بابر اعظم نے ویرات کوہلی کا ٹی 20 انٹرنیشنلز کا ایک اور ریکارڈ برابر کردیا
اشاعت کی تاریخ: 24th, November 2025 GMT
راولپنڈی کرکٹ اسٹیڈیم میں کھیلے گئے سہ فریقی سیریز کے میچ میں پاکستان کے اسٹار بلے باز بابر اعظم نے بھارت کے ویرات کوہلی کا ٹی ٹوئنٹی انٹرنیشنلز میں سب سے زیادہ نصف سنچریوں کا ریکارڈ برابر کردیا۔
بابر اعظم نے زمبابے کے خلاف میچ میں 43 گیندوں پر 4 چوکوں کی مدد سے اپنی 38ویں ٹی ٹوئنٹی ففٹی مکمل کی، جس کے ساتھ ہی وہ سب سے زیادہ نصف سنچریاں بنانے والے بیٹرز کی فہرست میں ویرات کوہلی کے برابر آگئے۔
بھارت کے اسٹار بلے باز ویرات کوہلی بھی انٹرنیشنل ٹی ٹوئنٹی میچز میں 38 مرتبہ نصف سنچری بناچکے ہیں۔ 38 نصف سنچریوں کےلیے ویرات کوہلی نے 117 اننگز کا سہارا لیا جبکہ بابر اعظم نے 127 اننگز میں یہ کارنامہ انجام دیا۔
علم میں رہے کہ بابر اعظم پہلے ہی ویرات کوہلی کا سب سے زیادہ مرتبہ 50 یا اس سے زائد رنز بنانے کا ریکارڈ توڑ چکے ہیں۔
ویرات کوہلی نے ایک سنچری اور 38 نصف سنچریوں کے ساتھ 39 مرتبہ 50 یا اس سے زائد رنز بنائے جبکہ بابر اعظم 3 سنچریوں اور 38 نصف سنچریوں کے ساتھ 41 مرتبہ 50 یا اس سے زائد رنز بناچکے ہیں۔
سہ فریقی سیریز میں زمبابوے کے خلاف میچ میں بابر اعظم نے شاندار کھیل پیش کرتے ہوئے 7 چوکوں اور 2 چھکوں کی مدد سے 52 گیندوں پر 74 رنز کی اننگز کھیلی اور ٹیم کی جیت میں کلیدی کردار ادا کیا۔
.ذریعہ: Daily Mumtaz
کلیدی لفظ: ویرات کوہلی نصف سنچریوں
پڑھیں:
ضمنی انتخابات،این اے 18میں عمرایوب کی اہلیہ کوشکست، لیگی امیدوار بابر نواز خان نے میدان مار لیا
ہری پور(نیوز ڈیسک) این اے 18 کے ضمنی انتخاب میں اعصاب شکن مقابلے کے بعد لیگی امیدوار بابر نواز خان نے میدان مار لیا۔ 602 پولنگ اسٹیشنز کے غیر حتمی غیر سرکاری نتائج کے مطابق بابر نواز خان نے اپنے حریف امیدوار اور پی ٹی آئی حمایت یافتہ شہر ناز عمر ایوب کو واضح شکست سے دوچار کیا۔
نتائج کے مطابق بابر نواز خان نے مجموعی طور پر 163996 ووٹ حاصل کیے، جبکہ شہر ناز عمر ایوب 120220 ووٹ لے سکیں۔ یوں بابر نواز خان کو 43776 ووٹوں کی برتری حاصل ہوئی۔
حلقے میں ووٹرز کی مجموعی تعداد 753944 رہی جبکہ ٹرن آؤٹ محض 09.42 فیصد ریکارڈ کیا گیا، جو اس حلقے میں گزشتہ انتخابات کے مقابلے میں خاصا کم ہے۔
نتائج سامنے آنے کے بعد مسلم لیگ ن کے کارکنوں نے رات کے وقت ہی جشن منانا شروع کر دیا، جھنڈے لہرانے، نعرے بازی اور ڈھول کی تھاپ پر رقص کا سلسلہ جاری رہا۔
دوسری جانب پی ٹی آئی نے انتخابی نتائج کو تسلیم کرنے سے انکار کر دیا ہے اور الیکشن کمیشن سے نتائج کی شفافیت اور پولنگ اسٹیشنز کے انتظامات پر سوالات اٹھا دیے ہیں۔
انتخابی عمل مکمل ہونے کے بعد الیکشن کمیشن کی جانب سے حتمی نتیجہ بعد میں جاری کیا جائے گا۔
ٹرافی تنازع، بھارتی ٹیم رائزنگ اسٹارز ایشیا کپ میں اسپورٹس مین اسپرٹ دکھانے کو تیار نہیں