چین اور تھائی لینڈ نے ترقیاتی مفادات کے تحفظ میں ایک دوسرے کی بھرپور حمایت کی ہے، چینی صدر
اشاعت کی تاریخ: 6th, February 2025 GMT
چین اور تھائی لینڈ نے ترقیاتی مفادات کے تحفظ میں ایک دوسرے کی بھرپور حمایت کی ہے، چینی صدر WhatsAppFacebookTwitter 0 6 February, 2025 سب نیوز
بیجنگ : چینی صدر شی جن پھنگ نے بیجنگ کے عظیم عوامی ہال میں سرکاری دورے پر آئی ہوئی تھائی لینڈ کی وزیر اعظم پھیتھونگ تھارن شناوترا کے ساتھ بات چیت کی۔جمعرات کے روز شی جن پھنگ نے کہا کہ اس سال چین اور تھائی لینڈ کے درمیان سفارتی تعلقات کے قیام کی 50 ویں سالگرہ ہے۔سفارتی تعلقات کے قیام کی گزشتہ نصف صدی سے دونوں ممالک نے ہمیشہ قومی خودمختاری، سلامتی اور ترقیاتی مفادات کے تحفظ میں ایک دوسرے کی بھرپور حمایت کی ہے۔
چین تھائی لینڈ کےساتھ اپنی ترقیاتی حکمت عملی کو مربوط کرنے ، چین تھائی لینڈ ریلوے جیسے فلیگ شپ منصوبوں کو نافذ کرنے اور جلد از جلد چین – لاؤس – تھائی لینڈ رابطے کی ترقی میں مزید نتائج حاصل کرنے کے لئے تھائی لینڈ کے ساتھ کام کرنے کے لئے تیار ہے۔ چین تھائی لینڈ کی طرف سے آن لائن جوئے اور ٹیلی کمیونیکیشن نیٹ ورک فراڈ کے خلاف کریک ڈاؤن کرنے کے لئے اٹھائے گئے مضبوط اقدامات کو سراہتا ہے۔فریقین کو لوگوں کے ذریعہ معاش کو بہتر بنانے کے لئے مزید منصوبے قائم کرنے ہوں گے تاکہ چین اور تھائی لینڈ کے مابین دوستی نسل در نسل منتقل کی جاسکے۔ چین تھائی لینڈ کے ایل ایم سی کے شریک چیئرمین بننے کی حمایت کرتا ہے اور تھائی لینڈ کو برکس پارٹنر ملک بننے پر مبارکباد دیتا ہے۔ چین گلوبل ساؤتھ میں یکجہتی اور تعاون بڑھانے اور مشترکہ ترقی کو فروغ دینے کے لئے تھائی لینڈ کے ساتھ مل کر کام کرنے کے لئے تیار ہے۔وزیراعظم شناوترا نے کہا کہ گزشتہ 50 سالوں میں تھائی لینڈ اور چین نے دوستانہ تعاون پر مبنی خصوصی تعلقات قائم کیے ہیں۔
تھائی لینڈ ون چائنا پالیسی پر سختی سے کاربند ہے اور چین کے ساتھ اعلیٰ سطح کے تبادلوں کو مضبوط بنانے، رابطے، معیشت، تجارت اور زراعت سمیت دیگر شعبوں میں تعاون کو مضبوط بنانے اور افرادی و ثقافتی تبادلوں کو فروغ دینے کے لیے کام کرنے کا خواہاں ہے۔تھائی لینڈ چین اور دیگر ہمسایہ ممالک کے ساتھ مل کر قانون کے نفاذ پر مبنی تعاون کو مضبوط بنانے اور آن لائن جوئے اور ٹیلی کمیونیکیشن نیٹ ورک فراڈ سمیت سرحد پار جرائم کے خلاف کریک ڈاؤن کرنے میں ٹھوس اور مؤثر اقدامات کرنے کے لئے پر عزم ہے۔
.ذریعہ: Daily Sub News
کلیدی لفظ: چین اور تھائی لینڈ
پڑھیں:
یورپی یونین کا نیتن یاہو کے وارنٹ جاری کرنے والے آئی سی سی ججوں کی حمایت کا اعلان
یورپی یونین نے انٹرنیشنل کریمنل کورٹ (ICC) کے چار ججوں پر امریکہ کی جانب سے عائد کردہ پابندیوں پر گہرے افسوس کا اظہار کیا ہے۔
یورپی کمیشن نے کہا ہے کہ یورپی یونین ہیگ میں قائم عالمی عدالت کی مکمل حمایت جاری رکھے گی۔
یورپی کمیشن کی صدر اورسلا وان ڈیر لائن نے سوشل میڈیا پلیٹ فارم X پر اپنے بیان میں کہا: "آئی سی سی دنیا کے سنگین ترین جرائم کے مجرموں کو انصاف کے کٹہرے میں لاتی ہے اور متاثرین کو آواز دیتی ہے۔ اسے دباؤ سے آزاد ہو کر کام کرنے کی اجازت ہونی چاہیے۔"
کمیشن کی ترجمان انیتا ہیپر نے ایک پریس کانفرنس میں کہا: "ہم ان چار اضافی افراد پر پابندیاں عائد کرنے کے فیصلے پر افسوس کا اظہار کرتے ہیں۔ ہم عدالت اور اس کے عملے کے تحفظ کے لیے مکمل تعاون فراہم کریں گے۔"
امریکہ نے یہ پابندیاں جمعرات کو لگائیں، جن میں سے دو ججوں نے گزشتہ سال اسرائیلی وزیر اعظم بن یامین نیتن یاہو کے خلاف گرفتاری کے وارنٹ جاری کرنے والی کارروائی میں حصہ لیا تھا، جب کہ باقی دو جج افغانستان میں امریکی افواج کے مبینہ جنگی جرائم کی تحقیقات میں شامل تھے۔
یاد رہے کہ امریکہ اور اسرائیل دونوں ICC کے بانی معاہدے (روم اسٹیٹیوٹ، 2002) کے فریق نہیں ہیں۔
یورپی کونسل کے سربراہ انٹونیو کوسٹا نے بھی ICC کی حمایت کرتے ہوئے کہا کہ عدالت "کسی قوم کے خلاف نہیں بلکہ بے گناہی کے خلاف ہے"۔
انہوں نے کہا "ہمیں عدالت کی خودمختاری اور ساکھ کا تحفظ کرنا ہوگا۔ قانون کی حکمرانی کو طاقت کی حکمرانی پر غالب آنا چاہیے۔"
بنارس کی تاریخی اور مسلم اکثریتی بازار کے انہدام پر کورٹ سے راحت