کشمیر کا حل صرف جہاد ہے،قوم غزوہ ہند کی تیاری کرے،حافظ طاہر مجید
اشاعت کی تاریخ: 6th, February 2025 GMT
حیدرآباد(اسٹاف رپورٹر) جماعت اسلامی ضلع حیدرآباد کے تحت 5 فروری کویوم یکجہتی کشمیر بھرپور اندازمیں منایاگیا،جماعت اسلامی کے زیر اہتمام دفترجماعت اسلامی اسٹیشن روڈتا حیدر آباد پریس کلب تک ایک بڑی ’’یکجہتی کشمیرریلی‘‘ نکالی گئی، ریلی کی قیادت امیر جماعت اسلا می ضلع حیدر آباد حافظ طاہر مجید نے کی۔ ریلی سے نائب امیر عقیل احمد خان، جنرل سیکرٹری محمد حنیف شیخ، سابق صدر مشتاق احمد خان، ڈپٹی جنرل سیکرٹری و صد ر پبلک ایڈ کمیٹی عبدالباسط خان، حافظ سفیان اور صدر جے آئی یوتھ حیدرآباد عرفان قائمخانی نے خطاب کیا۔ناظمین رونزاور کارکنان بڑی تعداد میں موجود تھے۔ریلی کوہ ِنورچوک،حیدرچوک سے ہوتی ہوئی پریس کلب حیدرآباد پر اختتام پذیر ہوئی۔ ریلی کے شرکاء نے کشمیری عوام سے اظہاریکجہتی کے لیے ہاتھوں میں بینر پلے،کارڈ،قومی پرچم اوکشمیر کے پرچم تھام رکھے تھے۔ یکجہتی کشمیرریلی کے شرکاء سے خطاب کرتے ہوئے امیر جماعت اسلامی ضلع حیدرآباد حافظ طاہر مجید نے کہا کہ جماعت اسلامی کل بھی کشمیریوں کے ساتھ کھڑی تھی اور آج بھی کشمیریوں کے ساتھ کھڑی ہے۔5فروری قاضی حسین احمد مرحوم کی یاد دلاتا ہے جنھوں نے ساری دنیا کے تمام حریت پسندوں کو پیغام دیا کہ حق کو دبایا نہیں جا سکتا۔ انہوں نے کہا کہ تمام تر جبر و تشدد کے باوجود کشمیری ثابت قدم ہیں اور عزم و استقامت کی لازوال تاریخ مرتب کررہے ہیں لیکن افسوس ہے کہ ہمارے حکمراں کمزور اور مصلحت پسندی کا شکار ہیں ،انہوں نے کہ اب وقت آگیا ہے کہ قوم اٹھے اور غزوہ ہند کی تیاری کرے کشمیر کا حل صرف جہاد ہے۔کشمیریوں کی جدوجہد تکمیل پاکستان کی تحریک ہے ،پاکستان کے عوام نے ہمیشہ کشمیرکے لوگوں کے حق خودارادیت کی سپورٹ کیاہے اور ان کی سیاسی اور اخلاقی حمایت کی ہے۔یوم یکجہتی کشمیر تسلسل کے ساتھ منایا جا رہا ہے لیکن اب قاضی حسین احمد مرحوم نے یہ یوم اس لیے تجویز کیا تھا کی اس کے ذریعے سے پاکستانی نہ صرف قوم، پاکستانی مقتدر طبقہ، پاکستان فوج کشمیر کے لیے آگے بڑھے اور جدوجہد میں شریک ہو، انہوں نے کہا کہ اقوام متحدہ کی قراردادوں نے اس علاقے کو متنازع قرار دیا ہے، کشمیر میں آج بھی ہر ایک تیسرے آدمی پر بھارتی فوج کھڑا ہوا ہے اور اس بات کا اعلان کر رہا ہے کہ کشمیر مقبوضہ علاقہ ہے،یہ اس بات کا ثبوت کے یہ قبضہ شدہ علاقہ ہے،کشمیر کے لوگوں نے فلسطینیوں سے جدوجہد، قربانی کا راستہ سیکھا ہے، مودی کا ایجنڈا ہندوستان میں نفرت پھیلا رہا ہے، نفرتوں کا ایجنڈا جاری نہیں رہے سکے گا، انہوں نے مزید کہا کہ ہم احمد مجتبیٰ صلی اللہ علیہ وسلم کے ماننے والے ہیں فرعون کے آگے سر نہیں جھکایا جا سکتا،الحمد اللہ آج بھی جماعت اسلامی ساری دنیا کے اندرکشمیر کی ترجمانی کر رہی ہے۔کشمیری نوجوانوں سے جیلیں بھر دی گئی ہیں۔ان شاء اللہ اہل کشمیر کا ایجنڈاور ا پاکستان کی تکمیل کے ایجنڈے کو جماعت اسلامی مکمل کر کے رہے گی۔ پاکستان کے عوام پاکستان کومکمل کرنے کے لیے آج بھی اہل کشمیر کے ساتھ ہیں بھارت کی فوج اور اس کے شدید مظالم آزادی کشمیر کی جدوجہدکومضبوط کررہے ہیں۔
.ذریعہ: Jasarat News
کلیدی لفظ: جماعت اسلامی یکجہتی کشمیر انہوں نے کشمیر کے کے ساتھ ا ج بھی کہا کہ
پڑھیں:
یہ کیا ڈرامہ ہے سڑکیں ٹھیک نہیں اور مہنگے ای چالان کئے جارہے ہیں، حافظ نعیم الرحمان
تقریب سے خطاب کرتے ہوئے جماعت اسلامی پاکستان کے مرکزی امیر نے کہا کہ لوٹ مار اور قبضے کے نظام سے شہر کو آزادی دلائیں گے۔ اسلام ٹائمز۔ جماعت اسلامی پاکستان کے مرکزی امیر حافظ نعیم الرحمان نے کہا ہے کہ یہ کیا ڈرامہ ہے سڑکیں ٹھیک نہیں اور مہنگے ای چالان کئے جا رہے ہیں، ٹرانسپورٹ ہے نہیں اور ای چالان ہزاروں میں آ رہے ہیں، لاہور میں جو چالان 200 روپے کا ہے وہ سندھ میں 5 ہزار روپے کا ہے۔ کراچی میں تقریب سے خطاب کرتے ہوئے حافظ نعیم الرحمان نے کہا کہ مرتضیٰ وہاب کے کام بھی ہم کو دیکھنے پڑتے ہیں، ایس تھری منصوبہ کہاں چلا گیا ہے؟ انہوں نے کہا کہ کراچی سرکلر ریلوے نہیں بن رہا، جبکہ ریڈ لائن نے یونیورسٹی روڈ کا برا حال کر دیا ہے، اورنج لائن میں بھی پورے اورنگی کو کور نہیں کیا گیا، 400 بسیں لا کر لوگوں کو بے وقوف بنایا جا رہا ہے، لوٹ مار اور قبضے کے نظام سے شہر کو آزادی دلائیں گے۔ امیر جماعت اسلامی کا کہنا تھا کہ بلدیاتی انتخابات جیت کر لوگ کہتے تھے اختیارات ملیں گے نہیں تو کام کیسے کریں گے، پیپلز پارٹی کی سیٹوں میں من پسند حلقہ بندیوں کی وجہ سے اضافہ ہوا، پیپلز پارٹی نے دھاندلی کرکے اپنا میئر بنایا اور ابھی تک ٹاؤن کو اختیارات منتقل نہیں کیے۔
حافظ نعیم الرحمان نے کہا کہ کچرا اٹھانے کا اختیار بھی سندھ حکومت کے پاس ہے، گھر سے جو کچرا اٹھایا جاتا ہے اس کے پیسے لوگ خود ادا کرتے ہیں، سالڈ ویسٹ منیجمنٹ کے پاس گھر سے کچرا اٹھا کر لینڈ فیلڈ سائٹ تک پہنچانے کا پورا میکنزم موجود ہے۔ انہوں نے کہا کہ ٹاؤن کو کام کرنے سے روکا جارہا ہے، سٹی وارڈن کو استعمال کرکے کام میں روڑے اٹکائے جا رہے ہیں، جماعت اسلامی اپنے ٹاؤنز میں اختیارات سے بڑھ کر کام کر رہی ہے، 15 سالوں میں پیپلز پارٹی نے کراچی کیلئے کچھ نہیں کیا، صرف قبضے کی سیاست جاری ہے، گاؤں اور دیہات پر قبضے کے بعد شہروں پر قبضہ کر لیا ہے، تعلیم خیرات نہیں یہ ہمارے بچوں کا حق ہے۔
کیریبین جزائر میں رواں سال کا طاقتور ترین طوفان داخل، 3 افراد ہلاک