عرب ممالک کا سربراہی اجلاس ٹرمپ کے شیطانی عزائم کو سختی سے مسترد کردے‘لیاقت بلوچ
اشاعت کی تاریخ: 11th, February 2025 GMT
لاہو ر(نمائندہ جسارت)نائب امیر جماعت اسلامی، مجلس قائمہ سیاسی قومی اُمور کے صدر لیاقت بلوچ نے کہاہے کہ امریکا غزہ میں اسرائیل کی شکست پر ’’کھسیانی بلی کھمبا نوچے‘‘ کے مصداق احمقانہ مؤقف کیساتھ نِت نئی اُوٹ پٹانگ تجاویز دے رہا ہے۔ سعودی عرب میں فلسطینی ریاست کے قیام کی اسرائیلی تجویز کسی قیمت پر ملت اسلامیہ کے لیے قابل قبول نہیں۔ امریکا اور برطانیہ نے غزہ میں فلسطینیوں کے قتل عام، نسل کشی کے لیے اسرائیل کی ناجائز سرپرستی کی، اسرائیل اپنے اہداف کے حصول میں ناکام رہا۔ امریکا اور برطانیہ اسرائیلی یہودیوں کو واپس یورپی ممالک میں بسائیں اور دُنیا کو امن کی طرف لوٹ آنے دیں۔ مصر میں عرب ممالک کا سربراہی اجلاس امریکی صدر ڈونلڈ ٹرمپ کے فلسطین پر مؤقف اور شیطانی عزائم کو سختی سے مسترد کردے اور ملت اسلامیہ کے جذبات کی ترجمانی کرے۔ ان خیالات کا اظہار انہوں نے گوجرانوالہ، لاہور میں ڈونرز کانفرنس اور نجی ریسٹورنٹ کے افتتاح اور منصورہ میں سوات (خیبرپختونخوا) کے مشران کے وفد سے ملاقات اور صحافیوں سے گفتگو کرتے ہوئے کیا۔لیاقت بلوچ نے کہا کہ 26 ویں آئینی ترمیم عدلیہ کی آزادی اور پیکا ایکٹ آزادی صحافت اور آزادی اظہار کے لیے خطرناک ترین ریاستی اقدامات ہیں۔ ججوں کے تحفظات پر مبنی خطوط نے جوڈیشل کمیشن اجلاس کو متنازع بنادیا ہے۔ اسٹیبلشمنٹ اور غلام حکمران اندھی طاقت، جعلی اکثریت سے ہر غلط اقدام کررہے ہیں۔ ججوں کی تقسیم نے اِس عمل کو دوآتشہ کردیا ہے۔ عدالت عظمیٰ اور ہائیکورٹ کے چیف جسٹس صاحبان اپنی متعلقہ کورٹس کے تمام ججوں پر مشتمل اجلاس بلائیں اور آزاد عدلیہ کے تحفظ کے لیے جرأت مندانہ کردار ادا کریں، وگرنہ صرف عدلیہ ہی مفلوج نہیں ہوگی عوام بھی بنیادی انسانی حقوق سے محروم ہوتے جائیں گے۔ حکومت پیکا ایکٹ میں ترامیم واپس لے اور صحافتی تنظیموں اور تمام اسٹیک ہولڈرز سے مشاورت کے ساتھ ذمے دار صحافت، ذمے دار ڈیجیٹل میڈیا کے روڈ میپ کا فیصلہ کرے۔لیاقت بلوچ نے گوجرانوالہ اور شیخوپورہ میں کسانوں کے وفود سے گفتگو کرتے ہوئے کہا کہ گندم کے کاشت کاروں کے لیے آئندہ سال کی فصل گزشتہ سال کی فصل سے بھی زیادہ خوفناک شکل اختیار کررہی ہے۔ وفاقی اور صوبائی حکومتوں نے کسانوں کی محنت کے تحفظ کے لیے کوئی اقدامات نہیں کیے۔ زرعی اخراجات ناقابل برداشت ہیں۔ کسان کی خوشحالی ہی ملک کے معاشی استحکام کی ضمانت ہے، کسان بدحال ہوگا تو قومی معیشت بھی بدحال رہے گی۔لیاقت بلوچ نے کہا کہ جی ٹی روڈ اور بین الاضلاعی سڑکوں کی حالت انتہائی ابتر ہے، سفر غیرمحفوظ اور خطرناک ہوگیا اور فارم سے مارکیٹ تک کسانوں کی رسائی بڑی مشکلات سے دوچار ہے۔ جماعت اسلامی زراعت کی ترقی اور کسانوں کے مسائل پر پورے ملک میں جدوجہد منظم کرے گی۔ لیاقت بلوچ نے کہا کہ مہنگی بجلی اور تیل نے پیداواری سرگرمیوں کو مفلوج کردیا ہے۔ سری لنکا میں بندر نے پورے ملک کی بجلی بند کردی، پاکستان کے بجلی نظام اور آئی پی پیز میں گھسے بندروں کو بھی پوری طاقت سے نکالنا ہوگا۔ حکومتی معاشی ترقی کے دعوے نمائشی ہیں، عملاً عام آدمی کی حالت ابتر ہوتی جارہی ہے۔
.ذریعہ: Jasarat News
کلیدی لفظ: لیاقت بلوچ نے کہا کے لیے
پڑھیں:
وزیراعظم دوحہ میں عرب-اسلامی سربراہی اجلاس میں شرکت کے لیے قطر روانہ
وزیراعظم محمد شہباز شریف ایک روزہ سرکاری دورے پر قطر کے دارالحکومت دوحہ روانہ ہوگئے۔ وہ 15 ستمبر 2025 کو منعقد ہونے والی ہنگامی عرب اسلامی سربراہی کانفرنس میں شرکت کریں گے۔
یہ اجلاس اسرائیل کے دوحہ پر فضائی حملوں اور فلسطین میں انسانی حقوق کی مسلسل خلاف ورزیوں کے پس منظر میں طلب کیا گیا ہے۔ اجلاس میں او آئی سی کے رکن ممالک کے سربراہان اور اعلیٰ حکام کی بڑی تعداد شریک ہوگی۔
وزیراعظم کے ہمراہ نائب وزیراعظم و وزیر خارجہ اسحاق ڈار، وفاقی وزیر دفاع خواجہ محمد آصف، وفاقی وزیر اطلاعات عطا اللہ تارڑ اور معاون خصوصی سید طارق فاطمی بھی دوحہ گئے ہیں۔
پاکستان نے قطر کے ساتھ اپنے تعلقات کو انتہائی اہمیت دیتے ہوئے اسرائیلی جارحیت کی شدید مذمت کی ہے۔ وزیراعظم شہباز شریف نے حالیہ دنوں میں دوحہ کا دورہ کرکے قطری قیادت کو پاکستان کی جانب سے قطر کی سلامتی و خودمختاری اور مشرق وسطیٰ میں امن کے لیے غیر متزلزل حمایت کا یقین دلایا تھا۔
15 ستمبر کو منعقد ہونے والا یہ ہنگامی اجلاس امت مسلمہ کے درمیان یکجہتی اور علاقائی امن کے قیام کے لیے ایک اہم سنگ میل قرار دیا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ