بنگلہ دیش میں بدامنی کی تازہ لہر، سینکڑوں افراد گرفتار
اشاعت کی تاریخ: 10th, February 2025 GMT
اسلام آباد (اُردو پوائنٹ ۔ DW اردو۔ 10 فروری 2025ء) بنگلہ دیش کی پولیس نے ملک گیر سطح کے ایک وسیع تر آپریشن میں تیرہ سو سے زائد افراد کو حراست میں لے لیا ہے۔ زیر حراست ملزمان پر بدامنی پھیلانے کا الزام ہے اور ان کا تعلق سابق وزیر اعظم شیخ حسینہ کی پارٹی عوامی لیگ سے بتایا جا رہا ہے۔ اس آپریشن کے لیے 'شیطان کا شکار‘ کی اصطلاح استعمال کی گئی۔
پولیس کے ترجمان انعام الحق ساگر نے پیر کے روز بتایا کہ ہفتے کے دن سے شروع ہونے والے اس آپریشن میں آخری خبریں ملنے تک 1,308 افراد کو گرفتار کیا جا چکا تھا۔ ڈھاکہ میں ملک کی عبوری حکومت میں وزارت داخلہ کی قیادت کرنے والے جہانگیر عالم چوہدری نے کہا ہے کہ 'شیطانوں سے نمٹے جانے تک‘ یہ آپریشن جاری رہے گا۔
(جاری ہے)
بنگلہ دیش: مظاہرین نے شیخ حسینہ کے گھر کو آگ لگا دی
شیخ حسینہ کے اشتعال انگیز بیانات پر بھارتی ہائی کمشنر کو احتجاجی نوٹ جاری
پاکستان اور بنگلہ دیش کے مابین فوجی تعاون پر بھارت کو گہری تشویش
بنگلہ دیش میں طلبہ کی قیادت میں ملک گیر سطح کی حکومت مخالف تحریک کے دوران گزشتہ برس اگست میں شیخ حسینہ کی حکومت کا تختہ الٹ دیا گیا تھا۔
تاہم بدامنی کا سلسلہ ابھی تک رکا نہیں ہے۔تازہ کشیدگی کا آغاز پانچ فروری کو ہوا، جب مظاہرین نے شیخ حسینہ کے خاندان سے منسلک عمارات اور دیگر تنصیبات کو نقصان پہنچایا۔ یہ احتجاج ایسی رپورٹوں کے بعد شروع ہوا کہ شیخ حسینہ فیس بک پر خطاب کرنے والی ہیں۔ اس وقت 77 سالہ سابق وزیر اعظم شیخ حسینہ پر 'انسانیت کے خلاف جرائم‘ کے الزامات ہیں اور وہ اپنی گرفتاری سے بچنے کے لیے فرار ہو کر گزشتہ برس اگست میں ہی بھارت چلی گئی تھیں۔
تب سے وہ بھارت ہی میں جلاوطنی کی زندگی گزار رہی ہیں۔تازہ بد امنی میں شیخ حسینہ کے والد اور ملک کے پہلے صدر شیخ مجیب الرحمان کے سابق گھر اور اب ایک میوزیم کی عمارت کو بھی نقصان پہنچا۔ اس پر شہری حقوق کے لیے سرگرم کارکنوں نے کافی شور مچایا۔ علاوہ ازیں شیخ حسینہ کی پارٹی عوامی لیگ کے حامیوں اور ان کے مخالفین کے مابین تصادم کی بھی رپورٹیں ہیں۔
پولیس نے ان تازہ واقعات کی تمام تر ذمہ داری شیخ حسینہ پر عائد کی ہے۔ملک کے عبوری سربراہ حکومت محمد یونس نے گزشتہ جمعے کے روز عوام سے پر امن رہنے کی اپیل کی تھی۔ اس کے کچھ گھٹنے بعد شیخ حسینہ کے خلاف طلبہ تحریک چلانے والے گروپ 'اسٹوڈنٹس اگینسٹ ڈسکریمینیشن‘ کے چند ارکان پر ڈھاکہ کے ضلع غازی پور میں حملہ ہوا تھا۔ یہ ایک طاقت ور گروپ ہے، جس کی نمائندگی اب کابینہ میں بھی ہے۔
اس حملے کے بعد اس گروپ کے ارکان نے عوامی لیگ کے ذمہ دار افراد کے خلاف کارروائی کا مطالبہ کیا تھا۔ حکومت نے بھی تصدیق کر دی ہے کہ کارروائی کا آغاز 'سابق آمرانہ حکومت سے منسلک گروہوں کے حملے‘ کے بعد کیا گیا۔
عبوری حکومت کے سربراہ محمد یونس کے مشیر برائے ذرائع ابلاغ شفیق الاسلام نے بتایا ہے کہ قانون نافذ کرنے والے اداروں پر نگاہ رکھنے کا کام حکومت نے ایک خصوصی کمانڈ سینٹر کی ٹیم کے حوالے کر دیا ہے۔
دوسری جانب اس آپریشن کے حوالے سے ملک میں تشویس بھی پائی جاتی ہے۔ سپریم کورٹ کے ایک وکیل سنہادری چکرورتی کا کہنا ہے کہ وسیع پیمانے پر گرفتاریوں میں بے قصور افراد بھی پھنس سکتے ہیں اور ایسا کرنے سے اصل مسئلہ حل نہیں ہو گا۔
ع س / م م (اے ایف پی، اے پی)
.ذریعہ: UrduPoint
کلیدی لفظ: تلاش کیجئے شیخ حسینہ کے بنگلہ دیش
پڑھیں:
سندھ گورنمنٹ چلڈرن اسپتال کے سینکڑوں ملازمین کئی ماہ سے تنخواہ سے محروم
ملازمین نے اسپتال انتظامیہ کو انتباہ کیا ہے کہ اگر اگست میں تنخواہ نہیں ملی تو احتجاج کیا جائے گا۔ اسلام ٹائمز۔ پبلک پرائیویٹ پارٹنرشپ کے تحت چلنے والے سندھ گورنمنٹ چلڈرن اسپتال کراچی کے 400 ملازمین 4 ماہ سے اپنی تنخواہوں سے محروم ہیں، ملازمین نے اسپتال انتظامیہ کو انتباہ کیا ہے کہ اگر اگست میں تنخواہ نہیں ملی تو احتجاج کیا جائے گا۔ ملازمین کو تنخواہیں نہ ملنے کے حوالے سے اسپتال انتظامیہ نے تصدیق کرتے ہوئے کہا کہ آئندہ ماہ ان ملازمین کو تنخواہوں کی ادائیگی کر دی جائے گی، کیونکہ اسپتال کو بجٹ ابھی پروسس میں ہے، توقع ہے کہ آئندہ ہفتے تک بجٹ اسپتال کو مل جائے گا، جس کہ بعد ملازمین کے بقایہ جات سمیت تنخواہوں کی کر دی جائیں گی۔ واضح رہے کہ اسپتال میں آئے دن احتجاج جاری رہتا ہے، 2013ء میں جاپان کی این جی او JICA کے اشتراک سے اسپتال میں نئی عمارت تعمیر کی گئی تھی، جس کے بعد یہ اسپتال کراچی میں بچوں کے اسپتال کی منفرد حثیت رکھتا تھا، تاہم اس وقت چلڈرن کو محکمہ صحت کی جانب سے 10 کروڑ روپے کا بجٹ جاری کیا جاتا تھا اور اسپتال میں رات گئے تک علاج و معالجے کی سہولتیں فراہم کی جاتی تھی۔
اکتوبر 2016ء میں محکمہ صحت نے پبلک پرائیویٹ پارٹنرشپ کے نام پر اس اسپتال کو ایک این جی او کے تحت کر دیا، جس کے بعد اسپتال کا بجٹ میں اضافہ کر کے 44 کروڑ روپے کر دیا گیا۔ محکمہ صحت کے مطابق سندھ گورنمنٹ چلڈرن اسپتال اکتوبر 2026ء تک این جی او کو 10 سال کے معاہدے پر دے رکھا ہے، اکتوبر 2026ء میں اس اسپتال کے مستقبل کا فیصلہ کیا جائے گا، پبلک پرائیویٹ پارٹنرشپ کے بعد اسپتال میں ملازمین کو بروقت تنخواہوں کی عدم ادائیگی کی وجہ سے ملازمین کی جانب سے 10 ہڑتالیں کی جا چکی ہیں اور کئی بار اسپتال بھی بند رہا ہے۔ اس اسپتال میں 2004ء سے 2025ء تک بچوں کی کوئی بڑی سرجری نہیں کی جا سکی، اسپتال میں بچوں کی صرف عام بیماریوں کا علاج کیا جاتا ہے، چلڈرن اسپتال میں 300 سے زائد کا عملہ این جی او کے ماتحت ہے، جبکہ ایم ایس سمیت 65 افراد کا عملہ محکمہ صحت کے ماتحت ہے۔ اسپتال آنے والی ایک خاتون رابعہ نے بتایا کہ پیچیدہ امراض میں مبتلا آنے والے بچوں کو NICH یا سول اسپتال بھیجا جاتا ہے اور اس اسپتال میں بچوں کے کسی بھی پیچیدہ امراض کی سرجری کی کوئی سہولت موجود نہیں۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے