رسمی بیانات اور نعرے بازی چھوڑکر آگے بڑھنا ہوگا، علامہ جواد نقوی
اشاعت کی تاریخ: 5th, February 2025 GMT
یوم یکجہتی کشمیر کے موقع پر تقریب سے خطاب میں تحریک بیداری کے سربراہ کا کہنا تھا کہ آج ہم جس نعرے "کشمیر بنے گا پاکستان" کو دہراتے ہیں، دنیا اسے قبول کرنے کو تیار نہیں، اور حقیقت یہ ہے کہ یہ ہدف خود پاکستان کے حکمرانوں کے بس میں بھی نہیں رہا۔ حالات اس نہج پر پہنچ چکے ہیں کہ اب پاکستان خود اپنے زیرِانتظام علاقوں کے دفاع میں صفائیاں پیش کرنے پر مجبور ہے۔ اسلام ٹائمز۔ یومِ یکجہتی کشمیر کے موقع پر علامہ سید جواد نقوی کا کہنا تھا کہ یومِ کشمیر صرف جذباتی تقاریر یا موم بتیاں جلانے کا دن نہیں، بلکہ ایک سنجیدہ غور و فکر اور عملی اقدامات کا تقاضا کرتا ہے، اگر ہم واقعی کشمیریوں کیساتھ کھڑے ہیں تو ہمیں محض رسمی بیانات اور نعرے بازی سے آگے بڑھ کر مسئلے کو امام زین العابدین علیہ السلام کی دعا کے مطابق اپنی ذمہ داری سمجھنا ہوگا۔ کشمیر کوئی محض سرحدی تنازع نہیں، بلکہ ایک اسلامی سرزمین کا معاملہ ہے، جس کیساتھ انصاف کرنا کھڑا ہونا امتِ مسلمہ پر فرض ہے۔
ان کا مزید کہنا تھا کہ پاکستان نے کشمیر کیلئے بہت کچھ کیا، مگر یہی پاکستان ہے جس نے اپنے مفادات کی بھینٹ چڑھا کر اسے نقصان بھی پہنچایا۔ وہ حکمران جو کشمیر کیلئے مخلصانہ اقدامات کرتے رہے، وہ بھی یہی پاکستانی حکمران تھے، اور وہ جنہوں نے کشمیر کو سیاسی سودے بازی کا شکار بنایا، وہ بھی پاکستانی حکمران تھے۔ آج ہم جس نعرے "کشمیر بنے گا پاکستان" کو دہراتے ہیں، دنیا اسے قبول کرنے کو تیار نہیں، اور حقیقت یہ ہے کہ یہ ہدف خود پاکستان کے حکمرانوں کے بس میں بھی نہیں رہا۔ حالات اس نہج پر پہنچ چکے ہیں کہ اب پاکستان خود اپنے زیرِانتظام علاقوں کے دفاع میں صفائیاں پیش کرنے پر مجبور ہے۔
انہوں نے مزید کہا کہ درست اور منصفانہ راستہ یہ ہے کہ ملتِ کشمیر کو اپنے مستقبل کا فیصلہ خود کرنے دیا جائے۔ ہم کشمیریوں کو ہرگز یہ مشورہ نہیں دیں گے کہ وہ بھارت سے الحاق کریں، اور نہ ہی خود کشمیری کبھی ایسا چاہیں گے، کیونکہ بھارت کا مسلمانوں کیساتھ رویہ کسی سے پوشیدہ نہیں، لیکن اگر کشمیری اپنی خودمختاری یا پاکستان کیساتھ الحاق چاہتے ہیں تو انہیں اپنے فیصلے کا مکمل اختیار ملنا چاہیے، اور یہ فیصلہ کسی بیرونی دباؤ کے بجائے ان کی آزاد مرضی کا عکاس ہونا چاہیے۔
ان کا کہنا تھا کہ کشمیریوں کیلئے سب سے بہترین راستہ آزادی اور خودمختاری ہے۔ یہ سرزمین محض ایک خطہ نہیں، بلکہ ایک تاریخی اور اسلامی سرزمین ہے، اور امتِ مسلمہ پر واجب ہے کہ وہ اس کی آزادی کیلئے آواز بلند کرے۔ امام زین العابدین علیہ السلام کے فرمان کے مطابق، جو سرزمین اسلام کے نام پر ہے، وہ مشرکین اور کفار کے ہاتھ میں نہیں جانی چاہیے۔ فلسطین کی مثال ہمارے سامنے ہے۔ وہ بھی ایک اسلامی سرزمین تھی جسے کفار نے غصب کر لیا، اور آج باقی ماندہ حصے کو بھی مسلمانوں سے چھینا جا رہا ہے۔ امام زین العابدین علیہ السلام کا حکم ہے کہ اسلامی سرزمینوں کو طاغوت کے تسلط سے آزاد کرایا جائے، اور یہ ہر مسلمان کی ذمہ داری ہے۔
ذریعہ: Islam Times
کلیدی لفظ: اسلامی سرزمین کہنا تھا کہ
پڑھیں:
پہلگام حملہ: آئی پی ایل میں آتش بازی نہیں ہوگی، کھلاڑی سیاہ پٹیاں باندھیں گے
سن رائزرز حیدرآباد اور ممبئی انڈینز کے کھلاڑی آج اپنے آئی پی ایل میچ کے دوران بازوؤں پر سیاہ پٹیاں باندھیں گے، جس میں گزشتہ روز پہلگام میں دہشت گردانہ حملے کے متاثرین کے سوگ میں چیئر لیڈرز اور آتش بازی نہیں کی جائے گی۔
دونوں ٹیمیں اس واقعے سے متاثرہ افراد کو خراج عقیدت پیش کرنے کے لیے ایک منٹ کی خاموشی بھی اختیار کریں گی، مقبوضہ کشمیر میں سیاحتی مقام پہلگام میں گزشتہ روز دہشت گردانی کارروائی میں 26 سیاحوں کی ہلاکت کی عالمی سطح پر مذمت کی گئی ہے۔
Standing in solidarity with the victims of the Pahalgam terror attack. Prayers for the families who lost their loved ones in this gruesome attack ???? pic.twitter.com/KXAJelZ1n3
— BCCI (@BCCI) April 23, 2025
بھارتی میڈیا رپورٹس کے مطابق بی سی سی آئی کے ایک اہلکار کے مطابق دو ٹیموں کے کھلاڑی بازو پر سیاہ پٹیاں باندھیں گے اور کشمیر کے پہلگام میں دہشت گردانہ حملے میں اپنی جان کی بازی ہارنے والوں کی یاد میں ایک منٹ کی خاموشی اختیار کریں گے۔
’احترام کے طور پر ممبئی انڈینز بمقابلہ سن رائزرز حیدرآباد کے مابین میچ کے موقع پر کوئی چیئر لیڈرز نہیں ہوں گے نہ ہی کوئی پٹاخہ پھوڑا جائے گا۔‘
مزید پڑھیں:آئی پی ایل میں امپائر اب ہر بیٹسمین کے بلے کیوں چیک کررہے ہیں؟
واضح رہے کہ بظاہر غیر معروف ’دی ریزسٹنس فرنٹ‘ نے پہلگام میں سیاحوں پر اس حملے کی ذمہ داری قبول کی ہے، جس کی پاکستان سمیت دنیا بھر سے شدید مذمت کی گئی ہے۔
بھارتی کرکٹ ٹیم نے 2008 میں ممبئی کے دہشت گردانہ حملوں کا الزام پاکستان پر دھرتے ہوئے دونوں ممالک کے مابین دو طرفہ کرکٹ ختم کردی تھی اور حال ہی میں ٹی20 چیمپیئنز ٹرافی کے لیے پاکستان کا دورہ کرنے سے انکار کردیاتھا، جس کے بعد آئی سی سی کو دبئی میں غیر جانبدارانہ مقام کے لیے انتظامات کرنے پر مجبور ہونا پڑا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بی سی سی آئی پہلگام حملہ سن رائزرز حیدرآباد سوگ سیاہ پٹیاں ممبئی انڈینز
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم