کراچی میں ٹرک نے ایک اور نوجوان کی جان لے لی، دوسرے کی حالت نازک
اشاعت کی تاریخ: 3rd, February 2025 GMT
کراچی:
شہر قائد میں ٹرک نے ایک اور نوجوان کی جان لے، حادثے میں 2 نوجوان زخمی بھی ہوئے جن میں سے ایک کی حالت نازک ہے۔
نیشنل ہائی وے بھینس کالونی موڑ پر ٹرک نے موٹرسائیکل سوار 3افراد کو روند ڈالا ، جن میں سے ایک نوجوان جاں بحق اور 2زخمی ہوگئے ، جن میں سے ایک کی حالت تشویشناک بتائی جاتی ہے۔
پولیس کے مطابق شاہ لطیف کے علاقے نیشنل ہائی وے بھینس کالونی موڑ بچہ جیل کے قریب جلانے والی لکڑی سے لدے ہوئے ٹرک نمبر JU-1504 کی ٹکر سے موٹرسائیکل سوار ایک شخص جاں بحق اور ایک شخص شدید اور ایک معمولی زخمی ہوگیا ۔
متوفی کی لاش اور زخمیوں کو جناح اسپتال منتقل کیا گیا ، جہاں جاں بحق ہونے والے نوجوان کی شناخت 24 سالہ ظہیر کے نام سے کی گئی جب کہ شدید زخمی کی شناخت سلمان اور دوسرے کی راحیل کے نام سے کی گئی ۔
پولیس مطابق حادثے کا ذمے دار ٹرک ڈرائیور موقع سے فرار ہونے میں کامیاب ہوگیا ، پولیس نے ٹرک کو قبضے میں لے لیا ۔
.ذریعہ: Express News
پڑھیں:
گھوٹکی: کچے میں پولیس کا آپریشن، نوجوان بازیاب، ایس ایس پی
گھوٹکی میں کچے کے علاقے میں پولیس نے آپریشن کرتے ہوئے مغوی نوجوان کو بازیاب کروالیا۔
ایس ایس پی گھوٹکی کا کہنا ہے کہ اغواکار مغوی کو چھوڑ کر فرار ہوگئے جبکہ 3 مشتبہ افراد کو گرفتار کرلیا گیا ہے۔
ایس ایس پی گھوٹکی کا کہنا ہے کہ نوجوان کو رہڑکی سے دو ہفتے قبل اغوا کیا گیا تھا۔
نیو گوادر انٹرنیشنل ایئرپورٹ کی بین الاقوامی سطح پر مارکیٹنگ کرنے کا فیصلہ