دو سال بعد سویابین کا پہلا کنسائنمنٹ کراچی میں لنگر انداز
اشاعت کی تاریخ: 10th, February 2025 GMT
کراچی:
دو سال کے وقفے کے بعد سویا بین کا پہلا کنسائنمنٹ ایف اے پی ٹرمینل پر لنگر انداز ہو گیا۔ یہ کنسائنمنٹ 65 ہزار میٹرک ٹن سویا بین پر مشتمل ہے، جو امریکا سے پہنچا ہے۔
ترجمان یو ایس سویابین ایکسپورٹ کونسل نے بتایا کہ اکتوبر 2022 میں جی ایم امپورٹ بند ہو گیا تھا، جس کے نتیجے میں پولٹری کی نمو 40 فیصد کم ہو گئی تھی اور چکن کی قیمتوں میں اضافہ ہوا تھا۔ اس درآمدی کنسائنمنٹ سے نہ صرف پولٹری کی صنعت کو فائدہ ہوگا بلکہ کوکنگ آئل انڈسٹری اور ماہی گیری کے شعبے میں بھی سویا بین کے فوائد حاصل ہوں گے۔
اس موقع پر یو ایس سویابین ایکسپورٹ کونسل کے ریجنل ڈائریکٹر کیون روئپکے نے اپنے خطاب میں کہا کہ پاکستان اور امریکا کے درمیان باہمی تجارت میں 1 ارب ڈالر کا خسارہ ہے، جسے سویابین کی تجارت سے نصف کیا جا سکتا ہے۔ انھوں نے مزید کہا کہ پاکستان دنیا کا تیسرا بڑا پام آئل درآمد کنندہ ملک ہے اور سویا بین کے ذریعے خوردنی تیل کے درآمدی بل میں کمی کی جا سکتی ہے۔
امریکی قونصل جنرل اسکاٹ اربوم نے سویابین کے پہلے کنسائنمنٹ کی آمد پر خطاب کرتے ہوئے کہا کہ اکتوبر 2022 کے بعد یہ پہلا کنسائنمنٹ ہے۔ اس موقع پر انہوں نے کہا کہ یو ایس مشن اور پاکستانی ساتھیوں نے اس اہم قدم کے لیے بھرپور کوشش کی، اور اس اقدام سے پاکستان اور امریکا دونوں ممالک میں خوشحالی آئے گی۔
انہوں نے مزید کہا کہ پاکستان ہر سال امریکا سے 300 ملین ڈالر سے زائد مالیت کا سویابین درآمد کرتا ہے اور یہ سویابین کپاس کے بعد پاکستان کو امریکی برآمدات میں دوسری بڑی برآمدات ہیں۔
انہوں نے اس بات پر زور دیا کہ سویا بین پر پابندی کے نتیجے میں پاکستان میں مرغی کے گوشت اور انڈوں کی قیمتوں میں اضافہ ہوگیا تھا، جو کہ عوام کے لیے ایک چیلنج تھا۔ اس کے علاوہ، اسکاٹ اربوم نے کہا کہ پاکستان اور امریکا کے درمیان باہمی تجارت کے فروغ کی وسیع گنجائش موجود ہے، جو دونوں ممالک کی معیشتوں کو فائدہ پہنچا سکتی ہے۔
.ذریعہ: Express News
کلیدی لفظ: کہا کہ پاکستان سویا بین
پڑھیں:
شادی میں دلہن کے والد کا نیا انداز، جیب پر کیو آر کوڈ چسپاں کرکے ‘آن لائن سلامی’ وصول کی
بھارت میں شادیوں کا تذکرہ اکثر شان و شوکت اور روایات کے امتزاج کے حوالے سے ہوتا ہے، مگر کیرالا میں ہونے والی ایک شادی نے منفرد انداز میں ٹیکنالوجی اور ثقافت کو یکجا کر کے سب کو حیران کر دیا۔
سوشل میڈیا پر وائرل ہونے والی ایک ویڈیو میں دیکھا جا سکتا ہے کہ دلہن کے والد نے اپنی قمیض کی جیب پر پی ٹی ایم کا کیو آر کوڈ لگا رکھا ہے، تاکہ مہمان روایتی لفافوں کی بجائے موبائل کے ذریعے براہِ راست شگون (سلامی) دے سکیں۔
یہ بھی پڑھیے: کیش لیس اکانومی کے مراحل کو آسان بنایا جائے، وزیراعظم شہباز شریف کی ہدایت
ویڈیو میں خوشیوں اور رنگوں سے بھرا شادی کا منظر دکھایا گیا ہے، مگر سب کی توجہ دلہن کے والد کے اس جدید اور مزاحیہ اقدام پر مرکوز ہے۔ مہمان لفافے دینے کے بجائے اپنے فون سے کیو آر کوڈ اسکین کر کے رقم ٹرانسفر کرتے دکھائی دیتے ہیں، ایک ایسا عمل جسے صارفین نے ماحولیاتی لحاظ سے بہتر اور ڈیجیٹل انڈیا کے رجحان سے ہم آہنگ قرار دیا۔
ویڈیو کو ‘کیش لیس شادی’ کے عنوان سے شیئر کیا گیا، جس پر ہزاروں تبصرے موصول ہوئے۔
صارفین کا کہنا ہے کہ کیرالا میں یہ رجحان ظاہر کرتا ہے کہ بھارت کے جنوبی حصے ڈیجیٹل ادائیگیوں اور جدید ٹیکنالوجی کے استعمال میں ملک کے دیگر علاقوں سے ایک قدم آگے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CASHLESS PAY DIGITAL PAYMENT ڈیجیٹل پیمنٹ سلامی کی رقم شادی کیش لیس
پاکستان میں امریکی خام تیل کی پہلی تاریخی درآمد، توانائی کے شعبے میں نیا دور شروع