جس دن عمران خان جیل سے باہر آئے گا، ان کی چھٹی ہو جائے گی، سینیٹر ہمایوں مہمند
اشاعت کی تاریخ: 4th, February 2025 GMT
اسلام آباد:پاکستان تحریک انصاف کے رہنما سینیٹر ڈاکٹر ہمایوں مہمند نے کہا ہے کہ جس دن عمران خان جیل سے باہر آئے گا، ان کی چھٹی ہوجائے گی، بانی پی ٹی آئی عمران خان کے آرمی چیف کو لکھے گئے اوپن خط کی شقوں کی تفصیلات میڈیا میں آچکی ہیں، خط کسی کو ملا ہے یا نہیں ملا؟ یہ الگ بات ہے، احتجاج کی کال دینا سیاسی جماعت کا حق ہوتا ہے۔
نجی ٹی وی پروگرام میں اظہار خیال کرتے ہوئے سینیٹر ڈاکٹر ہمایوں مہمند نے کہا کہ عمران خان نے خط میں چیزوں کی نشاندہی کی ہے، انہوں نے ملک کے عام انتخابات کا ذکر کیا ہے، ملک میں جب الیکشن ہوتے ہیں، ان میں دھاندلی ہوتی ہے۔
انہوں نے کہا کہ ملک میں صرف 71 کے الیکشن شفاف تھے، ان کے نتائج ان کی توقعات کے برعکس تھے، مجیب الرحمان کی مقبولیت عروج پر تھی، عمران خان کا اوپن لیٹر پاکستان کی صورتحال کی عکاسی کر رہا ہے، اس میں آپ پی ٹی آئی کو نکال دیں، بانی نے ایک اسٹیس مین کے طور پر خط لکھا۔
ان کا کہنا تھا کہ احتجاج کی کال دینا کسی بھی سیاسی جماعت کا حق ہوتا ہے، ہماری پارٹی میں ایک خاندان کی اجارہ داری نہیں ہے، ہم کسی کو بھی کسی عہدے پر لا سکتے ہیں، پارٹی کا عہدہ اور حکومتی عہدہ ایک بھاری ذمہ داری ہوتی ہے۔
پی ٹی آئی رہنما نے کہا کہ جب کوئی کمپرومائزڈ ہوتا ہے تو اس نے ڈیل کرنا ہی ہوتی ہے، اس کو ملک سے جانا ہی ہوتا ہے، بات 50 روپے کے اسٹام پیپرکی نہیں ، بات عزت کی ہے، یہاں پر لوگ لکھ کر بھول جاتے ہیں۔
ڈاکٹر ہمایوں مہمند نے کہا کہ ہم اپنی زبان سے نہیں مکرتے، لوگ لکھ کر مکر جاتے ہیں، ہم نے حکومت سے صرف کمیشن بنانے کا مطالبہ کیا تھا، وہ آج کمیشن بنائیں تو ہم ٹی آر اوز بنانا شروع کر دیں گے۔
انہوں نے کہا کہ ان کو معلوم ہے کہ جس دن عمران خان جیل سے باہر آئے گا، ان کی چھٹی ہوجائے گی، یہ کیوں ان کو باہر آنے دیں گے؟ تین بار ایک شخص کو کیوں حکومت سے نکالا گیا، ہیٹرک کس نے کی؟ آج بھی کسی نے نہیں بتایا کی پیسہ کیسے باہر گیا؟
ذریعہ: Daily Mumtaz
کلیدی لفظ: ہمایوں مہمند نے کہا کہ سے باہر ہوتا ہے باہر ا
پڑھیں:
سینیٹ اجلاس منگل کی شام 6 بجے ہوگا، 8 نکاتی ایجنڈا جاری
سینیٹ کا اہم ترین اجلاس کل شام 6 بجے ہو گا، اجلاس کا آغاز تلاوتِ قرآن پاک سے ہوگا، سینیٹر فیصل سلیم رحمان 3 ترامیمی بلز پر رپورٹ پیش کریں گے، سوسائٹیز رجسٹریشن ایکٹ 1860ء میں ترمیم پر رپورٹ بھی ایوان میں پیش ہوگی۔ اسلام ٹائمز۔ سینیٹ اجلاس کا 8 نکاتی ایجنڈا جاری کردیا گیا۔ سینیٹ کا اہم ترین اجلاس کل شام 6 بجے ہو گا، اجلاس کا آغاز تلاوتِ قرآن پاک سے ہوگا، سینیٹر فیصل سلیم رحمان 3 ترامیمی بلز پر رپورٹ پیش کریں گے، سوسائٹیز رجسٹریشن ایکٹ 1860ء میں ترمیم پر رپورٹ بھی ایوان میں پیش ہوگی۔نارکوٹک سبسٹینسز ایکٹ 1997ء میں ترمیم، قیمتوں پر کنٹرول اور ذخیرہ اندوزی کے قانون میں ترمیم پر رپورٹس بھی ایوان میں پیش ہوگی، سینیٹر سلیم مانڈوی والا انکم ٹیکس ترمیمی بل 2025ء پر کمیٹی رپورٹ دیں گے۔ علاوہ ازیں انکم ٹیکس ترمیمی بل 2025ء پر منظوری کی قرارداد پیش ہوگی، وزیر خزانہ محمد اورنگزیب مالیاتی بل 2025ء پیش کریں گے جبکہ سینیٹ مالیاتی بل پر سفارشات قومی اسمبلی کو بھیجے گا۔
بنارس کی تاریخی اور مسلم اکثریتی بازار کے انہدام پر کورٹ سے راحت