شوہر بیوی کو گیس اسٹیشن پر بھول گیا، یاد کتنی دور جاکر آئی؟
اشاعت کی تاریخ: 10th, July 2025 GMT
پیرس میں ایک حیرت انگیز اور مضحکہ خیز واقعہ پیش آیا جب سیر و تفریح پر جانے والا ایک شخص گیس اسٹیشن پر اپنی اہلیہ کو بھول کر کئی کلومیٹر دور پہنچ گیا۔
آدیٹی سینٹرل کی رپورٹ کے مطابق 5 جولائی کو ایک حیران کن واقعہ اس وقت پیش آیا جب پیرس سے تعلق رکھنے والا ایک شخص اپنی بیوی اور بیٹی کے ساتھ گاڑی میں چھٹیاں گزارنے کے لیے مراکش روانہ ہوا۔ راستے میں انہوں نے کئی پٹرول پمپس پر رُک کر آرام کیا، لیکن ان میں سے ایک وقفے کے دوران ایسا واقعہ پیش آیا جس نے سب کو حیران کر دیا۔
رپورٹ کے مطابق صبح تقریباً 4:30 بجے، ایک پٹرول پمپ پر وقفے کے بعد وہ شخص گاڑی لے کر روانہ ہو گیا، یہ جانے بغیر کہ اس کی بیوی اب بھی پٹرول پمپ پر موجود ہے۔
تقریباً 300 کلومیٹر (186 میل) کا فاصلہ طے کرنے کے بعد اسے احساس ہوا کہ گاڑی میں بیوی ساتھ نہیں ہے جس کے بعد شوہر نے فوری طور پر ایمرجنسی سروسز کو فون کیا اور مدد مانگی۔
حکام کے مطابق، فون کال انتہائی عجیب و غریب نوعیت کی تھی، کیونکہ نہ صرف اسے یہ وضاحت دینا پڑی کہ وہ اپنی بیوی کو پٹرول پمپ پر کیسے بھول گیا، بلکہ اسے یہ بھی ٹھیک سے یاد نہیں تھا کہ وہ کس پٹرول پمپ پر رُکے تھے۔
اس واقعے نے سوشل میڈیا پر بھی توجہ حاصل کی، جہاں صارفین نے حیرانی، مزاح اور ہمدردی کا اظہار کیا۔ واقعے کے بعد حکام نے خاتون کو محفوظ حالت میں تلاش کر لیا۔
Post Views: 7.ذریعہ: Daily Mumtaz
کلیدی لفظ: پٹرول پمپ پر کے بعد
پڑھیں:
جدید ترین مری گلاس ٹرین، عوام و سیاحوں کا نیا تجربہ فراہم کریگی
لاہور(نیوزڈیسک) پنجاب ماس ٹرانزٹ اتھارٹی نے مری گلاس ٹرین کی باضابطہ طور پر تفصیلات جاری کرتےہوئے اس کے روٹس اور کرائے سے متعلق آگاہ کیا ہے۔
تفصیلات کے مطابق اب پاکستان میں بھی دبئی اور سنگاپور طرز کی جدید ٹرین چلائی جائے گی جو پاکستانی شہریوں کو بہترین تجربہ فراہم کریں گی، پی ایم اے نے مری گلاس ٹرین کے حوالے سے بتایا کہ یہ ایک ماحول دوست الیکٹرک مونوریل ہے
پنجاب ماس ٹرانزٹ اتھارٹی کا کہنا ہے کہ مری گلاس ٹرین اسلام آباد اور ہل اسٹیشن کے درمیان سفر کو آسان بنانے کے لیے متعارف کرائی جارہی ہے۔
اس پروجیکٹ کا مقصد عوم اور مری آنے والے سیاحوں کو قدرتی، تیز اور ماحول دوست سفر کا تجربہ فراہم کرنا ہے۔
پی ایم اے نے مزید بتایا کہ مری گلاس ٹرین اسلام آباد کے لیک ویو پارک سے مری بس اسٹاپ کے قریب اسٹیشن تک چلے گی اور اس کا مکمل سفر تقریباً 40 منٹ میں مکمل ہوگا۔
اس کےچار اسٹیشن ہوں گے جن میں لیک ویو پارک، چھتر پارک، گھوڑا گلی اور مری بس اسٹینڈ کے قریب آخری اسٹاپ شامل ہیں۔
پنجاب ماس ٹرانز اتھارٹی نے اس کے کرایوں کی دو کیٹیگریز کا اعلان کیا ہے جن میں اسٹینڈرڈ کیٹیگری کا کرایہ 500 جبکہ پریمیم کیٹیگری کا کرایہ 1,000 روپے رکھا گیا ہے۔
یہ جدید شیشے کی دیواروں والی ٹرین الیکٹرک مونوریل سسٹم پر چلے گی، جو اس کے نہ صرف ماحول دوست ہونے کا ثبوت ہے بلکہ یہ شہریوں کو ٹریفک کی رکاوٹوں سے بھی بچائے گی، ٹیرن کو لانچ کرنے کی تاریخ اور آپریشنل شیڈول سے متعلق اعلانات بھی جلد کیے جائیں گے۔
مریم نواز کا ضمنی الیکشن میں (ن) لیگ کی شاندار کامیابی پر اظہار تشکر