میرپورماتھیلو،سی پیک پر گاڑیوں پر فائرنگ کیخلاف خصوصی آپریشن
اشاعت کی تاریخ: 10th, February 2025 GMT
میرپورماتھیلو (نمائندہ جسارت)سی پیک پر گاڑیوں پر فائرنگ کرنے والے اغوا کاروں/ ڈاکوؤں کے گینگ کے خلاف خصوصی آپریشن آج چوتھے روز بھی تیزی سے جاری وساری ہے۔ایس ایس پی گھوٹکی ڈاکٹر سمیع اللہ سومرو و رینجرز کے ونگ کمانڈر کی کمانڈ میں گھوٹکی پولیس اور رینجرز کاسی پیک پر حملہ،روپوش/اشتہاری ملزمان و دیگر جرائم پیشہ عناصر کے خلاف سرچ آپریشن آج چوتھے روز بھی جاری،سب ڈویژن رونتی کے تھانہ بیلو میر پور کی حدود کچے کے علاقوں میں سرچ آپریشن کیا جا رہا ہے،سرچ آپریشن میں سی پیک پر حملہ، قتل،اغوا ودیگر سنگین نوعیت کے جرائم کے اشتہاری ملزمان کی گرفتاریوں سمیت جرائم پیشہ عناصر کو پناھ دینے والے رسہ گیروں کے ممکنہ ٹھکانوں پر کیا گیا ہے،سینئر پولیس و رینجرز افسران کی سربراہی میں پولیس و رینجرز کی بھاری نفری نے مجرموں کے ٹھکانوں پر پیش قدمی کی،آپریشن میں اے ایس پی/ایس ڈی پی او میر پور ماتھیلو محمد علی اعوان،ڈی ایس پی اباوڑو عبدالقادر سومرو،ڈی ایس پی رونتی زاہد حسین میرانی پولیس اور رینجرز کی بھاری نفری کے ساتھ 7 اے پی سی چین و بکتر بند گاڑیاں شامل ہیں،پیش قدمی کے دوران مجرموں نے پولیس کے اوپر فائرنگ کی پولیس کی بھی جوابی کارروائی مجرم گرفتاری سے بچنے کیلیے فائرنگ کرتے ہوئے کچے کے اندر فرار ہوگئے،تاہم پولیس و رینجرز نے مجرموں کی کمین گاہوں اور مورچوں تک رسائی حاصل کرکے مورچوں اور کمین گاہوں کو مسمار کر کے آگ لگا دی ہے،دوران سرچ آپریشن 2 مشکوک افراد کو بھی گرفتار کر لیا گیا ہے جن سے تفتیش شروع کردی گئی ہے،موٹر وے پہ حملے، قتل وغارت گیری کرکے علاقے کا امن خراب کرنے والے مفرور واشتہاری ملزمان کی گرفتاریوں تک بھرپور آپریشن جاری رہے گا۔
.ذریعہ: Jasarat News
پڑھیں:
گلشن معمار میں فائرنگ سے پولیس اہلکار شہید، 4 نامعلوم حملہ آور فرار
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) گلشن معمار کے علاقے تھارو مینگل گوٹھ کریم شاہ روڈ پر نامعلوم مسلح افراد کی فائرنگ سے پولیس اہلکار صدام حسین (PC-4251) شہید ہوگئے۔ ابتدائی معلومات کے مطابق پولیس اہلکار ٹائر پینچر کی دکان پر موجود اپنی موٹرسائیکل کا پینچر لگوا رہا تھا۔اسی دوران سفید آلٹو کار میں سوار چار نامعلوم مسلح ملزمان نے فائرنگ کی اور پولیس اہلکار کو شہید کرکے فرار ہوگئے۔پولیس نے جائے وقوع سے 5 خولز 9 ایم ایم اور 1 خول 30 بور قبضہ پولیس میں لیا ہے، مزید تحقیقات جاری ہے۔ لاش کو قانونی کارروائی کے لیے عباسی شہید اسپتال منتقل کر دیا گیا۔وزیر داخلہ سندھ ضیاء الحسن لنجار نے واقعے کا سخت نوٹس لیتے ہوئے ایس ایس پی ویسٹ سے فی الفور ابتدائی رپورٹ طلب کرلی۔ انہوں نے ہدایت دی کہ جائے وقوع سے تمام شہادتیں اکٹھی کی جائیں اور عینی شاہدین کے بیانات کی روشنی میں تفتیش کو منطقی انجام تک پہنچایا جائے۔ وزیر داخلہ نے مزید کہا کہ شہید اہلکار کے اہلخانہ سے ملاقات کی جائے اور ہر ممکن تعاون فراہم کیا جائے۔ضیاء الحسن لنجار نے پولیس حکام کو ہدایت دی کہ پولیس کلنگز میں ملوث اب تک گرفتار ملزمان کی تفصیلات بھی فراہم کی جائیں اور اس واقعے میں ملوث عناصر کی گرفتاری کا ٹاسک کسی ماہر اور باصلاحیت افسر کے سپرد کیا جائے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان