اسلام آباد میں تیز رفتار کار سوار کی ٹکر سے اسکوٹی پر سوار لڑکی جاں بحق
اشاعت کی تاریخ: 29th, November 2025 GMT
وفاقی دارالحکومت میں تیز رفتار گاڑی کی ٹکر سے ای اسکوٹر پر سوار لڑکی جاں بحق جبکہ دوسری زخمی ہوگئی۔
ایکسپریس نیوز کے مطابق اسلام آباد میں ایران ایونیو پر ٹریفک حادثہ پیش آیا جس میں تیز رفتار گاڑی نے الیکٹریکل اسکوٹی کو ٹکر ماری۔
اسکوٹی پر دو لڑکیاں سوار تھیں جن کی شناخت آمنہ اور فاطمہ کے ناموں سے ہوئی۔ گاڑی کی ٹکر اس قدر شدید تھی کہ ایک زخمی لڑکی آمنہ اسپتال منتقلی کے دوران دم توڑ گئی۔
ریسکیو حکام کے مطابق دوسری زخمی ہونے والی بچی کو بھی چوٹیں آئیں ہیں تاہم اُس کی حالت خطرے سے باہر ہے۔
.ذریعہ: Express News
پڑھیں:
آسٹریلیا میں شارک کا خوفناک حملہ، خاتون جاں بحق اور ایک شخص شدید زخمی
آسٹریلیا کی ریاست نیو ساوتھ ویلز میں شارک کے حملے کا ایک اور دل دہلا دینے والا واقعہ پیش آیا ہے جس میں ایک خاتون ہلاک جبکہ ایک شخص شدید زخمی ہو گیا۔
یہ افسوسناک واقعہ کائلز بیچ پر پیش آیا۔ حکام کے مطابق خاتون پر حملہ اتنا اچانک اور شدید تھا کہ وہ موقع پر ہی دم توڑ گئیں، جبکہ زخمی شخص کو نازک حالت میں اسپتال منتقل کر دیا گیا ہے۔
ابتدائی رپورٹوں کے مطابق حملہ ایک بڑی بُل شارک نے کیا۔ حادثے کے بعد ساحل کو فوری طور پر بند کر دیا گیا ہے تاکہ مزید کسی ممکنہ خطرے سے بچا جا سکے۔
واضح رہے کہ رواں سال آسٹریلیا میں شارک حملوں کے کم از کم پانچ واقعات رپورٹ ہو چکے ہیں، جس کے بعد ساحلی علاقوں میں حفاظتی اقدامات اور نگرانی کے نظام سے متعلق سوالات مزید بڑھ گئے ہیں۔