حضرت امام حسین علیہ السلام کا یوم ولادت مذہبی جوش و جذبے سے منایا گیا
اشاعت کی تاریخ: 2nd, February 2025 GMT
جامع مسجد علی حوزہ علمیہ جامعة المنتظر میں ولادت با سعادت کی تقریب سے خطاب کرتے ہوئے مولانا محمد باقر گھلو نے کہا کہ امام حسین علیہ السلام کی سیرت طیبہ امت محمدیہ کیلئے محبت اور وحدت کا پیغام ہے، شہید کربلا محسن انسانیت اور محافظ دین اسلام بھی ہیں۔ انہوں نے کہا امام حسین علیہ السلام کی قربانی کی وجہ سے آج ہمیں قرآن اور اذان ملی ہے اور ہم اللہ کے حضور سجدہ ریز ہیں، تو یہ سب کربلا میں امام حسین علیہ السلام کی عظیم قربانی کا نتیجہ ہے۔ اسلام ٹائمز۔ نواسہ رسول، جگر گوشہ علیؑ و بتولؑ تیسرے تاجدار امامت حضرت امام حسین علیہ السلام کا یوم ولادت مذہبی جوش و جذبے سے منایا گیا۔ مساجد، مدارس، امام بارگاہوں اور گھروں میں میلاد مسعود کی تقریبات کا اہتمام کیا گیا، چراغاں کیا گیا اور اہل ایمان محبان اہلبیت و عاشقان مصطفی نے ایک دوسرے کو ولادت محسن انسانیت پر مبارکبادیں بھی پیش کیں۔ وفاق المدارس الشیعہ پاکستان کے اعلان کے مطابق مدارس دینیہ میں عام تعطیل کی گئی۔ جامع علی مسجد حوزہ علمیہ جامعة المنتظر لاہور کو ولادت با سعادت حضرت امام حسین علیہ السلام کے سلسلے میں سجایا گیا۔ جامع مسجد علی حوزہ علمیہ جامعة المنتظر میں ولادت با سعادت کی تقریب سے خطاب کرتے ہوئے مولانا محمد باقر گھلو نے کہا کہ امام حسین علیہ السلام کی سیرت طیبہ امت محمدیہ کیلئے محبت اور وحدت کا پیغام ہے، شہید کربلا محسن انسانیت اور محافظ دین اسلام بھی ہیں۔
انہوں نے کہا امام حسین علیہ السلام کی قربانی کی وجہ سے آج ہمیں قرآن اور اذان ملی ہے اور ہم اللہ کے حضور سجدہ ریز ہیں، تو یہ سب کربلا میں امام حسین علیہ السلام کی عظیم قربانی کا نتیجہ ہے۔ انہوں نے کہا کہ 3 شعبان مدینہ منورہ میں جنت کے سردار کی آمد ہے، جنہوں نے امت کی شفاعت کرنی ہے۔ مولانا باقر گھلو نے کہا دنیا کا دستور ہے کہ اولاد، باپ اور دادا پر ناز کرتی ہے، جبکہ حسین وہ شخصیت ہیں کہ جن پر خود سرور کائنات حضرت محمد مصطفی صلی اللہ علیہ وآلہ وسلم ناز کرتے ہیں۔ سردار الانبیاء کی زبان مبارک سے حدیث ہے کہ حسینؑ ہدایت کا چراغ اور کشتی نجات ہیں، گویا رسول(ص) فرما رہے ہیں کہ میرے حسینؑ سے متمسک ہو جاؤ تمہیں ہدایت اور نجات مل جائے گی۔ علمدار کربلا حضرت عباس علیہ السلام کا یوم ولادت 4 شعبان کو منایا جائیگا۔
ذریعہ: Islam Times
کلیدی لفظ: امام حسین علیہ السلام کی نے کہا
پڑھیں:
وزارتِ مذہبی امور نے عراق میں مقدس مقامات کی زیارات کے لیے نئی ہدایات جاری کردیں
عراق کے حکام نے مقدس مقامات کی زیارات کے خواہش مند زائرین کے لیے نئی ہدایات جاری کی ہیں جن کے تحت اکیلے سفر کرنے والے مردوں کے لیے عمر کی حد مقرر کر دی گئی ہے۔
ترجمان وزارتِ مذہبی امور کے مطابق عراقی حکومت نے واضح کیا ہے کہ 50 سال سے کم عمر کے مردوں کو انفرادی طور پر زیارت ویزہ جاری نہیں کیا جائے گا۔ تاہم اگر وہ اپنے اہل خانہ کے ہمراہ درخواست دیں گے تو انہیں زیارت ویزہ فراہم کیا جائے گا۔
مزید پڑھیں: وزارت مذہبی امور نے مصدقہ عمرہ کمپنیوں کی فہرست جاری کر دی
وزارت مذہبی امور نے کہا ہے کہ نئی پالیسی کا مقصد زائرین کے سفر کو محفوظ اور منظم بنانا ہے، اور پاکستان سمیت دیگر ممالک کو ان ہدایات سے آگاہ کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زیارات عراق مقدس مقامات وزارت مذہبی امور
دریائے چناب میں ملتان کے مقام پر سیلابی صورتحال برقرار، شہرکو بچانے کیلئے شیرشاہ بند کو توڑنے کا فیصلہ