سدھارتھ کی سنگیت تقریب میں پریانکا چوپڑا اور نک جوناس کی دھوم
اشاعت کی تاریخ: 7th, February 2025 GMT
بالی ووڈ کی مشہور اداکارہ اور سابقہ مس ورلڈ پریانکا چوپڑا ان دنوں اپنے بھائی سدھارتھ چوپڑا کی شادی کی تقریبات میں مصروف ہیں۔
سدھارتھ جلد ہی اداکارہ نیلم اپادھیائے سے شادی کے بندھن میں بندھنے والے ہیں۔ پریانکا نے شادی کی تیاریوں اور قبل از شادی تقریبات میں بڑھ چڑھ کر حصہ لیا، جس میں اُن کی بیٹی اور ساس سسر پال کیون جوناس اور ڈینس جوناس بھی شامل رہے۔
ممبئی میں کل شام ایک شاندار سنگیت تقریب کا اہتمام کیا گیا، جس میں پریانکا کے گلوکار شوہر نک جوناس نے بھی شرکت کی۔ نک جوناس 6 فروری کو بھارت پہنچے اور سنگیت تقریب میں شریک ہوئے۔
نک جوناس کی دھماکے دار پرفارمنس
سنگیت کی رات نک جوناس نے اپنے گٹار کے ساتھ ایک دلکش پرفارمنس پیش کی۔ ایک ویڈیو میں دیکھا جاسکتا ہے کہ نک نے مرکزی اسٹیج سنبھالا اور اپنے گیت ’’آفٹر لائف‘‘ کو بڑے جوش و خروش سے گایا۔ اور اُن کے والد پال کیون جوناس نے ساتھ میں سنتھیسائزر بجایا اور نک کے ساتھ گیت گایا۔
View this post on InstagramA post shared by Patty Cardona (@jerryxmimi)
پریانکا چوپڑا نے بھی رقص کے ذریعے تقریب کو رنگین بنادیا۔ دولہا بننے والے سدھارتھ چوپڑا بھی ڈانس فلور پر نظر آئے۔ پریانکا نے اپنے کچھ مشہور گیتوں پر رقص کیا۔
View this post on InstagramA post shared by Patty Cardona (@jerryxmimi)
نیلم اپادھیائے کے ساتھ پریانکا کا ڈانس
پرینکا نے اپنی ہونے والی بھابی نیلم اپادھیائے کے ساتھ فلم ’’برائیڈ اینڈ پری جوڈیس‘‘ کے گیت ’’بلے بلے‘‘ پر بھی رقص کیا۔ دونوں کی جوڑی نے ڈانس فلور پر خوب داد وصول کی۔
View this post on InstagramA post shared by Patty Cardona (@jerryxmimi)
نک جوناس کے والدین پال کیون جوناس اور ڈینس جوناس بھی ہندوستانی روایتی لباس میں تقریب میں شریک ہوئے۔ پال کیون جوناس نے میڈیا سے بات چیت کی اور مٹھائی تقسیم کرتے ہوئے پریانکا کے خاندان کی جانب سے مہمانوں کا شکریہ ادا کیا۔
ذریعہ: Express News
کلیدی لفظ: کے ساتھ
پڑھیں:
گلگت بلتستان کے جشنِ آزادی کی تقریب؛ صدرِ مملکت کی شرکت
سٹی 42 : صدرِ مملکت آصف علی زرداری نے کہا ہے کہ گلگت بلتستان میرا گھر ہے، گلگت بلتستان کے عوام کی بہادری کو ہم کبھی فراموش نہیں کرسکتے۔
گلگت بلتستان کے 78ویں جشن آزادی کے موقع پر پروقار تقریب کا انعقاد کیا گیا۔ صدر آصف علی زرداری نے بطور مہمانِ خصوصی تقریب میں شرکت کی۔گلگت بلتستان کے گورنر اور وزیراعلیٰ نے مہمان خصوصی کا استقبال کیا۔ گورنر گلگت بلتستان سید مہدی شاہ نے صدرِ مملکت کو ثقافتی ٹوپی پہنائی۔ اس موقع پر صدر آصف علی زرداری نے پریڈ کا معائنہ کیا۔
بھارتی نژاد دنیا کی معروف کمپنی کو اربوں کا چونا لگا کر فرار
وزیراعلیٰ گلگت بلتستان حاجی گلبر خان نے تقریب سے خطاب کرتے ہوئے کہا کہ بے پناہ قدرتی وسائل کے باجود دور دراز کے علاقوں میں چیلنجز کا سامنا ہے,گلگت بلتستان کے عوام قومی دھارے میں شامل ہونا چاہتے ہیں۔ انہوں نے کہا کہ فیلڈ مارشل سید عاصم منیر کو سلام پیش کرتے ہیں،ملک کیخلاف کسی بھی قسم کی جارحیت پر پاک فوج کیساتھ مل کر دفاع کریں گے.
اس موقع پرصدر پاکستان آصف علی زرداری نے تقریب سے خطاب کرتے ہوئے کہاکہ گلگت بلتستان میرا گھر ہے، گلگت بلتستان کے عوام کی بہادری کو ہم کبھی فراموش نہیں کرسکتے۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام