گلگت بلتستان، ایلیمنٹری بورڈ کے مایوس کن نتائج پر غور کیلئے وفاق سے ماہرین کی ٹیم طلب
اشاعت کی تاریخ: 6th, February 2025 GMT
چیف سیکریٹری گلگت بلتستان کی اس تجویز پر وفاقی وزات تعلیم کی جانب سے گلگت بلتستان کے محکمہ تعلیم میں تدریسی معیار، تشخیص اور تربیت کے عمل کو مؤثر بنانے کے لیے ماہرین پر مشتمل ایک ٹیم نامزد کر دی گئی ہے، جو تجربہ کار اساتذہ، مضمون کے ماہرین اور تشخیصی ماہرین پر مشتمل ہے اسلام ٹائمز۔ چیف سیکریٹری گلگت بلتستان نے حالیہ پرائمری اور ایلیمنٹری بورڈ کے غیر تسلی بخش نتائج پر فوری ایکشن لیتے ہوئے وفاق سے ماہرین پر مشتمل ایک خصوصی ٹیم طلب کی ہے، جو حالیہ نتائج سمیت تعلیمی پسماندگی کی نشاندہی سمیت بہتری کے لئے اپنی سفارشات بھی پیش کرے گی۔ چیف سیکریٹری گلگت بلتستان کی اس تجویز پر وفاقی وزات تعلیم کی جانب سے گلگت بلتستان کے محکمہ تعلیم میں تدریسی معیار، تشخیص اور تربیت کے عمل کو مؤثر بنانے کے لیے ماہرین پر مشتمل ایک ٹیم نامزد کر دی گئی ہے، جو تجربہ کار اساتذہ، مضمون کے ماہرین اور تشخیصی ماہرین پر مشتمل ہے، جو پرائمری اور ایلیمنٹری تعلیمی شعبے میں بہتری کے لیے کام کرے گی۔ یہ ماہرین نصاب، ابتدائی بچپن کی تعلیم، تشخیصی طریقہ کار، تربیتی پروگرامز اور تعلیمی جائزے کے عمل کا تفصیلی تجزیہ کریں گے۔ جس کا مقصد تدریسی معیار کو بلند کرنا، اساتذہ کی پیشہ ورانہ ترقی کو فروغ دینا، اور تشخیصی عمل کو جدید خطوط پر استوار کرنا ہے۔
نامزد ٹیم اپنی سفارشات اور تحقیقاتی نتائج چیف سیکریٹری گلگت بلتستان کو ایک تفصیلی بریفنگ کے ذریعے پیش کرے گی، جس میں تعلیمی اصلاحات اور پالیسیوں میں بہتری کے امکانات پر روشنی ڈالی جائے گی۔ یہ ماہر ٹیم پیر 10 فروری 2025ء سے محکمہ تعلیم کے ساتھ کام شروع کرے گی اور جامع تحقیق و تجزیے کے بعد اپنی سفارشات پیش کرے گی۔ اس اقدام کو تعلیمی معیار کو بہتر بنانے کے لیے ایک اہم پیشرفت قرار دیا جا رہا ہے، جو گلگت بلتستان کے تعلیمی نظام میں مثبت تبدیلیوں کا باعث بنے گا۔ یاد رہے کہ حال ہی میں گلگت بلتستان میں پانچویں اور آٹھویں جماعت کے نتائج کا اعلان کیا گیا تھا جن کے مطابق جی بی میں دونوں جماعتوں کے نتائج انتہائی مایوس کن رہے۔ نتائج کے مطابق صرف ضلع گلگت میں کامیابی کی شرح 50 فیصد رہی جبکہ دیگر اضلاع میں 20 سے 30 فیصد کے درمیان رہی۔
ذریعہ: Islam Times
کلیدی لفظ: ماہرین پر مشتمل کے لیے کرے گی
پڑھیں:
وفاق کےملازمین کے بچوں کیلئے مالی سال 26-2025کے وظیفہ ایوارڈز کا اعلان
سٹی42: وفاقی حکومت نے مالی سال 2025-26 کے لیے وفاقی ملازمین کے بچوں کے لیے وظیفہ ایوارڈز کا اعلان کر دیا ہے۔ یہ وظائف خدمت گزار، ریٹائرڈ اور فوت شدہ وفاقی ملازمین کے بچوں کو دیے جائیں گے تاہم پاکستان پوسٹ، ٹیلی کام، ریلوے، نادرا، ایم ای ایس اور دیگر کارپوریشنز کے ملازمین اس اسکیم کے اہل نہیں ہوں گے۔
گریڈ 1 سے 4 کے ملازمین کے بچوں کو پانچویں جماعت سے آگے وظائف دیے جائیں گے، جبکہ گریڈ 5 سے 16 کے بچوں کے لیے چھٹی جماعت سے وظائف کا اہتمام کیا گیا ہے۔ گریڈ 17 سے 22 کے ملازمین کے بچوں کو گیارہویں جماعت سے آگے وظائف دستیاب ہوں گے۔ وظائف حفاظ اور میرٹ کی بنیاد پر بھی دیے جائیں گے۔
پاکستان کرکٹ بورڈ نےڈائریکٹر انٹرنیشنل کرکٹ عثمان واہلہ کو معطل کر دیا
قرآن پاک حفظ کرنے والے بچوں کے لیے بھی نقد انعامات کا اعلان کیا گیا ہے۔ میٹرک اور ایف اے میں 80 فیصد یا اس سے زائد نمبر حاصل کرنے والے امیدوار اہل قرار پائیں گے، جبکہ ایف ایس سی یا ایسوسی ایٹ ڈگری میں 80 فیصد یا زائد نمبر لینے والے بھی وظائف کے لیے اہل ہوں گے۔
درخواست فارم 31 اکتوبر 2025 تک جمع کرانے کی آخری تاریخ مقرر کی گئی ہے، اور نامکمل یا مقررہ تاریخ کے بعد موصول ہونے والی درخواستیں قبول نہیں کی جائیں گی۔
جب انکم ٹیکس مسلط نہیں کر سکتے تو سپر ٹیکس کیسے مسلط کر سکتے ہیں، جج سپریم کورٹ
نیپال میں ’جنریشن زی‘ سڑکوں پر کیوں نکلی؟