچ نے جذباتی انداز میں فلسطینی شاعر محمود درویش کی نظم On This Land There Are Reasons to Live کے اشعار پڑھ کر حاضرین کو اشکبار کردیا۔
جس کے بول یہ تھے کہ اس سرزمین پر جینے کی وجوہات ہیں، یہ زمین، زمینوں کی سردار، یہ فلسطین کہلائی اور ہمیشہ فلسطین کہلائے گی، میری زمین، میری محبوبہ، تو جینے کی وجہ ہے۔
فنڈریزنگ کنسرٹ میں 69 فنکاروں، مقررین اور کارکنان نے حصہ لیا، جس کا مقصد فلسطینی سول سوسائٹی کی حمایت اور غزہ میں جاری نسل کشی کے خلاف عالمی یکجہتی کا اظہار تھا۔
تقریب کی تشہیر میں رِض احمد، بلی آئلش، کلین مرفی اور جاویئر بارڈم سمیت کئی عالمی ستاروں نے حصہ لیا، اسٹیج پر عالمی شہرت یافتہ گلوکاروں نے رنگ جمایا، فلسطینی فنکار سما عبد الہادی، سینٹ لیوانٹ اور ایلیانا کی پرفارمنسز نے بھی سامعین کے دل جیت لیے۔
اداکار فلورنس پیو، نکولا کاگلن اور بینیڈکٹ کمبر بیچ سمیت برطانوی صحافی مہدی حسن، فٹبالر ایرک کانٹونا اور اقوامِ متحدہ کی خصوصی ایلچی فرانچیسکا البانیز نے خطاب کیا۔
مقررین نے فلسطینی عوام کی تکالیف پر خاموش رہنے والی عالمی شخصیات کو سخت تنقید کا نشانہ بنایا، جبکہ بلی آئلش، سیلین مرفی اور واخین فینکس جیسے ایوارڈ یافتہ سیلیبریٹیز نے ویڈیو پیغام میں جنگ بندی کا مطالبہ کیا۔
View this post on InstagramA post shared by Sunshine ✨ (@_souls_forever)
اسرائیل نے حماس کے کن رہنماؤں کو نشانہ بنایا؟ کون شہید ہوا اور کون زندہ بچ نکلا؟