شرح سود میں کمی سے پرانی گاڑیوں کی قیمتوں میں کتنا فرق پڑا؟
اشاعت کی تاریخ: 1st, February 2025 GMT
ملکی معاشی حالات کے باعث گزشتہ چند سالوں سے دیگر اشیا کی طرح گاڑیوں کی قیمتوں میں بھی ہوشربا اضافہ ہوا۔ شرح سود 22 فیصد تک پہنچ جانے سے بینک سے لیز ہونے والی گاڑیوں کی قیمتوں میں بے تحاشا اضافہ ہوگیا تھا تاہم گزشتہ ایک سال سے شرح سود میں بڑی کمی ہوئی ہے اور 22 فیصد سے 12 فیصد پر آگئی ہے، جس کے بعد بینک سے لیز ہونے والی گاڑیوں کی قیمت میں معمولی کمی واقع ہوئی ہے۔
’وی نیوز‘ نے گاڑیوں کا کاروبار کرنے والے ڈیلرز سے گفتگو کی اور ان سے یہ جاننے کی کوشش کی کہ شرح سود کم ہونے سے کیا پرانی گاڑیوں کی قیمتوں پر بھی فرق پڑا ہے، اور اب گاڑیوں کی مارکیٹ کی کیا پوزیشن ہے؟
یہ بھی پڑھیں شرح سود میں کمی، گاڑیوں کی قیمتیں کب اور کتنی کم ہوں گی؟
’شرح سود میں کمی کا فی الحال مارکیٹ پر کوئی اثر نہیں پڑا‘اسلام آباد کے بلیو ایریا میں گاڑیوں کے شوروم کے مالک محمد رضوان نے ’وی نیوز‘ سے گفتگو کرتے ہوئے کہاکہ مہنگائی اور گاڑیوں کی قیمتوں میں بے تحاشا اضافے سے ہمارا کام بالکل ہی ختم ہونے کی قریب ہے، مارکیٹ بہت سلو ہے اور گاڑیوں کی خرید و فروخت بالکل نہ ہونے کے برابر ہے۔
انہوں نے کہاکہ حکومت نے شرح سود میں کمی کا اعلان تو کیا ہے لیکن اس سے فی الحال مارکیٹ پر کوئی اثر نہیں پڑا، ہو سکتا ہے کہ آئندہ آنے والے دنوں میں قیمتوں میں کمی ہو جائے۔
’شرح سود میں کمی سے گاڑیوں کی قیمتیں کم نہیں ہوں گی‘اسلام آباد کے سیکٹر آئی ایٹ مرکز میں گاڑیوں کی خرید و فروخت کرنے والے محمد ریان نے ’وی نیوز‘ سے گفتگو کرتے ہوئے کہاکہ شرح سود کے کم ہونے سے گاڑیوں کی مارکیٹ میں کوئی فرق نہیں پڑےگا۔
انہوں نے کہاکہ اس سے ایک فرق ضرور پڑے گا کہ پہلے جو گاڑی 5 سے 6 ماہ میں فروخت ہوتی تھی اب وہ گاڑی شاید ایک ماہ میں فروخت ہو جائے کیونکہ لوگوں نے بینکوں سے پیسا نکال کر مارکیٹ میں انویسٹمنٹ کرنا شروع کردی ہے۔
یہ بھی پڑھیں سوزوکی کمپنی نے گاڑیوں کی قیمتیں 2 لاکھ روپے تک بڑھا دیں
انہوں نے کہا کہ پیسا مارکیٹ میں آنے سے کاروبار چلے گا اور خرید و فروخت زیادہ ہوگی لیکن گاڑیوں میں کی قیمتوں میں کمی کا امکان نظر نہیں آرہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیسا حکومت پاکستان خرید و فروخت سرمایہ کار شرح سود گاڑیوں کا کاروبار گاڑیوں کی قیمتیں مارکیٹ وی نیوز.ذریعہ: WE News
کلیدی لفظ: پیسا حکومت پاکستان سرمایہ کار گاڑیوں کا کاروبار گاڑیوں کی قیمتیں مارکیٹ وی نیوز گاڑیوں کی قیمتوں میں گاڑیوں کی قیمتیں
پڑھیں:
سولر پینل درآمد پر ڈیوٹی میں بڑی کمی ،قیمتوں میں زبردست کمی کا امکان
اسلام آباد (نیوز ڈیسک) پاکستان میں گرین انرجی کے شعبے کے لیے بڑی خوشخبری آ گئی، کیونکہ حکومت نے سولر پینل کی درآمد پر کسٹم ویلیو میں نمایاں کمی کر دی ہے۔ اب سولر پینلز کی قیمت فی واٹ صرف 0.08 امریکی ڈالر مقرر کر دی گئی ہے، جس سے مارکیٹ میں سولر پینلز کی قیمتوں میں زبردست کمی آنے کا امکان ہے۔ڈائریکٹوریٹ جنرل کسٹمز ویلیو ایشن نے نیا ویلیوایشن رولنگ نمبر 2012/2025 جاری کیا ہے، جس کے تحت سولر پینلز کی درآمدی ویلیو پرانی غیر حقیقی قیمتوں سے کم کر دی گئی ہے۔ یہ اقدام نہ صرف درآمدکنندگان کے لیے ایک ریلیف ہے بلکہ انسٹالیشن کمپنیوں اور عام صارفین کے لیے بھی امید کی کرن ہے۔یہ فیصلہ پاکستان سولر ایسوسی ایشن (PSA) اور دیگر اسٹیک ہولڈرز کے دباؤ کے بعد سامنے آیا، جنہوں نے مسلسل خبردار کیا تھا کہ پرانی ویلیوایشن سے انڈسٹری تباہی کے دہانے پر پہنچ چکی ہے۔ بینک کم قیمت انوائسز پر کارروائی سے انکار کر رہے تھے جبکہ کسٹمز پرانی قیمتوں پر ڈٹے ہوئے تھے۔عالمی سطح پر سولر پینلز کی قیمتیں کم ہونے کے بعد ماہرین نے فوری ریویو کا مطالبہ کیا تھا۔ دلچسپ بات یہ ہے کہ کئی بڑے درآمدکنندگان چین میں دو ماہ کے سولر میگا ایکسپو میں شرکت کی وجہ سے ملاقاتوں میں شریک نہیں ہو سکے، جبکہ ڈائریکٹوریٹ میں اچانک عملے کی تبدیلی کی وجہ سے عمل بھی تاخیر کا شکار ہوا۔کسٹمز حکام نے کسٹمز ایکٹ 1969 کے سیکشن 25 کے تحت مختلف طریقہ کار سے ویلیو طے کرنے کی کوشش کی۔ “ٹریڈ ویلیو میتھڈ” مکمل دستاویزات کی عدم موجودگی کی وجہ سے مسترد کر دیا گیا، جبکہ “آئیڈینٹیکل گوڈز” کا ڈیٹا بھی ناکافی ثابت ہوا۔بالآخر، “سمیلر گوڈز میتھڈ” استعمال کرتے ہوئے گزشتہ 90 دنوں کے کلیئرنس ریکارڈز کا جائزہ لیا گیا، جس کی بنیاد پر فیصلہ کیا گیا کہ قیمتوں میں واضح کمی آئی ہے، لہٰذا ویلیوایشن میں بھی کمی ضروری ہے۔یہ فیصلہ پاکستان کے کلین انرجی سیکٹر کے لیے گیم چینجر ثابت ہو سکتا ہے اور مستقبل قریب میں سولر پینلز کی قیمتوں میں نمایاں کمی متوقع ہے، جس سے صارفین کو براہ راست فائدہ ہوگا۔
Post Views: 5
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر