ملک بھر میں یوم یکجہتی کشمیر بھرپور جوش و جذبے کے ساتھ منایا جارہا ہے
اشاعت کی تاریخ: 5th, February 2025 GMT
ملک بھر میں آج یوم یکجہتی کشمیر بھرپور جوش وجذبے کے ساتھ منایا جارہا ہے۔
اس حوالے سے صبح 10 بجے ایک منٹ کی خاموشی اختیار کرکے مظلوم کشمیریوں سے اظہار یکجہتی کا کیا جائے گا اور وفاقی دارالحکومت اسلام آباد میں ریلی کا انعقاد کیا جائے گا جس میں تمام شعبہ زندگی سے تعلق رکھنے والے افراد شرکت کریں گے۔ اس ریلی کی قیادت وفاقی وزرا کریں گے۔
یہ بھی پڑھیں: یوم یکجہتی کشمیر، آزاد کشمیر کے عوام کا کشمیریوں کی غیرمتزلزل حمایت کا اعادہ
وزارت امور کشمیروگلگت بلتستان کی جانب سے جاری اعلامیہ میں کہا گیا ہے کہ مظفرآباد میں یوم یکجہتی کشمیر ریلی کی قیادت صدر آزاد کشمیر کریں گے جس میں ہرشعبہ زندگی سے تعلق رکھنے والے افراد شرکت کریں گے جبکہ گلگت بلتستان میں گورنر اوروزیر اعلیٰ گلگت بلتستان یوم یکجہتی کشمیر ریلی کی قیادت کریں گے۔
اعلامیہ کے مطابق پنجاب کے صوبائی دارالحکومت لاہور میں وزیراعلیٰ پنجاب اورگورنرپنجاب یوم یکجہتی کشمیر ریلی کی قیادت کریں گے۔ اسی طرح سندھ کے صوبائی دارالحکومت کراچی میں وزیراعلیٰ سندھ اور گورنر سندھ یوم یکجہتی کشمیر ریلی کی قیادت کریں گے۔
یہ بھی پڑھیں: یوم یکجہتی کشمیر: آئی ایس پی آر کا نیا نغمہ ’کشمیر بنے گا پاکستان‘ جاری
بلوچستان کے صوبائی دارالحکومت کوئٹہ میں گورنر اوروزیراعلیٰ یوم یکجہتی کشمیر ریلی کی قیادت کریں گے۔ خیبرپختونخوا کے صوبائی دارالحکومت پشاور میں گورنراور وزیر اعلیٰ یوم یکجہتی کشمیر ریلی کی قیادت کریں گے۔
اعلامیہ کے مطابق یوم یکجہتی کشمیر کے حوالے سے کوہالہ پل کے مقام پرآزاد جموں و کشمیر اور گلگت بلتستان حکومتوں کے اراکین انسانی ہاتھوں کی زنجیر بنائیں گے۔ وفاقی دارالحکومت اسلام آباد، راولپنڈی سمیت صوبائی دارالحکومتوں میں ائیرپورٹس، ریلوے اسٹیشنز اور تمام بڑی شاہراہوں پر یوم یکجہتی کشمیر کے حوالے سے تصاویر، پوسٹرز اوربل بوڈز آویزاں کیے گئے ہیں۔
اعلامیہ کے مطابق یوم یکجہتی کشمیر کے موقع پر وطن عزیز کے تمام تعلیمی اداروں میں کشمیری بھائیوں سے اظہار یکجہتی کے لیے مضمون نویسی اور تقاریری مقابلوں کا بھی انعقاد کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 فروری wenews اسلام اباد پشاور ریلی کراچی کوئٹہ لاہور وزیراعلی یوم یکجہتی کشمیر.ذریعہ: WE News
کلیدی لفظ: اسلام اباد پشاور ریلی کراچی کوئٹہ لاہور وزیراعلی یوم یکجہتی کشمیر کے صوبائی دارالحکومت کشمیر کے
پڑھیں:
عوامی حقوق کی تحریک خالصتاً ایک عوامی اور پرامن جدوجہد ہے، ذیشان حیدر
اسلام آباد میں منعقدہ آل پارٹیز کانفرنس کے بعد اپنا ردعمل دیتے ہوئے ذیشان حیدر نے کہا کہ تحریک انصاف 29 ستمبر کو عوام کے ساتھ مل کر بھرپور احتجاج کرے گی تاکہ دنیا کو دکھایا جا سکے کہ یہ تحریک صرف اور صرف عوامی حقوق، سستے آٹے، بجلی اور شفاف حکمرانی کے لیے ہے۔ اسلام ٹائمز۔ پاکستان تحریک انصاف آزاد کشمیر نے واضح کیا ہے کہ عوامی حقوق کی تحریک خالصتاً ایک عوامی اور پرامن جدوجہد ہے، جسے کرپٹ سیاسی مافیا اپنی بقا اور مراعات بچانے کے لیے سازشوں اور پروپیگنڈا کے ذریعے بدنام کرنے کی کوشش کر رہا ہے، اسلام آباد میں منعقدہ آل پارٹیز کانفرنس کے بعد اپنا ردعمل دیتے ہوئے ذیشان حیدر نے کہا کہ (APC) میں تحریک انصاف شامل نہیں تھی اور یہ باعثِ اطمینان ہے کہ سابق وزیراعظم سردار عبدالقیوم نیازی اور دیگر قیادت نے اس بے ایمانی اور خطرناک پروپیگنڈا کا حصہ بننے سے انکار کیا، کرپٹ موروثی قیادت کا یہ دعویٰ کہ بھارت آزاد کشمیر میں عوامی تحریک کو منظم کر رہا ہے دراصل عوامی جدوجہد کو بدنام کرنے اور ریاستی اداروں کو الجھانے کی سازش ہے۔ یہ تاثر دینا کہ آزاد کشمیر کے عوام اپنی محرومیوں پر آواز اٹھا کر کسی بھارتی ایجنڈے کو آگے بڑھا رہے ہیں عوام کی توہین ہے۔ فوج بھی ہماری ہے اور ملک بھی ہمارا ہے فوج کے ساتھ یکجہتی ہمارے خون میں شامل ہے، مگر کرپٹ ٹولہ عوامی احتجاج کو فالس فلیگ آپریشن میں بدلنے کی سازش کر رہا ہے، جیسا کہ 9 مئی کے واقعات میں کیا گیا تھا۔ انہوں نے اعلان کیا کہ تحریک انصاف 29 ستمبر کو عوام کے ساتھ مل کر بھرپور احتجاج کرے گی تاکہ دنیا کو دکھایا جا سکے کہ یہ تحریک صرف اور صرف عوامی حقوق، سستے آٹے، بجلی اور شفاف حکمرانی کے لیے ہے۔ تحریک انصاف آزاد کشمیر نے حکومت پاکستان سے مطالبہ کیا ہے کہ وہ بروقت مداخلت کرے اور اس عوامی تحریک کے جائز مطالبات تسلیم کرتے ہوئے کرپٹ سیاسی مافیا کو مزید سازشوں سے روکے، عوامی ایکشن کمیٹی درحقیقت عوام کی آواز ہے اور تحریک انصاف اس کے ساتھ چٹان کی طرح کھڑی ہے۔
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر