سعودی عرب میں واٹس ایپ کالز کی سہولت بحال ہونے کی اطلاعات
اشاعت کی تاریخ: 6th, February 2025 GMT
ریاض ( اُردو پوائنٹ اخبارتازہ ترین۔ 06 فروری 2025ء ) سعودی عرب میں 6 سال بعد واٹس ایپ کالز کی سہولت دوبارہ بحال ہونے کی اطلاعات سامنے آئی ہیں۔ گلف نیوز کے مطابق سعودی عرب میں واٹس ایپ کے بہت سے صارفین نے اطلاع دی ہے کہ آڈیو اور ویڈیو کالنگ کی سہولت برسوں کی پابندی کے بعد دوبارہ ایکٹیویٹ کر دی گئی ہے، تاہم اس بارے میں کوئی سرکاری تصدیق نہیں ہوئی ہے کہ آیا یہ مستقل تبدیلی ہے یا عارضی طور پر کسی تجرباتی بنیاد پر ایسا ممکن ہوا۔
اس حوالے سے مقامی ٹیکنالوجی کے ماہر عبداللہ السبیعی کا کہنا ہے کہ یہ اقدام ٹیلی کمیونیکیشن اور ڈیجیٹل انفراسٹرکچر کو بڑھانے کے لیے سعودی عرب کی کوششوں سے ہم آہنگ ہے، جس سے صارفین کے لیے ممکنہ طور پر مواصلات میں بہتری آئے گی۔ بتایا جارہا ہے کہ دنیا کی سب سے زیادہ استعمال ہونے والی میسجنگ ایپس میں سے ایک واٹس ایپ نے 2015ء میں وائس کالز اور 2016ء میں ویڈیو کالز متعارف کرائی تھیں، تاہم سعودی عرب میں ریگولیٹری پالیسیوں کی وجہ سے ان خصوصیات کو بلاک کر دیا گیا تھا اگرچہ کبھی کبھار مختصر ایکٹیویشن کی رپورٹس آتی رہی ہیں لیکن وہ عام طور پر پالیسی شفٹوں کی بجائے تکنیکی اپ ڈیٹس سے منسلک ہوتی تھیں۔(جاری ہے)
معلوم ہوا ہے کہ اس حوالے سے مارچ 2024 میں بھی قیاس آرائیاں ہوئیں کہ پابندی مستقل طور پر ہٹا دی گئی ہے لیکن سعودی عرب کے کمیونیکیشن، سپیس اینڈ ٹیکنالوجی کمیشن کی جانب سے اس وقت ان دعوؤں کی تردید کی گئی، تاہم اگر موجودہ ایکٹیویشن مستقل ثابت ہوتی ہے تو یہ مملکت کے اندر رابطے میں نمایاں بہتری کی نشاندہی کرے گی۔ .ذریعہ: UrduPoint
کلیدی لفظ: تلاش کیجئے واٹس ایپ
پڑھیں:
ہالی وڈ میں ٹیسلا ڈائنر کا افتتاح، گاڑی چارجنگ اور چھت پر فلم بینی کی سہولت
ٹیسلا نے 21 جولائی 2025 کو ہالی ووڈ کے سانتا مونی کا بولیوارڈ پر اپنا طویل انتظار کے بعد تیار ہونے والا ریٹرو طرز کا ڈائنر اور سپر چارجنگ اسٹیشن باضابطہ طور پر کھول دیا۔
یہ بھی پڑھیں:ٹیسلا نے ٹیکساس میں بغیر انسانی ڈرائیور والی ٹیکسی سروس لانچ کردی
یہ 2 منزلہ 9,300 مربع فٹ پر مشتمل عمارت جدید ٹیکنالوجی اور 1950 کی دہائی کی امریکی ثقافت کا حسین امتزاج پیش کرتی ہے، جہاں کھانے، تفریح اور تیز ترین گاڑی چارجنگ کی سہولت ایک ہی جگہ پر دستیاب ہے۔
ڈائنر کو 50 کی دہائی کے ڈرائیو اِن طرز پر سجایا گیا ہے، جس میں نیون لائٹس، کروم ڈیزائن اور خلائی دور کی طرز کی خمیدہ ساخت شامل ہے۔
یہ بھی پڑھیں:ایلون مسک اور ٹرمپ میں لفظی جنگ، ٹیسلا کو 152 ارب ڈالر کا تاریخی نقصان
چھت پر دو 45 فٹ لمبی LED اسکرینیں نصب ہیں، جہاں سے فیملی فرینڈلی اور کلاسیکی فلمیں دکھائی جاتی ہیں۔ جیو فینسنگ ٹیکنالوجی کے ذریعے فلموں کی آڈیو براہِ راست گاڑیوں کے اسپیکرز میں نشر ہوتی ہے۔
ڈائنر میں مہمانوں کو امریکی طرز کے روایتی کھانے پیش کیے جاتے ہیں جیسے کہ برگر، وِنگز، ہاٹ ڈاگز، ملک شیک اور خاص ٹونا میلٹ۔ کھانے کو ٹیسلا کے برانڈڈ پیکجنگ میں پیش کیا جاتا ہے، جن میں کچھ پیکٹ منی ایچر سائبر ٹرک کی شکل میں بھی ہوتے ہیں۔
مہمان ٹچ اسکرین کیوسک یا اپنی ٹیسلا گاڑیوں کے ڈیش بورڈ کے ذریعے آرڈر دے سکتے ہیں، جو اس ڈائنر کے سسٹم سے جُڑے ہوتے ہیں۔
یہ بھی پڑھیں:ٹیسلا کو پھر مسئلہ: بی وائی ڈی نے ماڈل 3 کی ٹکر پر کم قیمت گاڑی لانچ کردی
افتتاحی تقریب میں ٹیسلا کے مداحوں اور الیکٹرک گاڑیوں کے شوقین افراد کی طویل قطاریں دیکھی گئیں۔
ڈائنر کے دروازے شام 4:20 بجے کھولے گئے، جو ایک مخصوص وقت ہے جسے ایلون مسک سے منسوب مزاحیہ حوالہ بھی سمجھا جاتا ہے۔
اس موقع پر رولر اسکیٹس پر سروس کرنے والے ویٹرز اور ٹیسلا کے Optimus ہیومینوئڈ روبوٹس کی جانب سے پاپ کارن جیسی ہلکی پھلکی اشیاء کی ترسیل بھی دیکھی گئی۔
ٹیسلا کے سی ای او ایلون مسک نے اس مقام کو ’لاس اینجلس کے سب سے زبردست مقامات میں سے ایک‘ قرار دیا اور عندیہ دیا کہ مستقبل میں دیگر سپر چارجنگ اسٹیشنز پر بھی اسی طرز کے ڈائنر قائم کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک ٹسیلا ڈائنر ٹیسلا ڈائنر ہالی ووڈ
راولپنڈی:اے سی بنانے والی فیکٹری میں آگ بھڑک اٹھی،دھوئیں کے بادل چھا گئے