سلمان خان کی منہ بولی بہن حادثے میں بری طرح زخمی، اسپتال سے دکھ بھرا پیغام جاری
اشاعت کی تاریخ: 31st, January 2025 GMT
بالی ووڈ کے معروف اداکار سلمان خان کی منہ بولی بہن شویتا روہیرا کو سڑک حادثہ پیش آیا جس کے بعد وہ بری طرح زخمی ہو کر اسپتال پہنچ گئیں، جہاں سے اداکارہ نے اسپتال کے بستر سے اپنی تصاویر شیئر کیں جس میں وہ متعدد پٹیوں، ایک زخمی ہونٹ اور کئی فریکچر کے ساتھ بستر پر لیٹی ہوئی نظر آرہی ہیں۔
جمعہ کو انہوں نے اس سنگین حادثے کو بیان کرتے ہوئے ایک طویل نوٹ لکھا ہے، جس میں شاہ رخ خان کے گانے اور ان کی بعض فلموں کے ڈائیلاگ بھی شامل ہیں۔
View this post on Instagram
A post shared by Shweta Rohira (@shwetarohira)
شویتا انسٹاگرام پیج پرلکھتی ہیں کہ اس طرح کے تکلیف دہ واقعے کے بعد میں نے ہمت نہیں ہاری، میرے مداح پرامید رہیں کہ میں ایک نئے جذبے کے ساتھ واپس آؤں گی۔
شویتا نے اپنے نوٹ کی شروعات ان الفاظ کے ساتھ کی ’زندگی حیرتوں سے بھری ہوئی ہے، ہے نا؟ ایک لمحے کو آپ ’کل ہو نہ ہو‘ گنگنا رہے ہوتے ہیں اور اپنے دن کو گزارنے کی منصوبہ بندی کر رہے ہوتے ہیں۔
وہ لکھتی ہیں کہ دوسرے ہی لمحے ایک موٹرسائیکل آپ کی طرف آجاتی ہے، جس کے بعد میں نے خود کو چلنے کے بجائے اُڑتے ہوئے پایا، اس میں میری کوئی غلطی بھی نہیں تھی۔
شویتا نے لکھا کہ ’ٹوٹی ہوئی ہڈیاں، چوٹیں اور بستر پر لامتناہی گھنٹے، یہ میرے کام کی فہرست میں شامل نہیں تھے۔ لیکن شاید کائنات نے سوچا کہ مجھے صبر کا سبق سیکھنے کی ضرورت ہے یا صرف یہ چاہتا تھا کہ میں اپنے منی سوپ اوپیرا میں اداکاری کروں، جو اسپتال کے ڈرامے کے ساتھ مکمل ہو۔ سچ تو یہ ہے کہ بعض اوقات زندگی ہمیں مضبوط بنانے کے لیے توڑ دیتی ہے
شویتا روہیرا کو سلمان خان کی منہ بولی یا راکھی بہن کے طور پر جانا جاتا ہے۔ اس سے پہلے انہوں نے اداکار پلکت سمراٹ سے شادی کی تھی۔
شویتا اور پلکت کی شادی 2014میں ہوئی تھی اور ایک سال کے بعد ان کے درمیان علیحدگی ہو گئی تھی۔ پلکت سمراٹ نے گزشتہ سال اداکارہ کریتی کھربندا سے ایک شادی کر لی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی اداکار بہن حادثہ روہیرا زخمی زخمی ہونٹ سلمان خان سمراٹ شادی شویتا فریکچر منہ بولی.ذریعہ: WE News
کلیدی لفظ: بھارتی اداکار روہیرا زخمی ہونٹ سمراٹ شویتا فریکچر منہ بولی منہ بولی کے ساتھ کے بعد
پڑھیں:
برازیل میں طیارہ گر کر تباہ‘ 3افراد ہلاک
data-id="863a0a8" data-element_type="widget" data-widget_type="theme-post-content.default">
برازیلیا(انٹرنیشنل ڈیسک) برازیل کے ساحلی شہر کورورائپے میں چھوٹا طیارہ گنے کے کھیت میں گر کر تباہ ہوگیا۔ خبر رساں ادارے کی رپورٹ کے مطابق طیارہ حادثے میں پائلٹ، 46 سالہ آسٹریلوی بزنس مین اور رجسٹرڈ پائلٹ ٹموتھی جیمز کلارک جان کی بازی ہار گئے۔ ذرائع ابلاغ کے مطابق حکام نے حادثے کے بعد جب ملبے کا معائنہ کیا تو اس میں سے بھاری مقدار میں کوکین برآمد ہوئی جو پلاسٹک کی اینٹوں کی شکل میں لپٹی ہوئی تھی اور ان پر امریکی ارب پتی ایلون مسک کی کمپنی اسپیس ایکس کا لوگو لگا ہوا تھا۔ حادثے میں تباہ ہونے والا طیارہ زمبیا میں رجسٹرڈ تھا، تاہم اس کے ذریعے برازیل میں تقریباً 2 لاکھ 50 ہزار ڈالر مالیت کی منشیات اسمگل کرنے کی کوشش کی جارہی تھی۔
پاکستان اور ہانگ کانگ کے درمیان قانونی تعاون کے فروغ کیلیے معاہدہ طے