فلسطینیوں کی بیدخلی کا مذموم منصوبہ
اشاعت کی تاریخ: 11th, February 2025 GMT
پاکستان نے اسرائیلی وزیراعظم نیتن یاہوکے حالیہ بیان کی دو ٹوک الفاظ میں مذمت کی ہے جس میں انھوں نے فلسطینی عوام کو سعودی عرب میں ریاست قائم کرنے کی غیر ذمے دارانہ تجویز دی ہے۔ متحدہ عرب امارات نے اسرائیلی وزیراعظم کے بیان کو مسترد اور اس کی شدید مذمت کرتے ہوئے کہا ہے کہ علاقائی استحکام صرف 2 ریاستی حل کے ذریعے ہی حاصل کیا جاسکتا ہے۔
اسرائیلی وزیراعظم نیتن یاہو نے دو ریاستی حل مسترد کرتے ہوئے سعودی عرب کے اندر فلسطینی ریاست بنانے کی تجویز دی ہے۔ نیتن یاہو کے اس بیان نے تو جلتی پر تیل کا کام کیا ہے۔ یہ اسرائیلی مقاصد کی حمایت میں ایک نیا قدم معلوم ہوتا ہے، جس میں فلسطینیوں کو ان کی زمینوں سے بیدخل کرنے کا دیرینہ خواب شامل ہے۔
یہ پالیسی دراصل اسرائیلی حکومت کے اس ایجنڈے سے جڑی ہوئی ہے، جو 1948 سے فلسطینیوں کو نکال کر ان کی زمینوں پر یہودی بستیاں تعمیر کرنے کی کوششوں میں مصروف ہے۔ اسرائیلی وزیراعظم نیتن یاہو کی دلی خواہش اور تمنا ہے کہ فلسطینیوں کو زبردستی بیدخل کردیا جائے، حالیہ منصوبہ اسرائیلی وزیراعظم کی امریکی صدر ٹرمپ سے ملاقات کے بعد سامنے آیا ہے، جس نے نہ صرف فلسطینی عوام کے لیے مزید مشکلات پیدا کی ہیں بلکہ مشرقِ وسطیٰ میں امن کی امیدوں کو بھی دھچکا پہنچایا ہے۔
مذموم منصوبے کے تحت غزہ کو ایک ’’جدید شہر‘‘ میں تبدیل کرنے کی بات کی جا رہی ہے، جہاں بڑی بڑی عمارتیں، ہوٹل اور کاروباری مراکز قائم کیے جائیں گے، لیکن اس ترقی کا مطلب یہ ہے کہ موجودہ فلسطینی آبادی کو ان کے گھروں سے بیدخل کر کے دیگر ممالک میں پناہ لینے پر مجبور کیا جائے۔
اس سے پہلے بھی ٹرمپ انتظامیہ نے 2020 میں ’’صدی کا معاہدہ‘‘ (Deal of the Century) پیش کیا تھا، جو فلسطینیوں کے حقوق کو نظر انداز کرکے اسرائیل کے مفادات کو ترجیح دیتا تھا۔ اس منصوبے پر عالمی سطح پر شدید ردعمل سامنے آیا ہے۔
اقوام متحدہ اور اسلامی تعاون تنظیم (OIC) نے اس منصوبے کی مذمت کی ہے، کیونکہ یہ بین الاقوامی قوانین اور انسانی حقوق کی کھلی خلاف ورزی ہے۔ مسلم ممالک، خاص طور پر ترکی، ایران، اور ملائیشیا، نے اسے فلسطینی عوام کے خلاف کھلی جارحیت قرار دیا ہے۔
یورپی یونین کے کئی ممالک نے فلسطینیوں کی جبری بیدخلی کو ناقابل قبول قرار دیا ہے اور اسرائیل و امریکا پر دباؤ ڈالا ہے کہ وہ انسانی حقوق کا احترام کریں۔ مصر اور اردن پہلے ہی فلسطینی مہاجرین کو سنبھال رہے ہیں، اس منصوبے کو اپنے لیے بھی خطرہ سمجھتے ہیں۔
غزہ کے لاکھوں شہری پہلے ہی اسرائیلی بمباری کے بعد بے گھر ہو چکے ہیں، اور اب اگر انھیں مکمل طور پر بیدخل کر دیا گیا تو ان کے پاس کوئی جائے پناہ نہیں رہے گی۔ اس منصوبے کے نتیجے میں مشرق وسطیٰ میں مزید بدامنی پھیل سکتی ہے،کیونکہ یہ منصوبہ فلسطینی مزاحمت کو مزید بھڑکانے کا سبب بنے گا۔
فلسطینی عوام ایسا کرنے کے بجائے اپنی سرزمین پر موت کو ترجیح دیں گے۔ اس کے علاوہ عالمی طاقتیں خاص طور پر فرانس، جرمنی اور کئی دوسرے یورپی ممالک نے بھی اس فارمولے کو رد کرتے ہوئے ٹرمپ کی سوچ کی مذمت کی ہے۔
فلسطین ایک ایسا خطہ ہے جس کی زمین تاریخ کے جبر، جنگ اور ناانصافی کی گواہ ہے۔ فلسطینی عوام کو ان کے گھروں اور زمینوں سے بے دخل کیے جانے کا عمل ایک ایسی حقیقت ہے جو نہ صرف سیاسی بلکہ انسانی حقوق کے زاویے سے بھی ناقابل قبول ہے۔
اگر اسرائیل واقعی غزہ کی تعمیر نو میں دلچسپی رکھتا ہے اور اس کا کوئی اور خفیہ ایجنڈا نہیں ہے، تو سب سے منصفانہ اور پائیدار حل یہی ہوگا کہ فلسطینیوں کو اسرائیل کے زیر قبضہ ان علاقوں میں دوبارہ بسایا جائے جہاں سے انھیں 1948 میں اسرائیل کے قیام کے بعد زبردستی نکال دیا گیا تھا اور وہ آج بھی مہاجر کیمپوں میں کسمپرسی کی زندگی گزار رہے ہیں۔
نہ صرف غزہ بلکہ مغربی کنارے اور دیگر ممالک میں بھی فلسطینی پناہ گزینوں کی بڑی تعداد موجود ہے، جو اپنے آبائی گھروں میں واپس جانے کا حق رکھتی ہے۔ اقوام متحدہ کی قرارداد 194 بھی فلسطینی مہاجرین کے حقِ واپسی کو تسلیم کرتی ہے، لیکن اسرائیل نے اس قرارداد پر کبھی عملدرآمد نہیں کیا۔
غزہ کے رہائشیوں کو مصر اور اردن منتقل کرنا ’عارضی یا طویل مدتی‘ پالیسی ہو سکتی ہے۔ اردن پہلے ہی 23 لاکھ فلسطینی پناہ گزینوں کی میزبانی کر رہا ہے اور کئی بار ایسے کسی بھی منصوبے کو مسترد کر چکا ہے جس کا مقصد اردن کو ’متبادل وطن‘ بنانا ہو۔بین الاقوامی سیاسی حالات کا جس طرح سے نقشہ سامنے آرہا ہے۔
اس میں امریکا کے نو منتخب صدر ڈونلڈ ٹرمپ کا غلط ارادہ اور منصوبہ بے نقاب ہوچکا ہے۔ حماس اور اسرائیل کے درمیان عارضی سیز فائر کا سہرا امریکی صدر اپنے سر باندھ رہے ہیں لیکن اس کے بعد کے اعلانات، ارادوں اور اقدامات پر بین الاقوامی قوتیں بداعتمادی کا اظہار بھی کر رہی ہیں۔
ڈونلڈ ٹرمپ نے طاقتور ملک امریکا کا صدارتی منصب سنبھالنے کے بعد جو اعلان فلسطین کے حوالے سے کیا ہے، وہ بڑا غور طلب، مضحکہ خیز، خوفناک اور ظالمانہ سوچ کا عکاس ہے۔ غزہ کو برباد کرنے اور انسانی آبادیوں، سرکاری دفاتر، تعلیمی اداروں کو ملبے کا ڈھیر بنانے کے بعد چند دن پہلے فلسطینی مسلمانوں کو فلسطین سے باہر آباد کرنے کا جو فارمولا ڈونلڈ ٹرمپ نے دیا ہے، وہ ناقابل فہم اور ناقابل عمل ہے۔
ٹرمپ نے استدلال پیش کیا ہے کہ اسرائیل نے غزہ کو اتنا برباد کر دیا ہے کہ اب کھنڈرات پر مشتمل یہ علاقہ رہنے کے قابل نہیں رہا۔ یہاں کے رہائشیوں کو آباد کرنے اور تعمیر نو کو سالہا سال لگ سکتے ہیں جس پر، وہ کہتے ہیں، میں نے اردن کے بادشاہ عبداللہ ثانی اور مصری صدر عبدالفتح السیسی سے بات کی ہے کہ یہاں کے رہائشی فلسطینی عوام کو اپنے ملک میں آباد کریں یعنی مصر اپنے ریگستانی علاقے سرائے سینا میں فلسطینی عوام کو جگہ دے اور اردن سے کہا گیا ہے کہ وہ فلسطین سے ملحقہ مغربی کنارے میں انھیں آباد کرے۔
کیا امریکی صدر تاریخ سے نابلد ہیں؟ شاید انھیں یہ سمجھ نہیں کہ فلسطین کے عوام سات دہائیوں سے اپنی سرزمین کو صیہونی طاقت سے آزاد کروانے کے لیے جانوں کی قربانی دے رہے ہیں، وہ اپنی دھرتی ماں کو چھوڑکر کیوں سرائے سینا اور اردن کے علاقوں میں آباد ہوں گے؟
عالمی برادری کو یہ حقیقت سمجھنے کی ضرورت ہے کہ فلسطین کی سرزمین کے مالک و مختار فلسطینی عوام ہیں۔ انبیا ء کی اس مقدس سرزمین کو سلطنت عثمانیہ کے خاتمے کے بعد برطانیہ نے ایک بڑی سازش کے ذریعے صیہونی طاقتوں کے حوالے کرنے کی ابتدا کی۔
جب کہ امریکا اور اس کے اتحادی ممالک اسلحے، سرمایے اور جدید ٹیکنالوجی کے حوالے سے مختلف جنگوں میں قابض صیہونی ریاست کے مدد گار رہے ہیں، تاکہ فلسطین پر قبضہ جاری رکھا جاسکے اور آج بھی وہ اس قسم کے چالوں سے فائدہ اٹھاتے ہوئے اسرائیل کی وسعت پسندانہ سوچ کو بروئے کار لا رہے ہیں۔
اس علاقے میں اسرائیلی طاقت کے سامنے مختلف سازشوں کے ذریعے اپنی صیہونی مملکت کو وسعت دینے کا اعادہ کر رہی ہے اوراس پر عمل بھی شروع کر دیا ہے، جیسا کہ شام کے اندر حافظ الاسد کی حکومت کا خاتمہ اور جولانی گروپ کا اقتدار پر قبضہ اسرائیل کو تحفظ دینے اور اس کے توسیع پسندانہ عزائم کی ابتدا ہے، کہ ایک منصوبے کے تحت شام کے مختلف علاقوں پر قبضہ کر کے اسرائیل اپنی مملکت کو جغرافیائی وسعت دینے کی ابتدائی تیاریاں کر رہا ہے۔
اسرائیل کے اقدامات سے مملکت اردن کی خود مختاری کو بھی خطرہ ہے اور لبنان پر بھی قبضہ کرنے کی خواہش کا اظہار اسرائیل کی طرف سے کیا جا رہا ہے جو کہ ناممکن ہوگا اور خدشہ ہے کہ کرہ ارض ایک نئی عالمی جنگ کے شعلوں کی لپیٹ میں آ جائے گا۔
ٹرمپ نے اپنی صدارتی انتخابی مہم کے دوران امریکی مکاری کے اندر چھپی ہوئی جو تقاریر کی تھیں، وہ بڑی طاقت کے بڑے حکمران کے اقتدار میں آتے ہی بے نقاب ہوتی جا رہی ہیں۔ فلسطینی کیسے اسرائیل کو غزہ پر قبضہ کرنے کے لیے دوسرے ممالک میں چلے جائیں، وہ نسل در نسل اپنی آزادی کی جنگ لڑ رہے ہیں۔
1948سے اب تک انھوں نے فلسطین پر اسرائیلی قبضے کو تسلیم نہیں کیا۔تو یہ کیسے ہو سکتا ہے کہ امریکی صدر کی تجویز پر غزہ اسرائیل کے حوالے کر دیں، یہ ناممکن ہوگا۔غزہ کی پٹی دنیا کے گنجان ترین علاقوں میں سے ایک ہے، جہاں لاکھوں افراد محدود وسائل میں زندگی گزار رہے ہیں۔
اگر ان فلسطینیوں کو اسرائیل میں واپس بسایا جائے تو غزہ پر آبادی کا دباؤ کم ہو جائے گا اور وہاں کے حالات میں بہتری آئے گی۔ جبری بیدخلی بین الاقوامی قوانین کے تحت جنگی جرم ہے۔ عالمی برادری کو چاہیے کہ وہ متحد ہو کر اس ظلم کے خلاف آواز بلند کرے اور فلسطینی عوام کے حقوق کی بحالی کے لیے عملی اقدامات کرے۔ بصورت دیگر، یہ تنازعہ مزید شدت اختیار کر سکتا ہے، جس کا خمیازہ نہ صرف فلسطین بلکہ پوری دنیا کو بھگتنا پڑے گا۔
.ذریعہ: Express News
کلیدی لفظ: اسرائیلی وزیراعظم فلسطینی عوام کو فلسطینیوں کو بین الاقوامی امریکی صدر اسرائیل کے کہ فلسطین اور اردن کے حوالے کرنے کی رہے ہیں رہا ہے دیا ہے اور اس ہے اور کے لیے
پڑھیں:
اسرائیل غزہ میں فلسطینیوں کی نسل کُشی کا مرتکب، تحقیقاتی کمیشن
اسلام آباد (اُردو پوائنٹ ۔ UN اردو۔ 17 ستمبر 2025ء) اقوام متحدہ کے غیرجانبدار بین الاقوامی تحقیقاتی کمیشن نے کہا ہے کہ اسرائیل غزہ میں فلسطینیوں کے خلاف نسل کشی کا مرتکب ہوا ہے اور بین الاقوامی قانون کے تحت تمام ممالک کی قانونی ذمہ داری ہے کہ وہ اس قتل عام کو روکنے اور اس کے ذمہ داروں کو سزا دینے کے اقدامات کریں۔
کمیشن نے کہا ہے کہ اسرائیلی حکام اور سکیورٹی فورسز نے 1948 کے 'کنونشن برائے انسدادِ نسل کشی' میں بیان کردہ پانچ میں سے چار ایسے افعال کا ارتکاب کیا ہے جو نسل کشی کی ذیل میں آتے ہیں۔
Tweet URLان میں مخصوص انسانی گروہ کا قتل، اس کے ارکان کو شدید جسمانی و ذہنی نقصان پہنچانا، ان پر مکمل یا جزوی تباہی کا باعث بننے والے حالات زندگی مسلط کرنا اور ان کے تولیدی حقوق کو غصب کرنا یا نقصان پہنچانا شامل ہیں۔
(جاری ہے)
یہ تمام افعال اقوام متحدہ کے انسداد نسل کشی کنونشن کے تحت نسل کشی کے واضح اور سنگین مظاہر تسلیم کیے گئے ہیں۔
کمیشن کی سربراہ نوی پِلے نے کہا ہے کہ ان ہولناک جرائم کی ذمہ داری اسرائیلی کے اعلیٰ ترین حکام پر عائد ہوتی ہے جنہوں نے تقریباً دو سال سے فلسطینیوں کو غزہ میں تباہ کرنے کی مخصوص نیت کے ساتھ ایک منظم نسل کشی کی مہم چلائی۔
اس کمیشن کا قیام اقوام متحدہ کی کونسل برائے انسانی حقوق کی جانب سے 2021 میں عمل میں لایا گیا تھا۔ اس نے 7 اکتوبر 2023 اور اس کے بعد دو سال کے دوران غزہ میں پیش آنے والے واقعات کے بارے میں اپنی تحقیقاتی رپورٹ میں ایسے تمام اقدامات کی تفصیلات بیان کی ہیں جو فلسطینیوں کی نسل کشی کے مترادف ہیں۔
نسل کشی کی منظم مہمکمیشن نے اپنی رپورٹ میں یہ نتیجہ بھی اخذ کیا ہے کہ اسرائیل نہ صرف نسل کشی کو روکنے بلکہ ان افعال کی تحقیقات کرنے اور ذمہ داروں کو انصاف کے کٹہرے میں لانے میں بھی ناکام رہا۔
کمیشن نے نسل کشی کی نیت ثابت کرنے کے لیے بین الاقوامی عدالت انصاف (آئی سی جے) کے مقدمے 'بوسنیا بنام سربیا' میں طے کیے گئے معیار یعنی 'واحد معقول نتیجہ' کو اپنایا اور اس معاملے میں اسرائیلی حکام کے بیانات کا جائزہ لیا جو نسل کشی کی نیت کا براہ راست ثبوت فراہم کرتے ہیں۔
کمیشن نے غزہ میں اسرائیلی حکام اور سیکیورٹی فورسز کے عملی رویے کا تجزیہ بھی کیا جس میں فلسطینیوں کو فاقہ کشی پر مجبور کرنا اور غزہ میں ان پر غیر انسانی حالاتِ مسلط کرنا شامل ہے۔
ان شواہد کی بنیاد پر نتیجہ اخذ کیا گیا کہ ایسی کارروائیوں میں نسل کشی کی نیت شامل تھی۔رپورٹ میں کہا کیا گیا ہے کہ یہ نسل کشی ایک منظم اور طویل المدتی مہم کا حصہ تھی۔ اسرائیل نے نہ صرف نسل کشی کی نیت سے کارروائیاں کیں بلکہ اسے روکنے یا مجرموں کو سزا دینے میں بھی ناکام رہا۔ یہ نتائج بین الاقوامی قانون، انسانی حقوق، اور عالمی ضمیر کے لیے ایک انتہائی سنجیدہ مسئلے کی حیثیت رکھتے ہیں۔
کمیشن نے اسرائیلی حکومت پر زور دیا ہے کہ وہ اپنی بین الاقوامی قانونی ذمہ داریوں پر فوری عمل کرے جن میں غزہ کی پٹی میں نسل کشی کا خاتمہ اور 'آئی سی جے' کی جانب سے جاری کردہ عبوری اقدامات پر مکمل عملدرآمد بھی شامل ہے۔
تحقیقاتی کمیشن نے اسرائیل سے کہا ہے کہ وہ بھوک کا بطور ہتھیار استعمال فوری بند کرے، غزہ کا محاصرہ اٹھائے اور انسانی امداد تک وسیع، محفوظ اور بلا رکاوٹ رسائی کو یقینی بنائے۔ اس میں اقوام متحدہ کے تمام عملے، بشمول فلسطینی پناہ گزینوں کے لیے اس کے امدادی ادارے (انروا)، انسانی حقوق کے ہائی کمشنر کے دفتر اور تمام تسلیم شدہ بین الاقوامی انسانی امدادی اداروں کو رسائی دینا بھی شامل ہے۔
کمیشن نے نے اسرائیل سے یہ مطالبہ بھی کیا ہے کہ وہ 'غزہ امدادی فاؤنڈیشن' کی سرگرمیوں کو فوراً بند کرے۔
کمیشن نے اقوام متحدہ کے رکن ممالک سے کہا ہے کہ وہ اسرائیل کو ہتھیاروں اور ایسے دیگر سازوسامان کی منتقلی کو روکیں جو نسل کشی میں استعمال ہو سکتے ہیں۔
علاوہ ازیں، یہ بھی یقینی بنایا جائے کہ ان کے دائرہ اختیار میں موجود افراد اور کمپنیاں براہ راست یا بالواسطہ کسی بھی صورت نسل کشی میں ملوث نہ ہوں اور ایسے افراد یا کمپنیوں کے خلاف تحقیقات اور قانونی کارروائی کے ذریعے جوابدہی کو یقینی بنایا جائے جو نسل کشی میں کسی بھی طور پر شریک پائے جائیں۔نوی پِلے نے کہا ہے کہ عالمی برادری غزہ میں فلسطینیوں کی نسل کشی پر خاموش نہیں رہ سکتی۔
جب نسل کشی کی واضح علامات اور ثبوت سامنے آ جائیں تو اسے روکنے میں ناکامی، خود اس جرم میں شراکت کے مترادف ہے۔اس معاملے میں ہر روز کی بے عملی مزید انسانی جانوں کے ضیاع کا باعث بن رہی ہے اور اس سے عالمی برادری کی ساکھ کو شدید نقصان ہو رہا ہے جبکہ تمام ممالک پر اس نسل کشی کو روکنے کے لیے اپنے اختیار میں موجود تمام ذرائع بروئے کار لانے کی قانونی ذمہ داری عائد ہوتی ہے۔
پنجاب پولیس کی خاتون افسر نے عالمی سطح پر پاکستان کا نام روشن کر دیا